بسم الله الرحمن الرحيم
شحالكم بنات..انا اليوم بديت الجزء الثاني من رحلتي مع الرجيم مع مركز دكتور نيوتريشن وحبيت اشارك وياكم واحطلكم يومياتي عشان اتحمس واكمل وفنفس الوقت عشان تستفيدون من تجربتي لاني بحط النظام مالي يوميا يوم بيوم للي حابة تسوي مثلي. انا مسجلة عند دكتور نيوتريشن من شهر 5 ووزني كان 102 ونزلت عندهم تقريبا 10 كيلو الحمدلله ووصل وزني 93 ووقفت لظروف والحين ناوية اكمل باذن الله. المتن تعبني وايد ..الم فالركب والظهر..مافي ولا شي يناسبني لانه فيني بطن.. ودايما احس اني مب حلوة ونفستي دايما تعبانة ومضايجة من جسمي. عشان جي حطيت الهدف فبالي خلاص ابا ارتاح. انا متزوجة من 3 سنوات وعندي بنتين الله يحفظهم. وزني قبل العرس كان 72 وكنت محافظة وجسمي حلو وما اترك الجم..بس للأسف عقب العرس انشغلت واهملت وزاد وزني وحملت على وزن زايد وصار وزني يزيد فترة الحمل والحمدلله ربيت بس بعملية قيصرية. ونويت انزل وزني فعلا بديت بس كان النزول بطيء. بس يوم كملت بنتي 10 شهور حملت مرة ثانية الحمد لله واكيد كان وزني بعده زايد وتراكم الوزن عالوزن..وربيت مرة ثانية بعملية..هاي باختصار مشكلتي مع الوزن بس الحمدلله اني بديت من كم شهر انزل والحين بكمل ويا رب اوصل للوزن اللي اباه بصحة وعافية واتمنى هالشي للجميع ان شا الله.
نظامي لليوم الأول كالتالي:
الريوق: بيضتين مفورات مع قهوة الدايت (اخذها من عندهم..طعمها حلو نفس طعم النسكافيه 3 في1) ماقدر ابدا يومي بدون كوفي.
سناك بعد الريوق تقريبا بساعتين: كلت نص قطعة جولكت اتكنز مال الدايت بطعم السنيكرز. طعمها يجنن واخذها من عندهم بعد.
الغدا: مشاوي مع تبولة بدون برغل ولا زيت. انا اطلب غدايه من مطعم خفيف وصحي فالشارجة لاني اداوم فالشارجة. الصراحة اكلهم حلو وصحي.
السناك الثاني بيكون تفاحة تقريبا بعد الغدا بساعتين او 3 ساعات.
العشا بيكون صحن شاورما بدون خبز مع 10 حبات زيتون اسود. واذا ما توفرت الشاورما اقدر اكل بيضة مفورة. اقدر ابدل أي بروتين بالثاني.
توني متغدية الحمدلله وراضية عن يومي لين الحين و يا رب التزم واكمل باقي اليوم على خير وباقي الدايت واوصل للوزن اللي فبالي.
بحط يومياتي لكم كل يوم للي حابة تسوي نفس نظامي.
تابعوني…..ام عوشة السويدي
شحالكم بنات..انا اليوم بديت الجزء الثاني من رحلتي مع الرجيم مع مركز دكتور نيوتريشن وحبيت اشارك وياكم واحطلكم يومياتي عشان اتحمس واكمل وفنفس الوقت عشان تستفيدون من تجربتي لاني بحط النظام مالي يوميا يوم بيوم للي حابة تسوي مثلي. انا مسجلة عند دكتور نيوتريشن من شهر 5 ووزني كان 102 ونزلت عندهم تقريبا 10 كيلو الحمدلله ووصل وزني 93 ووقفت لظروف والحين ناوية اكمل باذن الله. المتن تعبني وايد ..الم فالركب والظهر..مافي ولا شي يناسبني لانه فيني بطن.. ودايما احس اني مب حلوة ونفستي دايما تعبانة ومضايجة من جسمي. عشان جي حطيت الهدف فبالي خلاص ابا ارتاح. انا متزوجة من 3 سنوات وعندي بنتين الله يحفظهم. وزني قبل العرس كان 72 وكنت محافظة وجسمي حلو وما اترك الجم..بس للأسف عقب العرس انشغلت واهملت وزاد وزني وحملت على وزن زايد وصار وزني يزيد فترة الحمل والحمدلله ربيت بس بعملية قيصرية. ونويت انزل وزني فعلا بديت بس كان النزول بطيء. بس يوم كملت بنتي 10 شهور حملت مرة ثانية الحمد لله واكيد كان وزني بعده زايد وتراكم الوزن عالوزن..وربيت مرة ثانية بعملية..هاي باختصار مشكلتي مع الوزن بس الحمدلله اني بديت من كم شهر انزل والحين بكمل ويا رب اوصل للوزن اللي اباه بصحة وعافية واتمنى هالشي للجميع ان شا الله.
