علاج مشاكل الحمل بالحجامة؟! 2024.

مرحبااااااا بناااات

بنااات حد منكن تعالج بالحجامة من مشاكل الحمل؟!

ابصراحه انا تعبت من المستشفيات والعمليات والأدوية

تعبتني نفسيا

كان فيني كيس ماي قبل 11 سنة وشليته بعملية جراحية.. والدكتورة شلت جزء من التيوب اللي على المبيض الايمن والحمدالله عل كل حال

والحينه عندي البطانة المهاجرة امسببتلي آلام فظيعة واااايد ما اتحملها شهريا اترقد في المستشفى

و أكمل؟

عندي الياف في الرحم وقالوا لي لازم اسوي عملية ..

واللي قالي عندي التصاقات والرحم نااازل

مادري أبدا في شو !؟؟

بس الحمدالله على كل حال استويت متقبلة وإيماني قوي بالله واقول ما في شي بعيد عن رب العالمين

في الاخير قلت خلني اتعالج بالحجامة ومثل ما اتعرفن من السنة النبوية واشوف تجاربكن ولو اتعالجتن في مكان معين اتمنى حد يفيدني..

انا اقولج من وين تبدين ابدي من العلاج بالقران يعني يبي زيت زيتون اصلي مقراي عليه او حتى لو انتي تقرين عليه ايات قرانية عند الحسد والمس واتفركين فيه المنطقة المصابه لاني سمعت مطوع ايقول اي وحده ايكون عندها مشاكل فالرحم فاغلبيتها اتكون عين سبحان الله يمكن هالشي ماايي في بالج بس بعد خذي بالاسباب وابدي هاي الخطوه وكل يوم قريب المغرب لبقي فحم وجهزي نفسج اتكونين على وضوء واتحطين لج شبه تدخنين بها وتفركين جسمج بزيت الزيتون مع قراءة بعض الرقية الشرعيه واضبي عليه مدة اسبوع انشاالله او حتى لين شهر مايضر بس مب اقل من اسبوع وعسى ربي يزيل عنج الامراض والاوجاع وبشريني عنج ان طبتي باذن الله والحجامه تراها زينه بعد تطلع الدم الفاسد من الجسم بس لازم اتسيرين عند ناس مختصه
وبالتوفيق لي ولكم يارب

الحجامة سنة نبوية وقد تكون سبب فى الحمل الله يرزقك اهم شيئ الدعاء

حبيبتي سوي حجامه. وسيري مركز الهلال الأحمر للأعشاب موجود بالعين مقابل مستشفى التخصصي عن مطعم البحر وعيادة الجاهلي. وشي في أبوظبي. يوم بتر وحين هناك اسألي عن ابو احمد. ولو مب موجود خليهم يتصلون عليه. ورمسيه. وخبريه مشكلتج. وبعطيج أعشاب وعسل. انا صار لي ٦ سنين أعالج وسويت عمليه. وسرت عنده بعد تجارب وايدين حملت ٢ شهر من الأعشاب والحين انا بالشهر السادس. ووحده معاي صارلها ٨ سنين ما حملت وحملت.

أتكلملي على الله واكثري الاستغفار.
والمشكله كان رقمه عندي وامسح.
وتقريبا أعاد للأعشاب عطاني حق ٣ اشهر ومجموعه كبيره ١٣٠٠ درهم. ما همنا البيزات دام وراها فايده.

والله يرزقج ويزرق كل محرومه يا رب

الحجامة وايد مفيدة واتوكلي على الله وسويها واذا ما نفعت ما بضرج ان شاء الله

ربي يسهل امورج

ما اعرف محجمة زينة و لا دليتج عليها