.,’‘( يوميــّــات Um 3baiD مع رجيم Live'ly بالصور ~ [ خدمة توصيل الاكل للبيت ] . ! 2024.

السلام عليهــ نـ،
و رحمـّـة الله و بركاته ..

أهلا عدد ما نهلــّـــي ؛
من امزون الغمـــّــــام ..

شحالكن كلن بحاله ؟
يا عساكن فـ خير و سهاله ؟

و أخيـــــــــرا اتشجعت انيـّـه احط رجيمي فـ المنتدى ،
خصْ من عقب المواضيع لي ريتهن ..

منيـــن عرفت Live’ly ؟

* بختصر الرمسه خليجية يالله عوقيـّـه الهذربان انا ..
كتبت ياغير ريته معلقه هوب شرح مبسط !

طولــّي بعماركن Live’y أعديبه من فتره ،
ريت اعلان له فمجلــّـه و من غير رمسات النثيـّـات ؛
ياغير ماعطيته هاك الزود مـ الاهتمام ..

من سنتين – 3 سنين ؛
ريت خويـّـة خالوه غادية غصن البان من عقب المتن ..
غزااااااال وحياتكن ، خلاف عرفت انها اشتركت فـ Livel’y ..

من سنــه ريت بنت خال اميـّـه ،
جسمها غادي منحوت نحت ..
من عقب المتن المميت عـ قولتهم ،
سمعتها اتخبر خالتيـّـه ..
انها اشتركت فـ Live’ly و جم جنتي ..

و نسيت السالفه ، و لا عطيتها هاك الزود مـ الاهميه ؛
يالين ما اتعرفت عـ نثيـّـه مـ المنتدى ؛ بالاحرى تاجره الله يذكرها بالخير ..
و كنت ارمسها و اتخبرني عن لايفلي ، و شو الاكل و و الخ ,
و خصْ يوم اسمع الفرحه من حسها و هيه اتقولي انها ضعفت ..
اتشجعت و هيه شجعتني ، و سرت ويا بنت الخال و اشتركنا ..

نبذه عن جسمــّــــي …

طولي 165 ..
و وزني هوب امخبرتنكن خليجية ؛
صح انيـّـه زايده ، بس أبــــــــــــداً ما يبين عليــّــه ..
عندي المتن مـ الخصر و تحت ، و العظام ماخذ دور ابعد ..
و جلام البنات و الحرمات يوم ايعرفن وزني ( موووووووووول ما يبين عليج ) ..

عقب المواقع و المهازب و المحايل ،
و رمتسهم انيـّـه ما احتاي رجيم ،
و انــّــه جسمي غاوي جيه و عـ قولة عموه ( جسم الكمثرى ) ..
و عـ قولة خويتيه السعوديه يوم ريتها فالعمره ( جسم بدوان الامارات ) <~ شو يخصـّـه ؟ خخ مادري ..

وافقت الوالـــــــــــــــــــــــــده !!!!!
وايه فديتها و هيه حايسه بوزها صوووب و اتقولي برااايج ..

اميـّـه عنـّـي فداها ماخذه موقف مَب حلــو عن الرجيم بانواعه ..
لنه وديه سويت رجيم منيه و الدرب لا اخصائيه و لا هم يحزنون ،
و اغمى عليه كمن وديه .. و هيه عندها علم و خلفيه عن الرجيم <~ مثقفه اميـّـه اترى ، فديتها و الله
فأ يوم شافت الاكل الي اييبونه ، و انه يحتوي جميع المواد الغذائيه الي يحتايها الجسم ،
عيــّــنت من الله خير ، و حطت الرحمن بصدرها ، اتشوفنيـّـه آكل و هيه واثقه ،
لااااا و اتواقعني ان خبــّــصت بعد !!

اشتركت فـ Live’ly ،
هوب هامني الوزن كثر ما همـّـتنـي لقياسات و خصْ الخصر و تحت ..

جنـــّـي طولت عليكن ؟
اقولكن هذربان ريج اناا ..
يالله بنصك اللغب ،
و فـ الرد لي يتــّـليه ..
بحطلكن نموذج من قايمة الأكل الي بيوصلني اليوم ..

للعلم ، الرجيم مَب للنزول السريع !!!!
مفيد ، صحي .. لا يحت الشعر و لا يمنعج مـ الأكل ..

بحطلكم المنيو بكبره ..
طبعا الخيـّــار يكون عندنا ؛
الرمسـّـه الي تحتها خط كان اختياري لليوم هذا ..

الاربعا 08-07-2009

،

الريــّـــوق ؛
مشروب – حليب أو لبن [ قليل الدسم ]
الوجبه – أوتميل سريع التحضير ( كويكر )

سنــّــــاك أوّل ؛
فاكهه طازجه

الغـــــــــــــدا ؛
مقبــّـلات – سلطة ملفوف مع خيار و بندوره أو خضـار محمّـرة
الوجبـّـــه – كاري دجاج باللوز مع رز أو روستو لحم بصلصة الفطر مع بطاطا أو صحن فلافل مع خبز أو شاباتا لحم مفروم مع شيدر

سنــّــاك ثانـــي ؛
كيك زنجبيل مع شاي أو سناك صحي

العشــــــــــا ؛
الوجبــّــه 1 – سلطة دجاج بالسماق مع خبز فقط
أو
الوجبــّـه 2 – سلطة اليوم أو شوربة اليوم + لوبيـا بزيت مع خبز عربي أو كلوب سندويش (حبش و جبنة مع مرهم دجاج)

مسموح شرب القهوه و الجاي الاخضر بدون شكر أو مع محلـّـى
مسموح اكل الخضــّار في حالة الجوع عـ قولتهم
مسموح استبدال الغدا بالعشا و العكس و ايضا باستبدالها بـ مشاوي بحدود معقولــــــــه
مسموح شرب شراب غازي مرتين فالاسبوع بالكثير
لازم تشربن بالكثير لترين أو لتر مأ ( تقريبا 3 دبب مسافي الحجم العادي )
لازم تمشين 3 ساعات فالاسبوع ، و يفضل أكثر .. طبعا عـ هواج اتوزعين الاوقات ..

يتبع مع الصوّر ، لا تردن لا هنتن ..

يا ويلي بترياج لين ما تكملين

الريـــّــــــوق ..

خليجية