بقولكن شي بنات وارجوكن جابوا صراحه :
انا وزني 83 وطولي 156
هل هذا شي زيين وكم كيلو لازم اضعف ؟
وهل اعتبر سمينة ولا وارجوكم بلا مجاملة ماحب المجاملة قولو الصراحة طيب؟
وبعد عندي مشكلة ثانية لون بشرتي مش موحد ..كيف اوحدها
لون بشرة ويهي ابيض بس رقبتي وابطي وايدي اسمر
كيف اخليهم بيض مثل ويهي
وبعد تحت عيوني ..وكيف انعم ايدي واخليها بيضة وناعمة
بلييييييز ساعدوني ولكم دعوة بظهر الغييب
وادعو ان الله يحقق الي في بالي
وارجو الي ترد ترد على كل التساؤلات
شكرا
الجنس خطر شديد خطر شديد فعلي
الذكور أكثر من 94 سم أكثر من 102 سم
الإناث أكثر من 80 سم أكثر من 88 سم
sehha.com/diseases/obesity/bmi.htm
او اكتبي في قوقل احسب وزنك
انتي طولج 156 يعني وزنج لازم يكون 56 عشان يكون مثالي
و الافضل 53 كيلو
يعني لازم تنزلين في حدود ال 27 ل 30 كيلو
الله يوفقج في خسارتهم يبالهم صبر و مثابره
المشاركة الأصلية كتبت بواسطة القلب العنيد 
بقولكن شي بنات وارجوكن جابوا صراحه :
انا وزني 83 وطولي 156
هل هذا شي زيين وكم كيلو لازم اضعف ؟
عالاقل ثلاثين كيلو عساس يكون مناسب طولج .. عشان تضعفين لا تسوين رجيم قاسي لا ما انصحج فيه .. انصحج بالتخفيف والمشي على جهاز السير .. ورياضة الايروبيك .. واذا بتشربين الشاي الاخضر زين .. واذا عن التخفيف قبل لا تاكلين شربي ماي وفي وسط الاكل شربي ماي وفي اخر الاكل شربي ماي عادي لو شربتي عصير بدل الماي وبتشعرين بالشبع على طول … ولا تعودين نفسج انج تتعشين وجبة دسمة وابدي بالعشا الخفيف من الساعة سبع وايد بيفدج ..
وهل اعتبر سمينة ولا وارجوكم بلا مجاملة ماحب المجاملة قولو الصراحة طيب؟
انا عن نفسي يوم قريت وزنج حسيتج سمينة بس فيه ناس مش سمان بس عظمهم ثقيل وزنهم يكون كبير بسبب عظامهم
وبعد عندي مشكلة ثانية لون بشرتي مش موحد ..كيف اوحدها
لون بشرة ويهي ابيض بس رقبتي وابطي وايدي اسمر
كيف اخليهم بيض مثل ويهي
جوفي اختي سيري واشتريلج جهاز البخا ر ومعدات الحمام المغربي والمرطبات واستمري عليهم طول عمرج لان عن جد بتحسين بالفرق .. والجسم الواحد لازم يهتم فيه من جميع النواحي مب انج تهتمين فيه يوم او يومين وبعدين طاف لا .. لازم يكون الاهتمام بشكل مستمر …
وبعد تحت عيوني ..وكيف انعم ايدي واخليها بيضة وناعمة
تحت العين استخدمي كريم في تامين سي او الحبوب بس انتي خذيها عن طريق الدكتورة احسن لج .. عن بياض الايد جوفي انا مرة لاحظت في ايدي اسمرار خفيف اللي يكون موجود في عقل الاصابع فهمتي شو اقصد
المهم كنت ملانه وكنت ابا اجرب و اتفنتك بخلطة سحرية وطلعت سحرية بالقو هع .. فسرت وخلط زيت زيتون مع بياض البيض وملح وليمون وتميت ادلك ايدي والله ان الاسمرار اختفى من عقل الاصابع .. مع اني سويته بس مرتين وبكمل تقريبا سنة ومارد الاسمرار .. وناسه صح .. ايوا نسيت عساس تنعمين ايدينج عليج بالمرطبات
بلييييييز ساعدوني ولكم دعوة بظهر الغييب
وادعو ان الله يحقق الي في بالي
الله يحقق لج اللي في بالج في القريب العاجل ان شالله ويسر لج امرج وينور دربج بنوره العظيم ..
وارجو الي ترد ترد على كل التساؤلات
ان شالله قدرت افيدج .. ^_^
شكرا
سلااامي لج ..