خواتي بسألكن و اتمنى الاقي اللي يقدر يساعدني او يريحني على الاقل
انا حامل و من بداية حملي و انا اعاني من الالتهابات و كم من مره تنومت و خذت مضادات
لين قالت لي الدكتوره خلاص جسمج مايتحمل ياخذ ادويه اكثر و خاصه اني مسوية عملية
ربط وقالت لي الدكتوره ان الالتهابات بتم معايه لوقت اولد ،، الحمدالله ماباقي شي شهر وبفتك من الربط
الحين المشكله اني صرت اعاني من تسلخات فضيعه بين الفخذين و ماعرف شو اسوي فيهن ؟؟
اخاف يأثرون على حملي و اللا على ولدي و الله وايد خايفه خاصه اني خسرت حملي الاول بسبب الالتهابات قبل ،،
و ماسألت عنهم الدكتوره ماهتميت بالبدايه لكن الحين وايد زادت و موعدي بعد العيد ان شاء الله
بسأل الدكتوره عنه لكن الحين ابي حل هل عادي استخدم الفازلين او البودره و انا حامل ؟؟
اتمنى و الله الاقي اللي يفيدني و كل عام و انتوا بخير مقدما ^^
وينكم محد عنده فكره ؟؟
انزين لو دعوه طيبه
لكن معقوله كل شي يأثر!! عيل انا استخدم خلطات و خرابيط!!!! وانا ما اعرف شي
بس اظني الفازلين مايضر انتي حاولي تكون المنطقه جافه ولبسي ملابس قطن ويوم تنامين خلي المنطقه كشفه عسب يخف بسرعه وخذي فازلين الي بالزيت الزيتون واستشيري الدكتوره ..
تراه انا كنت اسوي ها الحركه قبل لا احمل احيانا بس انتي سالي وعسى يفيدج وماجوفين شر
هو فعلا الالتهابات ممكن تأثر على الجنين وممكن تنتقل له وقت الولاده لا سمح الله ..
وأفضل علاج للالتهابات الماااااااااااي كثري منه و اشربي كميه كبيييييييره من الحليب لانه نقص الكالسيوم يزيد من الالتهابات بعد … و لا تضيجين في عمرج ترى أغلب الحوامل يعانون من الالتهابات ..
و بخصوص التسلخات فأنصحج تحطين فازلين و البسي شورت قطن عسب الاحتكاك يخف و وقت النوم خلي المنطقه تتهوى …
للعلم الفازلين ما يضر ولا البودره …
عسى الله يشفيج يا رب ويقومج بالسلامه انتي والبيبي ان شاء الله …
انا بروحي ماعرف بس قريت بالنت ان الالتهابات تضر اذا ماتعالجت و انا تعبت ممن المضادات
خذت كفايتي و قالوا لي مالي علاج زياده و لازم اتريا للولاده لكن الشغله اليديده هي التسلخات
وايد ضايقه منها و استحي اقول لريلي عنها ..
بستخدم الفازلين بهالفتره لين موعدي و عسى خير ان شاء الله