اخباركمــ عساكم مرتاحيين ..
انا ختيه صارلها اقل من سنه و اهي معرسه ,,
كان عرسها تاريخ 23/10/2008 ,, و الحمدالله اهي من اول شهر حملت بس طبعا كانت امسافره شهر العسل و شكلها واايد اتحركت و كان الجماع واايد ,,,
طبعا ردت البلاد بعد شهــر و لكن بعد اسبوعين من ردت البلاد عقت البيبي ,,
و طبعا حملت بعدها بشهرين و نفس الحاله عقت البيبي ,, ع فكره الحمــل ما يتم الا شهر و اسبوعين و طبعا هذا ف اول حملين ,,,
و بعدها ب 3 اشهور حملت ما شاء الله ,, و اهي سوت التست في البيت و طلع انها جامل و عقب سارت لدكتورة النسا لانها واايد اتعاني من ظهرها ,, و ع فكرها حووضها واايد اصغير حتى الدكتورة دووم اتقلها اذا ثبت حملج راج اتربين قيصرية ,,
المهم طبعا سوت تحليل دم و اتأكدت انها حامل و خذت حبوب حموضه لانه الوحام مالها زفت ف زفت ,,
و اتخيلوا دشت ف شهرها الثالث و اهي نايمه ياها نزيف و ريلها خذاها للمستشفى و سوولها فحص و تلفزيون و غيره وطلع انها حامل بتووم بس كل واحد ف مشيمه ,, طبعا عقت وااحد و تمت اسبوعين ف المستشفى عسب الثاني ما يطيح و لا يتأثر باللي طاح ,,
و ظهرت و بعدها بأسبوعين عقت الثاني ,,
و ختيه صغيره في السن 22 سنه و اهي توها معرسه بس واايد نفستها زفت لانها دووم اتعق ,,
و طبعا الدكتوره قالت لها لازم ما تحملين لمدة 3 اشهوور لانها رحمها واايد كان نازل و جدار الرحم مالها واايد رقيق ,,,,
و اول شهرين عدن ع خير و ما حملت فيهن ,, بس ع شهر 7 حملت و الحمدالله خذت ابرة تثبيت حمل ,,
بس ختيه من النوع اللي ما تاكل واايد و فيها انيميا و دووم حملها يكوون حساس ,,
بس للاسف بعد ما مر شهر و اسبوعين من حملها و اهي الحمدالله ما كانت اتعاني من ظهرها بس للاسف فجأه جان ينغمى عليها و اهي نازله من الدري , و عقت البيبي
طبعا واايد اضايجت و للحين احسها ضاايجه ,,
ف اللي اتعرف شي عن اسباب عدم ثبوت حمل ختيه اتخبرني ..
و ربي يرزق الكــل ..
الحمدلله على كل حال ..
ان شاء الله الخوات يفيدونج ….
وتحرص على الاذكار وتحصن نفسها
الله يرزقنا واياها بالذريه الصالحه
ومتابعة كلاو الدكاتره
والله كريم
وهذا اللي محتاجتنه إختج خل تجربها صدقيني ما بتندم اهي من البريمي