نظامي لليوم الأول كالتالي:
الريوق: بيضتين مفورات مع قهوة الدايت (اخذها من عندهم..طعمها حلو نفس طعم النسكافيه 3 في1) ماقدر ابدا يومي بدون كوفي.
سناك بعد الريوق تقريبا بساعتين: كلت نص قطعة جولكت اتكنز مال الدايت بطعم السنيكرز. طعمها يجنن واخذها من عندهم بعد.
الغدا: مشاوي مع تبولة بدون برغل ولا زيت. انا اطلب غدايه من مطعم خفيف وصحي فالشارجة لاني اداوم فالشارجة. الصراحة اكلهم حلو وصحي.
السناك الثاني بيكون تفاحة تقريبا بعد الغدا بساعتين او 3 ساعات.
العشا بيكون صحن شاورما بدون خبز مع 10 حبات زيتون اسود. واذا ما توفرت الشاورما اقدر اكل بيضة مفورة. اقدر ابدل أي بروتين بالثاني.
توني متغدية الحمدلله وراضية عن يومي لين الحين و يا رب التزم واكمل باقي اليوم على خير وباقي الدايت واوصل للوزن اللي فبالي.
بحط يومياتي لكم كل يوم للي حابة تسوي نفس نظامي.
تابعوني…..ام عوشة السويدي
هلا
منوره القسم اختي
الله يخلي لج بناتج
ان شاء الله بتنزلين وزنج
انتي قدها
بالعافيه عليج يومج الاول
بس لا تنسين الرياضه والماي
ربي يوفجج خيتوووو.
ربي يوفجج خيتوووو.
صباح الخير.. مشكورات خواتي ملاك الشوق و يا معرفني.. اليوم ثاني يوم وان شا الله بمشي شوي يوم برجع البيت عقب الدوام..
اليوم نظامي بيكون كالتالي: الريوق: قهوة الدايت، قطعتين جبن قليل الدسم 80 غرام، بيضة مفورة.
سناك: نصف قطعة جوكلت.
الغدا: مشاوي، سلطة خظرا بدون زيت ولا ملح (انا باكل تبولة بدون برغل ولا زيت) بس واااايد احط ليمون احبها حامضة
سناك: نصف قطعة جوكلت الدايت.
العشا: علبة تونة صغيرة بالماي.
توني متريقة ويا رب اكمل اليوم بدون ما اخرب.
يسعدلي صباحكم..
اليوم نظامي بيكون كالتالي: الريوق: قهوة الدايت، قطعتين جبن قليل الدسم 80 غرام، بيضة مفورة.
سناك: نصف قطعة جوكلت.
الغدا: مشاوي، سلطة خظرا بدون زيت ولا ملح (انا باكل تبولة بدون برغل ولا زيت) بس واااايد احط ليمون احبها حامضة
سناك: نصف قطعة جوكلت الدايت.
العشا: علبة تونة صغيرة بالماي.
توني متريقة ويا رب اكمل اليوم بدون ما اخرب.
يسعدلي صباحكم..
يسعدلي صباحك .. ربي يوفجج
يومج حلوووووووووووووو حبيبتي بس بغيت اسالج الحين تبدين مع نيتروشن 3 وجبات رىيسيه والا مع سناك
وكم يطلع عليج كامل وبكم شهر تحسين نزل وزنج اول مابديتي معاهم
والله يوفقج حبيبتي ::: متابعييييييييييينج
هلا حبيبتي "زوجي كل حياتي"
رجيم نيوتريشن يكون 3 وجبات رئيسية مع 2 سناك..يعني ريوق سناك غدا سناك عشا.. انا البكج كلفني 1000 درهم لمدة 6 شهور كانوا مسوين عرض وعطوني وايد اكل من عندهم مثل القهوة والجوكلت والجيلي..اول شهر نزلت تقريبا 3 كيلو ونص والنزول يختلف من جسم للثاني انا كنت وايد ملتزمة لين ما نزلت 10 كيلو الحمد لله تقريبا خلال 3 شهور.. لاني بادية من شهر 5 وشهر 8 وقفت والحين يالسة اكمل.. طبعا المشي ظروري ولازم تشربين وايد ماي وتبتعدين عن الموالح والاشياء اللي تحبس السوائل فالجسم.
الله يوفق الجميع يا رب.
رجيم نيوتريشن يكون 3 وجبات رئيسية مع 2 سناك..يعني ريوق سناك غدا سناك عشا.. انا البكج كلفني 1000 درهم لمدة 6 شهور كانوا مسوين عرض وعطوني وايد اكل من عندهم مثل القهوة والجوكلت والجيلي..اول شهر نزلت تقريبا 3 كيلو ونص والنزول يختلف من جسم للثاني انا كنت وايد ملتزمة لين ما نزلت 10 كيلو الحمد لله تقريبا خلال 3 شهور.. لاني بادية من شهر 5 وشهر 8 وقفت والحين يالسة اكمل.. طبعا المشي ظروري ولازم تشربين وايد ماي وتبتعدين عن الموالح والاشياء اللي تحبس السوائل فالجسم.
الله يوفق الجميع يا رب.