مرحبا خواتي شخباركن ان شاء الله بخير وسهاله
حبيباتي انا طووفت موعدي تقريبا ب 6 ايام والدكتوره امس قالت لي لازم طلق صناعي عقب يومين وانا خايفة وايد وافكر لاني سامعه ان الطلق الصناعي وايد متعب مب شرات الطبيعي وانا الحمد لله مربيه قبل طبيعي, وسووت لي تحفيز قالت يمكن تربي طبيعي ولقت الرحم فاتح 2 سم ومن امس ينزل وانتو بكرامة دم بس ماشي طلق, مع اني مشيت وشربت قرفة وتسبحت بماي شبه حار وادعي ربي من كل قلبي اولد طبيعي,
حبيت اسال كيف الالام الطلق الصناعي للي ربيت في مستسفى الكورنيش وكم ساعة ياخذ وقت للوحده التربي وهل فعلا الالامه قويه اكثر من الطبيعي
اسمحن لي بنات طولت بس الواحد يفضفض شوي وكل وحده تدخل تدعي لي الله يسهل علي واولد طبيعي اليوم قبل باجر وعلى كل حامل
أنا جربت الطلق الصناعي وما جربت الطبيعي بس الصناعي وايد تعب وعوار فضيع من اول ما حطتلي الطلق عقب ١٠ ساعات ربيت هلكت وشفت الموت من العوار بس الحمد لله الله يسهل ،،،،، الله يسهل عليج واتقومين بالسلامة واتربين طبيعي 
للرفع
الغالية وكلي امرجً على رب العالمين يوم ربجً بيكتبً بتربينً أن شالله
خلي عنجً الطلق الصناعي بس استغفريً واطلبيً ربجً وان شالله بتربينً وبتقومينً بالسلامهً وعسى الله يفرحجً بظناج
خلي عنجً الطلق الصناعي بس استغفريً واطلبيً ربجً وان شالله بتربينً وبتقومينً بالسلامهً وعسى الله يفرحجً بظناج
استغفر الله وأتوب اليه
ربي يقومج بالسلامه ان شاءالله وماتحتاجين طلق صناعي وتربين طبيعي ان شاءالله
اذا ما ربيتي طبيعي و مجبورة ع الطلق الصناعي نصيييحة لوجه الله اطلبي ابرة الظهر و بترتااحين راحة ع الاخر .. طلعي صدقة دفع بلا و استخيري و وكلي امرج للرحمن ..( و من يتوكل على الله فهو حسبه إن الله بالغ أمره )
بإذن الله تبشرينا أنج ربيتي طبيعي بدون طلق صناعي