الركـــــــــــــــــب السوداء 2024.

السلام عليكم ورحمة الله وبركاته

حد يخبرني شو أحسن سكرب أو كريم عشان يعالج سواد الركبه…

جزاكن الله ألف خير

فيدونا بنات

لاتقولون جيلوسوليد وليمون ولا جلسرين انا صارلي تقريبا سنه كامله ادهن ركبي ولا فادني الصراحه مب طايعات ينفتحن

هلا اختي ..

عليييييييج بالدلكه ^^

بعطيج طريقتها ^^

قبل لا تتسبحين ..
هاتي زيت اللوزالحلو او زيت الزيتون .. ويفضل الاثنين .. لول ..
حطي على جسمج .. ودلكي جسمج مال خمس دقايق وخليه تقريبا نص ساعه او ساعه او اكثر ع كيفج .. او ترقدين فيه .. بعد عادي ماشي اي مشكله

خلااااااااااااااااااااف::

احينه بتقومين تتسبحين

جهزي هاي الاغراض ( دلكه المغربيه او السودانيه ماتفرق + ملح بالحليب اليوكو+ حنا او طين مغربي + لوميه )

طريقة استخدام الدلكه :-
1-يكون الماي دافي او حار قد ماتقدرين تتحملينه ( تحملي تحرقين عمرج) وتخلين الماي الدافي لمدة 5 دقايق عشان يفتحن المسام للجسم

2-خلاااااف .. تدهنين جسمج بالصابون المغربي ( دلكه) وتقعدين تتدلكين بالصابون المغربي لمدة 5 – 10 دقايق وكل ماطولتي كان احسن بعدين غسلي جسمج زين مازين بالمااااااي الدافي .

3-وبعديــــــن.. تيبين الليفه المغربيه الاصليـــه تفركين جسمج بشكل دائري ..( بس تحملي تيرحين عمرج) بتلاحظين انه الجلد الميت بدى يظهر من جسمج على شكل محايه او عجين .بعد ماتفركين غسلي جسمج عشان يطيح الجلد الميت عنج جسمج ,,

4-خلاااااف .. هاتي تقشير الملح الحليب [يوكو]( إللي مرسوم عليه بقره ) وفركي جسمج بشوي شوي بشكل دائري ,, الفايده من استخدام هذا التقشير لتنظيف + التعقيم+ النعومه ,,

5- بعدين سويي قناع الحنا .. او قناع الطين المغربي …
الطرييقه : انج تيبين .. حنا .. وتفركينه ع جسمج .( جسمج يكون مبلول ,,) تمي تفركي بالحنا وخليه شويه .. بس تحملي ترا يصفر الظفور بسس .. اما الجسم مايطبع عليه ..خلاف , غسلي جسمج زين مازين .. خلاف هاتي لوميه وفركي فيها جسمج وفركي ظفورررج زين مازين .. عشان يخوز اللون الاصفر ..

اما إذا استخدمتي .. الطين .. بدال الحنا .. بخبرج الطريقه .. هاتي الطين .وحطيه في مله .. يعني انتي قايسي الكميه ع حسب مايحتاجه جسمج .. خلاف هاتي ماي ورد وخلطيه مع الطين لين ستوي الخليط متجانس او شكل ( العيين = العجين) حطيه ع جسمج .. لمدة 15 دقيقه او 10 دقايق . ويفضل تخلينه لييييييين تجف الخلطه << الطين معروف بالمعادن والمعادن مفييييييده للجسم
وخلاف غسليييييييه بالماي

6-,, هاتي الجل شاور لدلع والريحه الحلوه .. وغسلي جسمج فيه بشكل سريع .. بعدين نشفي جسمج .. وحطي الكريم المرطب ,,

[ همسه] يفضل الكريم يكون ثقيل شوي وطبي اكثر .. لانه انتي قشرتي جسمج فيفضل تحطين كريم ثقيل وطبي اكثر يرطب عن المرطبات إللي فيهن ريحه ..

————–(( سبوووووووح العافيه ))—————

..

وعليييج بعد .. بالسكرابااااات ^^

..

مشكوووووووووووره رعبوبة العين ع الشرح المفصل

بس أنا شوي كسولة… ما عندج حل حق 5 دقايق…^_^

ويا ريت يكون مجرب 100%

ههههههههههه ..

يالكسول .. <<< احبطيني . اكتب لج شرح هالطول .. خلاف تقولين مال خمس دقايق ..

حبوبه إللي يبا الزين مايقول ووووووووح << تحملي شو وراج ؟

مره في الاسبوع استخدمي الدلكه ..

باقي الايام الاسبوع.. دهني .. ركبج .. بالزيت زيتون + اللوز .. خلاف

سوي سكراب .. افضل انج تستخدمين .. سكراب من لوريال .. وايد حلو .. او استخدمي اي سكراب تحبينه ..

بعد السكراب هاتي لوميه .. وفركي ركبج ..

الوصفات الطبيعيه يبالها .. شوية صبر ..

^_^ دعلينا حبوبه ..

انا عندي الحل

شهر واحد بس حاولي تتجنبين انج " تأجبين " ع ركبج

طبعا ما اقصد وانتي تصلين << لوول

يعني واني بتيلسين لا تضغطين ع ركبج لان تكرر هالحركه يسبب جفاف الركب وسوادها نفس الشي الكوع

وبجوفين خف ان شاء الله

ادعيلي عاد ^ـ^

موفقهـ

مشكوووووووورين