حبيت افتح هالموضوع حتى نتشارك فيه بالافكار والاراء والمشاكل اللي تواجه كل وحدة فينا عاملة عملية تخص البدانة متل ( تحويل المعدة . ربط المعدة . قص المعدة ….. الخ )
فياريت اي وحدة عاملة هيك عملية تحط تجربتها وتكتب قديه كان وزنها قبل العملية وايمتى عملت العملية وشو نوع العملية وقديه صار هلا والمشاكل لصارت معها يعني كللللللللللللل شيييييييييييي
مشان الفائدة تعم على الجميع
وانا رح كون اول وحدة اكتب تجربتي مع عمليات البدانة
انا وزني كان 152 ومتزوجة وعندي بنتين ومن سنة وشهرين تقريبا عملت عملية ( تحويل المعدة) وطبعا عانيييييييييييت منها كتيييييييير النفسية صارت عدم لان مااحسن اكل متل مابدي وهيك بس لما شفت الوزن صار ينزل غيرت راي وصرت انا ابعد عن الاكل واحاول التزم بالاكل الصحي مع النادي والحمدلله عديت المية وصار وزني بالثمانينات والى الان المحاولة شغالة بكسر الثمانينات بس اكلي صار اكتر من اول وكنت الحلويات مااحبها بعد العملية هلا صرت احب اكل منها كتير بس اكيد لما شوف الوزن بلش يطلع امسك بعدها اسبوع لينزل وهيك ……
اتمنى اني كون فدت غيري ( بعرف قصتي مختصرة ) وطبعا لسى الحكي لقدام رح بيكون كتير لتبادل الاراء وطرح حلول للمشاكل لبتواجه كل وحدة فينا بهالموضوع
يالله انتظر مشاركاتكم صبايا والحماس لموضوعنا ….
بالتوفيق للجميع
ياريت الجميع يتفاعل و نستفيد من تجارب بعض
وياريت كل وحده بعد تحكي تخبرنا و ين عملت العملية