عندي وايد اسئله بعد الولاده
الجراحه وايد تعورني ما اقدر اقعد ولا اتحرك انا كملت اسبوع الحين..
دايما اتغسل بماي وملح بس خبروني كيف اخفف من آلام الخياطه مليت؟؟
والشي الثاني لما ارقد اييني شد بريلي كامل ؟؟
وع فكره ريلي وارمه من وقت الحمل ولين الحين؟؟
خاطري استانس مع بنتي بدون ها الآلام
بالنسبة للجراحة،،، فهي تاخذ وقت وعلى فكرة لازم تراعين الراحة التامة (الإستلقاء على الظهر، عدم حمل أي شيء ثقيل، عدم المشي لمسافات طويلة وغيرها من الأمور اللي ترهق المربي وتأثر على المنطقة)
ولازم بعد نراعي النظافة وخاصة للمنطقة الحساسة وعدم استخدام الماء والملح (لأنه يذوب الخياطة)
وبالنسبة للشد الله يعينج عليه
أما بالنسبة للإنتفاخات فبتقل معاج تدريجياً إن شاء الله وإذا طولت معاج راجعي دكتورتج.
أتمنى أمون فدتج بشي 
وبالنسبه للريل طيحي على ظهرج وارفعيها فوق مخده او مسند المهم شي عالي بس يكون القدم فقط نفس يوم كنتي حامل بس عالعموم بيخوز شوي شوي
وبالنسبه للشد عليج بالمساج وتدهنيه بمرهم مال الأعصاب
وان شاء الله ما تشوفين شر
تسلمو ع الرد
ليج ما استخدم الماي والملح عيل شو اسوي ها الشي الوحيد الي يريحني
ماينفع اسوي الديتول كمطهر
والله يجعلها من الذرية الصالحة يا رب
اختي بالنسبة للخياطة فيه كريم اسمه ميبو ينباع بالصيدلية وايد اوكي للخياطة
وفي وحدة الله يجزاها خير ذكرت انه احسن شي تطبخين زيت زيتون مع مرة مطحونه وعقب يوم يغلي مرة تشلينه عن النار وتشخلينه وتحطينه بدبة وتحطينه عالفوط الصحية مب عالمنطقة واااايد يمدحونه
بالنسبة لشد الريل بتستغربين قريت انه تحريك الراس بالجهتين يشل شد الريل
انا يتني وايد بالحمل وكنت اول ما احس فيها احرك راسي يمين وشمال كمن مرة وسبحان الله على طول يخوز
الله يقومج بالسلامه واهم شي ما تمشين حافية وتدفين عدل هالفترة
ادعيلي وادعولي خواتي اقوم بالسلامه موعد ولادتي طاف صار له يومين
الله يسهل علي وعلى كل حامل يا رب