السلااااام عليكم جميعا
انا راح اكتب تجربتي المريرة عشان الكل يتعلم ويستفيد ولا يثق باي عيادة خاصة
اول ما حملت استانست وايد وحمدت ربي وسألت وين اراجع والكل مدحوا لي نورميلا وبديت اراجع من بداية حملي عندها وارتحت لها وعيبني الجهاز اللي عندها ومرت الشهور مع الوحام ومن السادس لاحظت ان جنيني صغير وقالت وزنه وايد شوي وكلي زين واهتمي بالسوائل والفواكه وكنت وايد مستغربة لان اكلي اوكيه وتميت اراجع عندها كل اسبوعين ونفس الحالة لين نص السابع استوى وزن بنتي 1000 جم بس وشيكت على المشيمة قالت لي كل شي طبيعي (سبحان الله ؟؟)وضغطي مرتفع وجسمي متورم وهي مصرة طبيعي عادي لا تخافين
ريلي اصر اراجع في دبي وسرت عيادة دبي وانصدمت ….حولتني مستشفى دبي فورا وانا زايغة مب عارفة شو فيني!!!
قالوا لي عندج تسمم حمل وبسببه ما يوصل الغذاء للجنين وعشان جذه وزنه ضعيف واثر عليه وايد واستغربوا من حالتي وتحقيق وين كنت اراجع وعند منو؟؟ وكيف الدكتورة ما لاحظت وما عرفت ؟؟؟؟؟؟؟
تصدقون في عيادة دبي خلال دقايق اكتشفت فيني من خلال تحليل البول كان الزلال عندي +3 والضغط مرتفع 150/98 والدكتورة مستغربة مني وهات يا اسئلة ؟؟ وين اراجع وشو السالفة ؟؟؟؟ الخ
وحضرت نورميلا ما تدري ولا مهتمة ما كلفت خاطرها تطلب مني تحليل بول وانصدمت يوم عرفت اللي استوى لي وخذيت ملفي من عندها حسبي الله ونعم الوكيل فيها واعطيت مستشفى دبي وكانت متابعة حالتي د.عواطف البحر الله يذكرها بالخير ود.عادل
وكل ها خلال يومين بس ونفس اليوم الثاني استوى لي فجأة نزيف فظيع (انفصلت المشيمة عندي) لاني متاخرة وما لحقوا المستشفى يعالجوني….
ويزاهم الله الف خير مستشفى دبي خلال لمحة طاقم طبي كامل حوالي دخلوني العمليات وكنت انا وبنتي في خطر بين الحيا والموت ولطف رب العالمين رحم حالنا ولدوني وكان وزن بنتي 900 جم بس وتمت بالحضانة شهرين كاملين والحمدلله الحين عندي بالبيت واحسن بوايد عن قبل ….
ولكن والله العظيم لين اليوم فيني حرقة بقلبي ومب قادرة انسى الكابوس
اللي استوى لي باهمال هالدكتورة حسبي الله ونعم الوكيل فيها ،،عشت بخوف الله العالم فيه ، وايد اثرت على نفسيتي
صح قدر الله وما شاء فعل لكن شوفوا الاهمال والاستهتار وين وصل فيني ؟؟؟
انا راح اكتب تجربتي المريرة عشان الكل يتعلم ويستفيد ولا يثق باي عيادة خاصة
اول ما حملت استانست وايد وحمدت ربي وسألت وين اراجع والكل مدحوا لي نورميلا وبديت اراجع من بداية حملي عندها وارتحت لها وعيبني الجهاز اللي عندها ومرت الشهور مع الوحام ومن السادس لاحظت ان جنيني صغير وقالت وزنه وايد شوي وكلي زين واهتمي بالسوائل والفواكه وكنت وايد مستغربة لان اكلي اوكيه وتميت اراجع عندها كل اسبوعين ونفس الحالة لين نص السابع استوى وزن بنتي 1000 جم بس وشيكت على المشيمة قالت لي كل شي طبيعي (سبحان الله ؟؟)وضغطي مرتفع وجسمي متورم وهي مصرة طبيعي عادي لا تخافين
ريلي اصر اراجع في دبي وسرت عيادة دبي وانصدمت ….حولتني مستشفى دبي فورا وانا زايغة مب عارفة شو فيني!!!
