وهذا رابط الموضوع الاولي
https://forum.uaewomen.net/showthread.php?t=562807
والحين بخبركم كيف كانت الولاده …. قبل ما اكتب من الحره اللي فيني ما اقول غير (( حسبي الله ونعم الوكيل فيهم ))
حليلها تمت محبوسه في غرفة الولاده 28 ساعه ….. تمشي في نفس الغرفه واترد اتطيح عالشبريه من التعب ولا حد يمر عليها ويشوف وضعها كيف …. المهم الساعه وحده ونص مادري شو حطولها وزاد الويع عندها لين العصر قالو خلاص نص ساعه ولا ساعه بتربي … ترينا نص ساعه .. ساعه .. سااااااااعتين ودروها محد ياها .. وهي تزااااااعج تقولي سيري ازقريهم احس اني خلاص بربي ..
زقرتهم وتميعو كلهم وتموا يحاول وياها ماشي فايده … يقولون لها شدي وهي حليلها ماتقصر تسوي كل اللي يقولون لها .. واخر شي نزلوها تحت ويلسوها ع ركبها وحده تضغطها من ورا من ظهرها والثانيه تترياها تحت متى ينزل وتسحبه.. بعد مااااشي فايده … ردوها مكانها وروحووو عنها … اونه برد الطلق عندها بنرجعلها يوم بيزيد …. وتمينا نتريا استوت الساعه 8 …. 9 ……12 ….وهم يحاولون ويابو حبل وربطو راس البيبي اونهم بيسحبونه بهالطريقه ….. يت تسحبه فلت الفلت من ايدها ورد البيبي مكانه … هني تم ينزل منها ماي لونه بني …. خافوووووووووووو كلهم قالو اكيد انفجر شي فبطنها على طووووووول جهزو الاوراق علشان العمليه ومن كثر خوفهم قالووو على طول دخلوها غرفة العمليات وما نبغي توقيعهم حتى يوم بنخلص بنخبرهم ….. هالرمسه كلها جدام مرت اخوي .. وعقب ما سمعتهم امي اتصلت ف اخوي قالت له تعال بسرعه بيسوولها عمليه … الحين نحن ما ندري شسالفه وليش بيسون عمليه .. اشوف الدكتوره متوتره .. اسالها ليش شو السبب تقولي هي تعبانه وايد نحن حاولنا وياها بس ما قدرنا .. والثانيه تقولنا والله علشان الحوض .. وراس البيبي عود …. المهم دخلوها غرفة العمليات … اول ما شافها الدكتور قااااااااااااال منو عطاها حبوووب بالغلط ؟؟؟؟ لانه البيبي تخدر عشان جي ما يتحرك وما يدفع عمره … هني انصدمت مرت اخوي .. سالها اي دكتوره هاي اللي عطتها هالحبوب اول ما دخلت المستشفى .. قالت لهم ماعرف اسمها لانه ما كانت تعطيني فرصه اتكلم كله اتستكها …. المهم قال لو خلال خمس دقايق ما سوينا العمليه بيموت البيبي … وسوولها على طول …… بعد رربع ساعه يابت حمدان فديته .. بس ما لحقنا انشووفه على طول ودوه غرفة العنايه المركزه .. قالولنا اتريو شوي بنبدل له وبنخليكم اتشوفونه … تريينا ساعه ودخلنا بدون استئذان خلاص مافينا صبر ومحد يخبرنا شسالفه …. اول ما شافتنا النيرس احتشرت علينا .. ليش دخلتووو وممنوع تدخلون .. ومحد يسير عنده غير الاب والام وعقب عرفنا انه عنده ضيق في التنفس… قلت لاخوي ادخل انته ونحن بنشوفه عقب ….. ونزلت صوب غرفة العمليات اترياهم يطلعونها .. يوم خلصو طلعوها وتميت وياهم لين ما ودوها قسمم العزل وممنوع حد يدخل .. روحت ….. سرتلها اليوم الثاني وبعدهم يقولون ممنوع محد يشوفه … واليوم الثالث بعد ممنوع .. تخيلووووو حتى امه ما شافته وكملت 3 ايام من ربت …. وامس العصر الا هو اليوم الرابع اتصلو ف اخوي قالو له تعال بسرعه الولد تعبان … يوم سار لهم قالو الولد ياه تشنج وما نعرف من شو ونبغي نسوي تحاليل وناخذ عينة دم منك بعد .. وعقب ساعه ونص بنخبرك بالنتايج …. المهم ترياهم وايد وسار لهم قالو له روح انته لانه الدكاتره مب موجودين وبنتصل فيك عقب وبنخبرك …. اتصلو عقب وقالو له الولد عنده (( نزيف فالمخ )) من كثر الضغط وقت الولاده …!!
انصدمت يوم قالي جي … قلت له رووووووح واحتشر عليهم وارفع عليهم قضيه واييبووووووون النيرس الغبيه اللي عطتها دوا بالغلط … سار اليوم الصبح وقالي ماعرف شكلها .. قلت له انته عطهم التاريخ واليوم وهم بييبون كل النيرسات اللي كانو في هالشفت وانا اللي بطلعها …. وبس باجر بنعرف شو اللي بيصير ….
مستشفى القاسمي
ماحصلتوا الا القاسمي
لعوزو أختي ولحد الحين بمرضها موتوا خلايه المخ والحين كل نسفرها برع اكثر من 12 سنة ماشي علاج
نصيحتي لا بسكتوا مب اول حاله وايدين لعوزوهم بسبب خطأ فالدوا
ربي يشفيه
ما تشوف شر مرت اخوج عورت قلبي وايد لعوزوها ليش جيه
اول مره ادري ان الياهل يسحبونه بحبل وين يبون هذيله عذبوها
الله ينتقم منهم ويشافي الولد
لا تسكتون عنهم ابدا ابدا
الله يقوم ولدها بالسلامه يارب
الله يخسهم…وبعدين يجلسونها على ركبها شو هالتخلف..ما حيد وحده يجلسونها على ركبها وقت الولاده…وانا مجربه
على عيالي….الله يلعنهم..الغاليه لا تسكتون..اكيد الولد حالته بتسيئ اكثر دام هذا اللي صااار…والله يقومها
بالسلامه…ويشفي ولدكم حمدااان..^^
اختي اخوج لازم ما يسكت على الموضوع لا علا تعالمهم معه مرت اخوج ولا تعاملهم معاها وهي تربي شوهذا يسحبون الياهل اول مره اسمع