السلام عليكم ورحمة الله وبركاته
سأنطلق بعون الله ابتداءً من الغد الخميس 19- 11 – 2024 ولمدة أربعة أشهر بإذن الله للوصول لهدفي وهو الرشاقة 
من 19- 11 إلى 19- 12
هدفي 8 كيلو بإذن الله
من 19- 12 إلى 19- 1
هدفي 6 كيلو بإذن الله
من 19- 1 إلى 19- 2
هدفي 6 كيلو بإذن الله
من 19-2 إلى 19-3
هدفي 6 كيلو بإذن الله
وسأصل لـ 55 بعون الله وتوفيقه ثم بدعواتكم
بسم الله أستعين وعليه أتوكل
اهم شي الاراده .. زين يوم فتحتي موضوع عششآن نششجعج
مابنخليييج في حاااالج .. الله يووفقج ويعطيج على قد نييتج
وزني 78 وابى اوصل 65 بلييييييز قوليلي شو بتسوين عشان اسوي …
واهم خطوه انج حطيتيلج موضوع حق يومياتج عسب نشجعج
بس اهم شي انج ادشين كل يوم وتحطين تقاريرج عسب تتشجعين اكثر
شدي حيلج الغاليه وان شاء الله بتوصلين للوزن اللي يناسبج
ولاتنسين الاكل الصحي + الرياضه
والله يوفقج ان شاء الله
وحياكم الله ويايا
نظامي لهذا الشهر بيكون كميائي يعني كل الوجبات بروتين
من بكرة لين يوم الوقفة على عرفات بكون صايمة بإذن الله عدا يوم الأحد لأن عندي موعد في الأسنان
ونظامي بيكون بإذن الله التالي:
السحور : تمرة + كوبين ماي + بيضة أو جبن لايت أو زبادي لايت أو لبنه لايت + سلطة خضراء خفيفة .
الفطور : تمرة + كوبين ماي وبعدها أقوم أصلي
شوربة عدس أو فطر + قطعة بسيطة من أي نوع من أنواع اللحوم + سلطة خضراء بسيطة
بين الفطور والسحور : شاي بدون حليب – قهوة – قطعة جبن أو بيضة – خيار وخس
وهالأسبوع مهم جدا جدا لأنه أول أسبوع ولازم تكون الإرادة فيه حديد
والله يوفقنا ويتقبل من اللي بتصوم
اللي مابتصوم تخلي الفطور هي وجبة الغداء
والسحور هي وجبة العشاء
والوجبة اللي بينهم هي وجبة الريوق
وبالتوفيق للجميع