الموضوع امبين من عنوانه الي عندها سؤال عن العملية القيصرية تسأل و الي عندها خبره و مجربه تفيدنا يزاكم الله ألف خير
أنا عن نفسي سويت العملية من 15 يوم و عندي أساله وايد و ياليت تفيدوني و يستفيد الجميع
عادي أنام على الجنب اليمين و اليسار و لا لازم أرقد على ظهري؟؟؟
اليلسه وايد اتأثر على العملية و لا ؟؟؟ لأن ولدي ما شاءالله عليه واااااااااااايد يصيح و امتعبني و أنا أرضعه طبيعي
و الله يخفف على كل وحده و يع العملية:
انا اول ربى لي بالعملية القيصرية بعد معاناه (15) ساعة من الطلق بس الحمدلله ع كل حال
تعبت اول فترة بس عقب اسبوعين حسيت نفسي امارس حياتي الطبيعية مع شوية حذر بس ما كنت اشل شي ثقيل
كنت ما اقدر انجلب بقوة ولا كنت ارقد ع بطني ولا كنت اقدر اركب الدري الا قليل والسيارة الفور ويل ما اقدر عليها مووول بطني يعورني يوم اركبها
الحين انا كملت شهرين ما احس بشي من برا بس العملية الداخلية تعورني لما اتحرك بقو او اشل شي ثقيل
انا ربيت بعمليه تعبتني و هلكتني ..
كنت وااااااااايد اخاف منهاا .. كانت تعور .. يوم اضحك يوم ايلس يوم اقوم .. و تميت اكثر عن اسبوعين ارقد ع ظهري لا يمين و لا يسار .. و ما اروم ايلس ع الارض .. هلكتني هلااااك ..و امي فديتها كانت تعابلني و كنت اقفز فجأه كل ما تصيح .. و يوم اعرق تحرقني العمليه .. و الحمدلله ع كل حال
ياارب يكتب لي الحمل الثااني طبيعي و آخر مره اربي بقيصريه
أبغي أعرف متى تخف الكرشة بعد القيصرية و إذا في طرق أقدر أسويها عشان تخف بسرعة وايد متعقده منها
يزاكم الله ألف خير