اطفال الانابيب 2024.

هلا خواتي
حابه اعرف شو المشكله في اطفال الانابيب ؟؟؟؟؟؟؟؟؟؟؟؟
اي وحده تقول له الدكتوره بسوي لج اطفال انابيب تنهار ونفسيتها تتعب
احس انه شي عادي ومافي شي يزعل يمكن الله كاتب لها الحمل بهذه الطريقه
انا متزوجه من 3 سنوات وماحملت بسبب التكيس والحين افكر اسوي انابيب .
مافي داعي لكل هذه الحساسيه والتوكل على رب العالمين بكل شي .

up up up up up

والله انا معاج يا ام ميار
البعض منهم يحطون في بلهم انه اطفال الانابيب يسونها بس للي عندهم مرض جايد والعياذ بالله
يعني ينظرون للموضوع بطريقة سلبيه ومايشوفون الايجابيات!!!

انصح كل وحده تقول لها دكتورتها انها تبا انابيب ماتنهار ولا تسوي عزا
لانه بالفعل يمكن الله مب كاتب لها الحمل الا بهالطريقه!!

وانا اذا ربي ماراد وحملت راح اسوي الانابيب واتوكل على الله

كلامج صح الغلا

مافيها شي الطب تطور ولله الحمد
وعادي المفروض الوحده تتوكل على الله

وربي يرزقنا جميع ان شاء الله

صح انا وياج

والله أنا عن نفسي ما أشوف فيها شيء نهائي ..
وهذا يرجع لعدم الوعي بالموضوع وقلة الثقافة ..
بالعكس والوحدة من تتأخرة أكثر من سنتين خلاص تباشر في الأنابيب والي كاتبه ربي بياتي ..

في ناس معارف قاهريني الحرمة عندها مشكلة في التبويض وكملت 10 سنوات الحين
وريلها رااااااااااافض نهائي فكرة الأنابيب شو هذا !! كيف العقلية رجعية بهاي الطريقة للحين ؟!
وين إحنا ؟؟

بالعكس الأنابيب جداً بسيط وفكرة جداً بسيطة .. ولو ما صار لي حمل لين شهر 1 بباشر في فكرة الأنابيب