شحالكم ؟ و شو اخباركم ؟
يلا بدخل الموضوع
عندي سوؤال لكل اللي عضوات اللي صلو استخارة
يوم الوحده فينا يوم تصلي استخارة على اي موضوع كيف نعرف ان هالشي اللي خير او شر لها
و متى تعرفين ان اللي ستوى زين ولا مب زين
و مشكورين
يعني مثلا تحسين انج مرتاحه او مضايجه ،،
واذا فيه خير ربج بيسر الموضوع بس اذا شر بتحصلين عوائق وحواجز للموضوع
انا من يوميــن صليت الاستخاره والله احس اني مرتاحه وتيسرت الامـــور ^_^
يعني يمكن تحسين براحه أو ضيق
بس في أوقات ما تحسين بشي أبدا والامور يا تتيسر بسهوله أو تصير عوائق ويتفركش الموضوع
سبحان الله
بس في حاله ما حسيتس بشي يستحسن تعيديها أكثر من يوم
مثل ما قالن الخواتــ ..
لا تتريين رؤيا أو انشراح او ضيق للأمر ..
انتي استخيري وفوضي أمرج لربج و اتركي له الخيار للامر ..
إذا الموضوع فيه خير راح تتيسر لج الامور حى لو صادفتي عوائق
بسيطه .. استمري في الموضوع
إذا فيه خير راح تشوفين كل شي ميسر أما اذا صار عائق صعب
يعني مستحيل تتخطيــنه اعرفي انه الموضوع ما فيه خير ..
و ان شاء الله ربي يبعده عنج و يقدر لج الخير
و هاللي اعرفه و ان شاء الله كل امورج ميسره
وبعد كل مرة كنت أصلي كنت أحس براحة ولله الحمد ..
مريت بكم من عائق سطحي وبسيط بس الحمد لله متفائلة خير ومفوضة أمري لله =)
أنا أقولج صلي وتوكلي على الله بدون ما تتريين انج تحلمين ..
يوم كنت اصلي واستخير على شيئين .. سبحان الله انش ثاني يوم وانا مرتاااااااااحة وربي ييسيرلي ويسهلي دربي في واحد من الاشياء .. وحتى لو ماتيسرت الامور في البداية مادري سبحان الله يكون عندي تفائل و عزيمة واصرار اني اسويه ..
والله يبعدني عن الشي الثاني حتى اني ماروم افكر فيه