اشحالكم بنات
انشاء الله بخير
انا حابه من اليوم ابتدي ارجع لرجيم التمر و اللبن اللي سويته قبل 3 شهور و الحمد لله نقصت من وراه 15 كيلوا في اسبوعين ، الحمد لله كان الشي واضح و ما عانيت من اي اثار جانبيه و وزني ثبت لفترة طويلة، بس للاسف هالصيف وايد كان في عزايم و اعراس و سفر و انا رجعت لعادت الاكل الغير صحية مرة ثانية و زاد وزني مرة ثانية
فانشاء الله راح ارجع اسوي هالرجيم مع اضافة بعض العناصر الغذائية
خطتي راح تكون :-
السحور:-(الساعة 3:45)
7 تمرات + كوب روب خالي من الدسم(لاني ما احب اشرب الحليب او اللبن)+ بيضة مسلوقة +كوبين ماء
الفطور:-(الساعة 7:8)
7تمرات+كوب روب خالي من الدسم+5 ملاعق شوربة دجاج مع خضروات (لتعويض نقص الالياف و البروتين)+كوبين ماء
العشاء:-(الساعة 10:00)
7تمرات+كوب روب خالي من الدسم+فواكة (انا عن نفسي احب اكل بطيخ لتعويض نفص الماء)+كوبين ماء
و اكيد اكيد الرياضة !! مافي رجيم بدون رياضة، انا الحمد لله عن نفسي اقدر اسوي رياضة ل 4 ساعات فاليوم، فجدول الرياضة بيكون كالتالي :-
ساعتين على جهاز الهوائي قبل الاذن من الساعة 5-7 بسرعة بطيئة لعدم الاحساس بالاجهاد و العطش بسرعة
ساعتين بعد الفطور لان الفطور خفيف فمراح يثقل على المعده و هالساعتين من الساعة 8-10
و اكيد ما انسى ان الاستراحات في هالساعتين هم استراحات للصلاة
انشاء الله الاقي تشجيع منكم و اوصل للوزن الصحي قبل العيد
انا لازم انزل تقريبا 18 كيلوا
و انشاء الله مع الرياضة و الاكل الصحي بوصل
و اتمنى من كل اللي جربوا رجيم التمر و اللبن يخبرونا بتجاربهم الناجحه
ربي يحفظكم
المشاركين
انا
هنوف القلب
و اللي تبي تشارك تقولي و بضيف اسمها
وبشجعج وتجشعيني .. أنا فخاطري 7 كيلو او 6 ..
اليوم فطرت .. يتني الشيخة هههههه
فشربت ماي وعصير همبا وكبت قطعة جبنة كيري ..
خلااااااااااااااااص ما باكل الحين يلين الفطور وببدا برجيم التمر ..
بس فديتكم ان شاء الله اصح من انشاء الله لان الاولى التوكل على الله والثاانيه كانكم تقولون تنشؤوون الشي ^_^
وربي يوفجكم وينول الي فبالكم يارب =)