اشحالكم بنات بقولكم مشكلتي عمري 17 سنة
ووزني 66 وطولي 151
وانا تعبت من كثر اسوي رجيم ولا في فايدة ولا ينقص ووزني ما اعرف مع اني والله اكل شوي واتحرك وايد واكلي حتى الي اصغر مني ياكلون اكثر مني مثلا اخواني اللي اصغر مني انا اكل اقل بوايد منهم انا اسوي رياضة مو اني ما اسوي رياضة بس ما اعرف ليش وبعد الكل يطالعني يقولون انتي ما تاكلين مول ليش جي جسمج اقول ما اعرف حتى انا اكلي شوي واكل ببط لاعت جبدي والله ليش انا جي ربيعاتي ضعاف بس ما شاء الله اكلهم وايد ياكلون من اكل المدرسة ويبووووون وياهم من البيت ويوم يردون يتغدون ليش جي انا غير حتى اهلي واخواني الا امي طالعة على يدتي ناكل شوي ونتفخ يعني ما ناكل شو امي احس وزنها معقول لانها ربت كم واحد وريولها دوم تعورها عندها عذر وهي حامل يعني ما بتسوي رجيم بس انا لين متى اخاف اكل اي اكل عشان ما امتن مرات اتعشى عشان اخاف امتن الحمدالله ما وصلت 70 وفوق لان من كم سنة اخاف ازيد لاتقولون سيري نادي ولاادوية لان ابوي في بيتنا بس يشتغل ما نقدر ندفع اكثر ولا خلطات لان تلوع بالجبد
انا شكلي كيوت وحلوة ملامحي بس متينة وانا قصيرة فيبين علي اكثر اخاف امتن ولاعت جبدي
يوم اسال امي ولا اهلي يقولون طبيعة جسمج جي
انا ومتنية حلوة وايد وكيوت لو ضعفت بطلع احلى بس ما يضعف جسمي مع اني بعد كل ما اكل على طول الحمام يطلع كل الاكل
ربيعاتي يقولون انتي مب متنية وايد حلو عليج لو ضعفتي مب شي ونصهم لا ضعفي بتطلعين احلى
والله استحي اسير الاعراس ولا مكان شي حريم وبنات اطلع حلوة الحمدالله بس مب راضية احس شكلي حرمة متزوجة بس الكل يقول كيوت والله ما اعرف شو اسوي تعقدت
يوم قريت العنوان تحريت وزنج فوق 100 !!
انتي اهون من غيرج انتي تعانين زياده من الوزن مب سمنه السمنه يطلقونها الي وزنهم زايد بوايد عن المعدل الطبيعي
وزنج زين 66 صح لانج قصيره يبين المتن بس جسمج وسط مب دبه دبه عيل الي امتن عنج شو يقولون .. !
حبيبتي المتن مايخصه بالاكل بس بعد ترا على حسب طبيعه الجسم في ناس ضغاف وايد ياكلون ماشاءالله مايمتنون ياحظهم وفي ناس واعليه عليهم ماياكلون وايد ويمتنون .. ترا قله الحركه تمتن بعد .. ماتشوفين الشباب ع كثر ماياكلون مايمتنون هههههههه لانهم يتحركون ..
لو ماترومين تشتركين بنادي .. عادي حبوبه امشي كل يوم المسا ويا امج وخواتج وبالسوالف مابتحسين بالوقت .. ومب شرط يوميا يعني ع الاقل 4-5 بالاسبوع لمده ساعه بالكثير .. مع تخفيف الاكل صدقيني بتضغفين ماله داعي تذبحين عمرج بريجيم .. وصدقيني عقب شهرين اوزني عمرج شوفي كم خفيتي .. واهم شي الاراده ثم الاراده
انا هذا الحين اسوي امشي كل يوم مشي سريع تقليل الاكل واكثر من شهر ماكلت كاكو وسوالف تمتن مشكورة اختي على النصايح صح انا اهون بس ابا اتم جي الين عمري شي و20 ما ابا امتن لاني قصيرة ولا اطول وطولي واقف
تسلمين الغالية
تسلمين الغالية
الغاليه شوفى الغده يمكن تكون هيه السبب اذا ماتشتغل عدل تبطى نزول الوزن انا وياج لازم بعمرج وطولج ع الاقل يكون وزنج 50 او 52 وان شاء الله تضعفين بصحه وعافيه
حبيبتي خففي اكل وامشي وبتشوفين الفرق بس اهم شي الاراده 
الله يرزقج الرشاقة بصحة و عافية