شحالكم عساكم بخييير ؟؟
بغييت ندردش شوي وناخذ تجارب بعض في اشياء تسهل الولاده بس شرط تكونون مجربينها انتوو مب سامعين فيهااا ..
وشو الغلط اللي سويتيه في ولادتج وندمتي عليييه !!
ببدى بعمري اسميني مستعيله كنت لشوفة النوونووو وكل يوم اتصفح المنتدياات طحت ع خلطه وانا توني ثالث يوم من التاسع
الخلطه عباره عن ثمان اعشاب مادري عشر ،محلب وحلبه وينسون والحبه السوده وشمر ونينخه ووووووو نسيت الخلطه بالضبط (مستعيله واااايد )
المهم قلت لريلي يلا ودني عند العطارين باخذ اعشاب ورديت البيت وفورتهم وشربتهم وطلعت ع طول مشيت نص سااعه ورديت البيت هلكانه ورقدت
نشيت وانا اسمعت صوت كيس نقعع وانا اتحرى عمري اسويهاا ع عمري نشيت اربع الحمام عزكم الله الا اشوف كله ماااااااااااااااااي
خفت ووعيت ريلي وسرنا المستشفى
قالولي انتي واحد سانتي بعدج مب ولاده كيف فتح الماي من الخوف قلت مااعرف
المهم قالولي البيبي يعيش بدون ماي 24 ساعه بنعطيج طلق نفع نفع مانفع عمليه اهيييي اهييي
من عطوني الطلق الويع 100 تميت 12 ساعه ع ويع 100 وعقب ربيت شفت الموووت في عيني
تعلمت مااخذ اي شي سمعت فيييه الااا اذا شفت وحده جدااامي مجربتنه
يلااا خلونا ندردش وكل وحده تقولنا اغلاطها عشان نتعلم من بعض
واللي مجربه شي على نفسهااا مب سمعه حد جرب للامانه تقولناا شو تأثيره وهل صدق في اشياء تسهل الولاده ولا كله جذببب
شاركوني حبيباتي
المشكله المنتديات متروووووسه خلطات و خرابيط و المشكله الأعظم أنه بعض الحريم الله يهديهن يصدقن كل شي يقرونه. هالشي غلط! اللي كتبت الخلطه هاي ما يهمها شو صار عليج اذا خذتيها و لا تعرفج ولا تعرفينها فنصيحه خواتي ابتعدوا عن الخلطات. خصوصاً الحوامل.
الولد ما يشرف الا في اليوم اللي الله سبحانه و تعالى كاتبه له. انه الوحده تمشي من تدش الثامن اللي تقدر تسويه انها تمشي كثر ما تقدر .. تاكل تمر مثلاً و اذا طوفت موعدها ما تتهور. تسأل الدكتوره شو ممكن تسوي و ترى دعاء الحامل لنفسها وايد مهم عزيزاتي.
الله يسهل عليكن جميع
انا فحمل الأول وايد تعايزت أمشي وهالشي أثر فيني
ف الأفضل الوحده من تدخل السابع تبدأ تمشي بالتدريج من نص ساعه لين توصل التاسع ساعه وأكثر،
الله يسهل علينا جميع
لكن في ولادتي الثانيه كللله امشي حتى وانا اتألم من الطلق وولدت طبيعي الحمدلله
2- عن نفسي سألت الدكتوره عن هالخلطات والأعشاب , قالتلي لا تاخذين اي شي , الي نفع غيرك ممكن يضرك , فما آخذ اي نوع اعشاب ابداااا, اعتمد في الشهر التاسع على الدعاء و المشي واكل التمر والجماع
3- في حملي الأول ما اهتميت اني ادهن البطن بشكل مستمر بمرطبات, كنت ادهن يوم اه وعشرة لا , وكانت النتيجة تشققات كثيررررة بعد الولادة (علامات حمراء وبيضاء كأن بطني مخربش) فأنصح كل وحده حامل بحملها الاول تدارك نفسها وتدهن البطن واعلى الفخوذ والصدر يوميا بأي نوع مرطب ولا تسمح للجلد انه يكون ناشف , وبعد ما تلد تسأل الدكتوره عن كريمات طبية(وليس خلطات) تزيل علامات الحمل لو ظهر عليها شي
