بنات ربي يرزقكم الجنه باختصار أنا متزوجه من سنتين وعندي بنت وحالتي المعيشية جيدة ولله الحمد والشكر
عندي سيارة وريلي ما يقصر علي بالمصاريف والطلعات ولابد من المشاكل لانه شوي متعصب بس مب محرومة من شي يعني احسه غيرته زايده بس
اهلي بصحة ولله الحمد بس أبوي توفى من ثلاث سنين وكانت حياته كلها من مرض لمرض ولله الحمد تأثرت وايد بوفاته لانه اقرب لي من أمي بس الحياة استمرت وتزوجت
بعد الزواج مرضت والحين كملت سنة من المرض بس الحمد الله وكلت امرئ لله وانا والله راضية بالمرض وعادي الحياة مستمرة
باختصار حياتي مثل اي شخص يمر بفرح وحزن ويمكن أنا احسن من غيري بوايد أشياء لانه في ناس انحرموا من أشياء واشياء ووووووو
لكن بعد مب مرتاحة وما في سبب مقنع لعدم راحتي
قبل كان قربي من الله كبييييير بس كنت بعد مب حابه أعيش بالدنيا وايد مب حابه الدنيا ابد
والحين حزني حزنين الاول أني بعدت عن ربي مو مثل اول
والثاني أني بعد ملانه من الدنيا …..دائماً اقول أنا مو ناقصني غير الوظيفة والشفاء من مرضي وان ارجع نفس قبل قريبة من ربي بس حتى لو توفرت هالاشياء ما رح ارتاح ومابي أعيش وايد ملانه من الدنيا الدنيا مو حلوة الايام تمر كانها ثواني فظيييييييييع الوقت شو يمر
ما اعرف بنات شو فيني هل أنا غير عن الناس صرت اتمنى الموت رغم ان مقصرة مع ربي
والله الواحد يقول الحمد الله عكل يوم يعيشه لانه فيه فرصة للتوبه والعباده وانا اتنى ما أعيش لباجر
الحمد يارب عكل شي حتى على هالاحساس اللي احسه
بنات شسوي عسب تتلهف للعاباطة ابي اشتاق للقران وللصلاة ولعمل الصالحات لأني مليت من الدنيا وأبي أقابل ربي وانا عبدته عن قلب عبدته وانا حابه أعبده مو عبدته لانه واجب علي وبي
والله أني اكتب لكم وبقلي حسرة ودي أصيح
أنا اعرف وايد عبادات وعندي معرفة لا باس بها بالدين بس ابي حد ينورني كيف اعبد ربي بلهفه وشوق ودي اسوي شي احبه ودي أتقرب من ربي نفس قبل واكثر بعد ودي ما أشوف غير ربي والآخرة
*
سبحان الله وبحمده ^ ^ سبحان الله العظيم
لا إله إلا الله عدد الزهر والثمر وعدد أنفاس البشر
لا إله إلا الله عدد لمح العيون عدد ما كان وما يكون
لا إله إلا الله عدد جري الرياح في البراري والصخور
لا إله إلا الله من يومنا هذا إلى يوم ينفخ في الصور
(=
أستغفر الله وأتوب إليه
وهذا كلام سلمان الفارسي ولما سمع به الرسول ايد كلامه
الله يهدج اذا انتي كاتبه هذا الكلام في ساعة ضيقة فان شاء الله بتمر وبتردين عادي
ام اذا هذا الكلام على طول فانا اشوف تعرضين نفسج على دكتورة نفسيه