كيف الحال حبيباتي .. عسى اموركن بخير
حبيت تشاركوني تجهيزاتي وتنصحوني بما انه هذا اول بيبي لي
وما عندي خلفية عن التجهيزات و الولاده
الكل يقولي تأخرت ومارتبت جنطتي وجنطة البيبي
باقي عن موعد ولادتي اسبوعين وبديت في جنطة البيبي
البارح غسلت ملابس البيبي و الكفرات و الفوط
ويبت الجنطة اليوم ورتبت الأغراض داخلها حطيت :
شامبو للبيبي
شاور جل
كريم
لوشن
زيت
بودرة
ووايبس
كفرين
3 قماطات
فوطه كبيره
5 فوط صغار
2 فوط وسط
و الملابس حطيت :
4 قطع ملابس داخلية
3 افرولات
3 قفازات
3 دلاغات
ووقفت لأني ما اعرف وش أحط بعد ههههههههه
وبديت في جنطتي حطيت :
شامبو
صابون
كريم للجسم
كريمات للوجه
وشويت ميك اب
بلشر + روج + مسكره + كحل
فوط 3 سايزات
وشال للرضاعة
وبجامتين 3 قطع بنطلون و قميص وروب
4 جلابيات فصلتهن خفااااااااف ومافيهن شئ
وشيلتين كبار
وبس للحين لأني ما اعرف وش أحط بعد
وبكره بصور الجواز وخلاصة القيد و برتبهن في فييل إذا اطلبهن
وخذيت كتيب ادعيه ومصحف صغير
وقلت مالي إلا سيدات الامارات يشاركوني وينصحوني
اتريا مشاركاتكم حبيباتي
و اشوف الافضل تزيدين افرولين و قماطين و لبس داخلي 2 عسب في حاله بلع في ثيابه او تخست ثيابه من برازه
و ممم نسيتي الكابات مب ناويه تغطين راسه عن يبرد من مكيفات المستشفى و بعدين يكون احلى شكله بالكاب
و جان بعد لو تحطين بطانيه صغيره عسب تكون تحته وايد اوكي
و شنطتج نسيتي المشط و الملابس الداخليه اللي هو ستاين الرضاعه و كلسونات اللي مال لبسه وحده وااايد بيفيدنج و خفااف و مريحات بتلقينهن في بيبي شوب افضل من الكلسونات القطنيه من وجهة نظري و جان بعد لو تبين شلحتين
و ديودرنت و حطيلج مسك خفيف و مسك للبيبي تمسحينه في ثيابه تحطين شوي في ايدج و عقب تمسحينه عليه
و القران ماراح تحتاجينه لانج بتكونين مب طاهره !! جان تبين قران نزلي في فونج و تمي سمعي او تلفزيون الحجره حطي على قناه القران
و خذيلج دلاغات عسب ادفين نفسج و سليبر بتحتاجينه
و جرج الفون بعد و يوم حد بيزورج حلو تلبسين شغاب و عقد صغيرون و ساعه
و اذا شعرج يحتاي خذي استشوار لووول لزوم الكشخه
و بس خيتووو ان شاء الله اكون ذكرتج و افدتج و الله يقومج بسلامه و يسهل عليج و علينا
لا تنسين السلبر و نعال الحمام تكرمين
صح حلو عقب ما تسبحين تلبسين طقم ذهب خفييف و ناعم او شغاب لولو يعدل نفسيتج
و نانو ماقصرت
ربي يسهل عليج وتقومين بالسلامه انتي والبيبي
المشاركة الأصلية كتبت بواسطة Nano lak 
و اشوف الافضل تزيدين افرولين و قماطين و لبس داخلي 2 عسب في حاله بلع في ثيابه او تخست ثيابه من برازه
و ممم نسيتي الكابات مب ناويه تغطين راسه عن يبرد من مكيفات المستشفى و بعدين يكون احلى شكله بالكاب
و جان بعد لو تحطين بطانيه صغيره عسب تكون تحته وايد اوكي
و شنطتج نسيتي المشط و الملابس الداخليه اللي هو ستاين الرضاعه و كلسونات اللي مال لبسه وحده وااايد بيفيدنج و خفااف و مريحات بتلقينهن في بيبي شوب افضل من الكلسونات القطنيه من وجهة نظري و جان بعد لو تبين شلحتين
و ديودرنت و حطيلج مسك خفيف و مسك للبيبي تمسحينه في ثيابه تحطين شوي في ايدج و عقب تمسحينه عليه
و القران ماراح تحتاجينه لانج بتكونين مب طاهره !! جان تبين قران نزلي في فونج و تمي سمعي او تلفزيون الحجره حطي على قناه القران
و خذيلج دلاغات عسب ادفين نفسج و سليبر بتحتاجينه
و جرج الفون بعد و يوم حد بيزورج حلو تلبسين شغاب و عقد صغيرون و ساعه
و اذا شعرج يحتاي خذي استشوار لووول لزوم الكشخه
و بس خيتووو ان شاء الله اكون ذكرتج و افدتج و الله يقومج بسلامه و يسهل عليج و علينا
حبييييبتي والله ماقصرتي فعلاااا وايد شغلات ناسيتها
وسجلتها كلها على ورقة عشان أكمل الجناط
مع أني أحس بكسل فضييييع ومالي خلق
حتى كنت أبي أعيد ترتيب وتنظيف الغرفة قبل لا اربي بس كسلانه ههههههه