4-لي صديقة في حملها وطول فترة الرضاعه ما كانت تهتم تاخذ حبوب الكالسيوم(تستصعب من بلعها) ولا كانت تشرب الحليب او تاكل الأجبان والبيض بشكل يومي , وكانت النتيجة انها تعاني من آلام الظهر بشكل فظيييع وتتعالج حاليا علاج طبيعي وتاخذ مسكنات للألم وتلبس مشد طبي , لها ست شهور من ربت ولا راحت عنها آلام الظهر, فانتبهو يابنات لا تهملون المكملات الغذائية
5-بعد ولادتي الأولى , ما كنت اهتم بمقدار الماي الي اشربه يوميا ( ابدا ما كان عندي احد ينصحني) وكانت النتيجة ان ما في حليب يكفي واضطريت اعطي بنتي حليب صناعي , وانفطمت على الشهر السادس, لكن البيبي الثاني , التزمت بشرب 2 ليتر ماي يوميا , وكانت النتيجة ما شا الله تبارك الله كمية حليب كبيرررررة تكفي 2 بيبي يرضعون, ودايما ملابسي تتوسخ مع الحليب من كثره, وطبعا وزني نزل بسرعةةةة, فانصح المرضعات بشرب الماي 2 ليتر يوميا
6- الكرشة يا بنات لا تهملونها , من تربين وتحسين عمرك اوك , اشتركي بجيم او تابعي تمارين جوليان او سوي تمارين البطن
وسلامتكم
لان اكبر غلط طبعا قبل كده انا اخدت حليب مع قرفه مع جنزبيل كمان حلوه بس وانا عندي طلق
الله يالحريم من نكون في اخر الثامن ونحنا اندور على الاشياء ونفتك استغفر الله من المعاناه
يالله بسم الله في ٢٠١٣ كنت ماخلي ولا موقع الى ادخله
مافي منقوع الزعفران مع الحليب الى وخذته
حركه عزج الله كانج في حمام عربي لدرجه من الثقل الي تحت احس شي بينزل يا الله ما اريد اتذكر كنت أحط أيدي تحت وارفع عشان امشي
٣ شي الحلتيت او الخيله الي نسميها اشمها شم الصراحه يقولون تفتح النفس المفروض الحرمه الي فيها الطلق تشمها انا لا حار بحار تخيلو مفتوح ٦ سانتي مافيني طلع تلعوزت والله عشان جذيه مقرره ما اسوي الي سويته
٤ شي لاعت كبدي من كثر ما اخذ أناناس اخرطي ما منه فايده
المشي ما مشيت لانه في البدايه كنت فاتحه ٣ سانتي ومن مشيت سبحان الله سكر عندي هههههه قالتلي الدكتوره عادي
وغير هذا لا تسوين تحفيز لانه في ناس حرام يضطرون بعد التحفيز ينفتح الماي وللأسف ما يكون في طلق
انا الصراحه كنت بسوي تحفيز عند الدكتوره ناديه بس للأسف قالتلي ما اقدر لأني احس بالكيس اخاف اشقه بأيدي قالتلي قوليلهم انه انفتح الماي قد طلعت من عندها قلت ما بروح اكذب وأقول انفتح الماي وانا اصلن ما نفتح عندي
المهم حبيت انقل كم تجربتي والمعاناه الي عانيتها
وفالبدايه اول ماحسيت بويع رحت يلست نص ساعه فالبانيوم وترسته ماي دااااااااافي >> سمعت انه يساعد وصدق ساعدني
ولاني كنت بجر فإمي هي الي تسويلي كل شي خخخ.. تشربني ماي زمزم وزعفران وادخني بحرمل ولبان بعد يساعد انه يفتح
والحمدلله رحت المستشفى فاتح 4
واهم اهم اهم اهم شي فالولاده هووو الهدوووووووووء .. مب تصاارخين وتخلين الي مايشتري يتفرج عليج خخخ
انا احس الي تصارخ ولادتها تتعشر لانه الياهل يسمعها واهي تصاارخ ويخاف
والمشي بعد مهم حتى لو فيج الويع امشي لاتقعدين .. وتمارين كيجل من تدخلين الثامن تسوينهاا علشان ينزل اليااهل فالحوض
وماميييييز اهم شي وقت الويع تقرأون سورة الزلزله والله انهااا ماغابت عن لسااني اللهم لك الحمد والشكر
كل مااييني الويع اذكر الله واستغفر ومن يخف ابدأ اقرأهااا والحمدلله خففت عني الويع وايد
انا اقولكم هالاشياء عن تجربه شخصيه وسووري طولت عليكم ههههه
والله يسر ولادتي وولادة كل حامل ويرزق كل محرووووووووووومه يااااارب