شحالكم يا حلوات بغيت اتنشدكم عن الدكتور علي خماس في مستشفى راشد الي يسوي عمليات السمنة مثل ربط وتصغير المعدة حد سوى عنده عملية وكيف كانت ودكتور شاطر ولا لأني افكر اسوي ربط معده وخبروني عن هالدكتور بس ما عرف شي عنه بليز ساعدوني
بالتوووووووفيق يالغلا
أختي إذا بتسمحيلي أسألج أنتي كم وزنج؟ وطولج؟ وعمرج؟
أنا شفت موضوع الأخت Sundos.M في هاي الصفحة: تجربتي الخاصه : قبل الزواج و بعد الزواج ( في انزال الوزن ) جدا رائعه ما شاء الله تبارك الله
شوفيها ممكن تقدرين تسوين مثلها،، مع إني أنا صراحة لو كنت بمثل حالتها كنت ممكن أيأس و ألجأ للعملية،، خلي العملية آخر آخر خيار لأن والله الترهلات فضيعة ولا تحتمل
الله يوفقج يا رب وتحققين اللي تتمنينه
أختي نصيحة لوجه الله لا تسوي عملية وتبهدلي عمرج, أقولها لج من اللي شفته من حوالي, وحدة من صديقاتي مسوية تصغير للمعدة, زين حلو نزل وزنها بس صارت عندها ترهلات فضيعة بمعنى فضيعة في الساعدين والبطن ! مع إنها كانت تروح جلسات الشد بالأجهزة وغيره, بس كمية الجلد المترهل فضيعة, والحين محتاج عملية إزالة الجلد الزائد وعملية شد, مع خطورتها وإحتمال لاسمح الله تتعرض لإلتهابات غير تشوه جسمها بعد العملية , ثانياً شهرياً لازم تاخذ إبرة فيتامين ب12 , وعندها فقر دم شبه مستمر . ما تقدر تاكل الي تباه لأنه هذا يتعبها وهذا ما تقدر تهضمه وهذا ما أعرف شو! ربيعتي الثانية صار عندهااللتصاقات بعد عملية تحويل مسار المعدة.زميلتي الثالثة كانت بتروح فيها بسبب ربط المعدة كان شاد على فم المعدة وجارح ليها جدار فم المعدة وكانت تنزف لين إكتشفوا النزيف في مستشفى خليفة وسو لها عملية مستعجلة وتمت في العناية المركز 15 يوم! وبعدها بكم شهر رجع وزنها أكثر من أول.
مالج إلا الحل الطبيعي , نقصي وزنج بالتدريج أختي بالرياضة وبالنظام الغذائي وبتوفيق الله ثم العزيمة والإرادة بتوصلي للوزن اللي تبيه . أحلف لج بالله الذي لا اله إلا هو أخوي كان سمين لسنوات وفي البداية كان يجرب بعض أنظمة انقاص الوزن وما كانت تفيده وما كان يصبر فترة طويلة يعني يوقفها بعد كم يوم. ويوم دخل الكلية زاد وزنه أكثر,والسنة الماضية في رمضان قرر أنه ينقص وزنه بسبب المشاكل الصحية اللي صابته ومشى على رجيم غذائي صحي بمساعدة مركز دكتور نيتروشن بس قال لهم ما أبغي أي كيماويات ولا حبوب ولو كانت من أعشاب, والنظام الغذائي اللي عطوه له كان مرن بس أخوي كان يمشي يوميا ساعة كاملة ! أو يركب دراجة أو يروح سباحة في نهاية الأسبوع, وهم شي أنه كان يدعي الله في قيام الليل في رمضان أنه الله يساعده. والحمدلله خلال 6 شهور نقص 20 كيلو , وبعدها نقص 10 كيلو في ثلاث شهور والحمدلله الحين وصل لوزنه المناسب لطوله ومحافظ على الوزن.
آسفة طولت عليكم وايد بس والله أتمنى لكم الخير.
مالج إلا الحل الطبيعي , نقصي وزنج بالتدريج أختي بالرياضة وبالنظام الغذائي وبتوفيق الله ثم العزيمة والإرادة بتوصلي للوزن اللي تبيه . أحلف لج بالله الذي لا اله إلا هو أخوي كان سمين لسنوات وفي البداية كان يجرب بعض أنظمة انقاص الوزن وما كانت تفيده وما كان يصبر فترة طويلة يعني يوقفها بعد كم يوم. ويوم دخل الكلية زاد وزنه أكثر,والسنة الماضية في رمضان قرر أنه ينقص وزنه بسبب المشاكل الصحية اللي صابته ومشى على رجيم غذائي صحي بمساعدة مركز دكتور نيتروشن بس قال لهم ما أبغي أي كيماويات ولا حبوب ولو كانت من أعشاب, والنظام الغذائي اللي عطوه له كان مرن بس أخوي كان يمشي يوميا ساعة كاملة ! أو يركب دراجة أو يروح سباحة في نهاية الأسبوع, وهم شي أنه كان يدعي الله في قيام الليل في رمضان أنه الله يساعده. والحمدلله خلال 6 شهور نقص 20 كيلو , وبعدها نقص 10 كيلو في ثلاث شهور والحمدلله الحين وصل لوزنه المناسب لطوله ومحافظ على الوزن.
آسفة طولت عليكم وايد بس والله أتمنى لكم الخير.
مشكووؤه على النصيحة خواتي بس أنا جربت الرجيمات والرياضة وضعفت بس الحين ماقدر خلاص تعبت خاص من حملت اخر مره وربيت وزني من راضي ينقص. غير عندي ديسك والدكتور قال لازم انقص من وزني حاولت اصبر فترة وبعدين ارجع أنا بسوي الحلقة اخف عملية ويقولون زينه حق المعرسات لانه الحلقة في فترة الحمل يقدرون يرخونها لين بعد الولاده بليز شجعوني
بالتوفيق اختي بارك الله لكي
أنا وزني ٩١ وطولي ١٥٩