كيف يكون تجهيز الحامل لنفسها عندما يقترب موعد ولادتها 2024.

حبيباتي بغيت مساعدتكن
ابغي اشوف او اخذ منكن فكره حول تجهيز الحامل لنفسها مش للبي بي يعني مثلا الجلابيات الي تخص النفاس كيف يكون شكلهن وشو الاشياء الي تاخذها او تجهزها للفتره الي بتقضيها فالمستشفى بعد ولادتها انا فالشهر الثامن وللحين هب مجهزة نفسي ابدا وبالاصح ماعرف من وين ابدا وكيف ابدا .
بغيتكن تفيدوني وتفيدون غيري

—استغفرالله—
—استغفرالله استغفرالله—
—استغفرالله استغفرالله استغفرالله—
—استغفرالله استغفرالله استغفرالله استغفرالله—
—استغفرالله استغفرالله استغفرالله استغفرالله استغفرالله —
—استغفرالله استغفرالله استغفرالله استغفرالله استغفرالله استغفرالله—
—استغفرالله استغفرالله استغفرالله استغفرالله استغفرالله —
—استغفرالله استغفرالله استغفرالله استغفرالله—
—استغفرالله استغفرالله استغفرالله—
—استغفرالله استغفرالله—
—استغفرالله—

انا ذخت شوية ملابس للبيبي

وما خذت شي لعمري الين الحينه

ع الويك اند ناوية ان شاء الله اسير اكمل اللي ناقصني وازهب شنطة المستشفى

الغالية لازم على بداية الشهر التاسع الشنطة تكون جاهزة..

خذيلج جلابيات دانتيل خفيفة تقريبا 3 أو 4

وشيل

وملابس داخلية

وفوطة

وسوالف الحمام معجون صابون شامبو فرشاة

وقطن حق الصدر

أنا نصيحتي جهزي على نهاية السادس احتياطاً لو شاء الله وكانت الولادة مبكرة !!! .. حطي كل أغراضك في شنطة وخليها في مكان يسهل عليكي أخذها أو إرسال شخص لأخذها إلك ..

والتجهيز كإنك بتجهزي لسفر خفيف!! أغراض النظافة الشخصية (مشط فرشاة أسنان …. إلخ) ملابس خفيفة مثل الجلابيات والبيجامات الدافئة وجوارب سميكة احتياطاً، شيل قطن (أسهل للبس وأسرع من شيل العبايات)

وإن شاء الله البنات ما بقصروا

الغاليه لازم تفصلين لج كم كندوره ناعمه يكون موديلات خفيفه وناعمه وتسوين فتحه حق الصدر عشان الرضاعه وتاخذين شيل ع الوانها عسبت تكونين مرتبه وكاشخه جدام الزوار وتاخذين ملابس داخليه وكثري من الاندرويرلانج بتحتاجين تغيرين كل ساعتين ..وجهزي ادوات النظافه مشط شامبو صابون جسم فرشاه معجون ..الخ …وجهزي لج عطر ولا عطرين وبخور ومدخن وفحم ومعطر فرش عسبت الحجره…وجهزيلج كفر حق الشبريه
هذا اللي يا في بالي الحين وان شاء الله لو تذكرت شي بكتبه والله يقومج بالسلامه انتي وكل حامل يارب