"اللهم فرج هم كل إمرأه تود الإنجاب وساعدهم في تكوين ذريتهم"
عزيزاتي
أتمنى لكل وحده تبا تحمل تتحقق أمنيتها والله يرزقها بإلي تباه
فالبدايه بقول قصتي
أنا متزوجه من أقل من سنه وما كنت أبا أحمل لاني متشبعه من الأطفال إلي في بيت هلي..لا أنا ولا زوجي مستعجلين … بس الحمدلله حملت بالغلط 
كنت دايما أمنع في فترات الإخصاب .. مانتقرب من بعض .. أو أحسب : الدوره تيني كل 30 يوم .. أول عشرة أيام عادي والعشر الثانيات ممنوع والأخيرات عادي هذي كانت حساباتي
وسبحان الله صدف إني رحت للدكتوره أتطمن على صحتي وإذا مافيني إلتهابات أو شي … وكشفت بالسونار المهبلي …
تدرون شو شفت ^^!!!
البويضه … الدكتوره فرحتلي وأنا كانت دموعي بتنزل مادري ليش مع إني ماكنت أبا أحمل بس من شفتها قلبي عورني وفرحت وايد .. حسيت كأني حامل وتمنيت زوجي يكون معايه
وقلتلها إنا نحن نعزل … هزبتني … قالت هذي فترة وناستج إنتي .. لأن كل ماكان وقت التلقيح تزيد متعت الزوجه
طلعت من الدكتوره وقلت ليش أفرح والبويضه مافيها شي ونحن مب ناوين عاليهال
ليلتها تكشخت وع قولة الدكتوره أيام متعتي :$ بس بعد أصرينا أن ماشي بيبي خخخخخخ
سبحان الله … فالشهر إلي بعده تأخرت الدوره ,,, وحسيت بآلام الدوره .. وع بالي الدوره وحطيت مطاره (مسكين النونو)وفالنهايه طلعت حامل فرحت وخفت وصحت مشاعر كانت متداخله بين الفرح والحزن وصليت وحمدت ربي على النعمه
زوجي أستانس بس مب ذيج الوناسه لأن ماكنا مخططين (ماكنا مستوعبين لمدة شهر وشوي)
وكل مره يسألني إذا كنت ناويه أحمل ذيج الليله ولأ .. وأحلف له إنه صار الحمل بالغلط … أقوله ولدك شيطان ماندري كيف وصل لداخل خخخخخ
بس من عرف إن فيني ولد فرح أكثر وااااااااايد مستانس الحمدلله .. الآباء يبون الأولاد قبل لوووول
المهم … بنات أنصح كل وحده تروح للدكتوره فترة التبويض وتكشف بالسونار المهبلي عشان تتأكد من البويضه ويتم الحمل بإذن الله
وهذي رساله من صديقه ..
"""اسمحي لي الموضوع محرج شوي
بس حبيت أساعدج فديتج ^_^
شوفي هالموقع
https://sehha.com/medical/pregnancy/conceive.htm
وشدي حيلج
من اليوم اللي فيه
درجة خصوبة عالية
إلى
يوم الإباضة
ووووعقب اقري الرد الثاني 🙂
https://forum.****.com/t61472.html
وأنا سويت هالطريقة والحمدلله حملت
ووووووووربي يوفقج إن شاء الله
وأسمع خبر حملج وأفرح بج قريب إن شاء الله ^_^ """""""""
هذي عزيزه على قلبي
وماخبرتها إني ماكنت أبا أحمل وحليلها كانت تبا تساعدني
وأنا خليته أحتياط ومامسحته
*** ملاحظ ***
عندي معلومه ماعرف إذا صح ولأ: إن كل مازادت رغبة الحرمه فالحمل ,, نوع من أنواع الهرمونات يرتفع ويكون هاله على البويضه يمنع دخول الحيوان المنوي .. أو أنه درجة سماكة البويضه تزيد مما يمنع دخول الحيوان المنوي
توكلي على الله … ويوم بتنامين مع زوجج … لازم مايكون سبب التقرب للإنجاب … خليه للمتعه وشيلي فكرة الحمل وأستمتعي .. وكل شي بإيي بروحه .. يعني كل مازادت المتعه زادت فرصة الإنجاب…
وفيليلتها … إذا كنتوا مستمتعين وصار حمل .. البيبي يطلع جميع
إن شاءالله تكون المعلومات صحيحه
وأعرف حريم ماحملوا إلا لما راحوا عند حرمه كبيره تمسحهم .. أو راحوا عند فلبينيه وسوتلهم مساج (سبحان الله) ممكن المساج أو المسحه تحرك شي فالرحم يساعد على الإخصاب أو التبويض
إن شاءالله تستفيدون حبيباتي
وشو الرابط اللي حطيته الثاني هب مبين
طالع النا نجوووم
وعقبااااااااااااالي يااااااااااااااارب يا ارحم الرااااحمييييييييين
ربي يتمم لج على خير وتفرحين بشوفة ضناج في حضنج..
وربي يجعلة من الصالحين يارب..
يزاج الله خير وتسلمين على طرحج للموضوع..
مبروووووك عليج الحمال
وعقال المحروومات ياااااااااااااااا رب
وانا ماشيه على هالنظام احين وان شاءالله احمل يا رب