قالوا لي عندج تسمم حمل وبسببه ما يوصل الغذاء للجنين وعشان جذه وزنه ضعيف واثر عليه وايد واستغربوا من حالتي وتحقيق وين كنت اراجع وعند منو؟؟ وكيف الدكتورة ما لاحظت وما عرفت ؟؟؟؟؟؟؟
تصدقون في عيادة دبي خلال دقايق اكتشفت فيني من خلال تحليل البول كان الزلال عندي +3 والضغط مرتفع 150/98 والدكتورة مستغربة مني وهات يا اسئلة ؟؟ وين اراجع وشو السالفة ؟؟؟؟ الخ
وحضرت نورميلا ما تدري ولا مهتمة ما كلفت خاطرها تطلب مني تحليل بول وانصدمت يوم عرفت اللي استوى لي وخذيت ملفي من عندها حسبي الله ونعم الوكيل فيها واعطيت مستشفى دبي وكانت متابعة حالتي د.عواطف البحر الله يذكرها بالخير ود.عادل
وكل ها خلال يومين بس ونفس اليوم الثاني استوى لي فجأة نزيف فظيع (انفصلت المشيمة عندي) لاني متاخرة وما لحقوا المستشفى يعالجوني….
ويزاهم الله الف خير مستشفى دبي خلال لمحة طاقم طبي كامل حوالي دخلوني العمليات وكنت انا وبنتي في خطر بين الحيا والموت ولطف رب العالمين رحم حالنا ولدوني وكان وزن بنتي 900 جم بس وتمت بالحضانة شهرين كاملين والحمدلله الحين عندي بالبيت واحسن بوايد عن قبل ….
ولكن والله العظيم لين اليوم فيني حرقة بقلبي ومب قادرة انسى الكابوس
اللي استوى لي باهمال هالدكتورة حسبي الله ونعم الوكيل فيها ،،عشت بخوف الله العالم فيه ، وايد اثرت على نفسيتي
صح قدر الله وما شاء فعل لكن شوفوا الاهمال والاستهتار وين وصل فيني ؟؟؟
الحمد الله على سلامتج و سلامة بنتج و الله يخليلج إياها يا رب
الله يسامحهم بعض الدكاتره همهم الفلوس و بس …. لحد ما صارت حياة الناس لعبه في ايدهم
الله يبعدنا عندهم ان شاء الله
المشاركة الأصلية كتبت بواسطة راعية_الرنج 
الحمد الله على سلامتج و سلامة بنتج و الله يخليلج إياها يا رب
الله يسامحهم بعض الدكاتره همهم الفلوس و بس …. لحد ما صارت حياة الناس لعبه في ايدهم
الله يبعدنا عندهم ان شاء الله
مشكورة الغالية والله يبعد عنا صدق شرهم يا رب
الحمد لله على سلامتكم والله يعينا على هالدكاتره يسون فينا تجارب ..الله يعينا
اوووف قويه
حمدلله على سلامتج و سلامه النونــووو
حليلــج والله .. و شو صار مع الدكتوره الحيــن ؟؟؟
الله كريم….يعني يبغوناااانراجع اكثر من دكتورة عسب نرتاح اكثر
انا نفس حالتج هالشهر…دكتورة جوان مراد فالشارجة قالت اني موش حامل…ولكن لما تأخرت الدورة وسويت فحص منزلي وطلع مووووووجب…
الله كريم اختي..وحمدالله على سلامتكم
الحمدلله على سلاااااااامتج وسلامة البنوتة ^.^