حبيت احط لكم يابنات خبرتي من بعد تجارب في الاستحمام وكيفية الاعتناء برائحة جسمي وعدم الاعتماد على اي مزيلات للعرق وهذه الطريقة طريقتي وحدة دلتني عليها وصرت استخدمها بدل ما احط على جسمي مزيلات العرق والحمدلله مافيني اي ريحة عرق تطلع وربي الشاهد .
بس طبعا بكتب لكم شو استخدم بس دون صور لاني موب ذاك الزود بالتصوير .
طبعا اهم شي اننا بالصيف نتسبح يوميا طبعا انا اتسبح مرتين مرة الظهر بعد ما ارجع من الدوام ومرة قبل النوم .
وبالشتاء اتسبح يوميا بس مرة باليوم .
نجي الحين للاشياء اللي استخدمها .
طبعا انا لما اتسبح افررررررررررك جسمي عدل بالليفة بصابون ديتول السائل للبشرة الحساسة او صابون بالموليف الاخضر السائل او صابون سائل باللوز والحليب اجيبه من صيدلية الصحة والجمال اللي بالوحدة مول واسمه
( mediterranean
almond wheatgerm @ milk
Body wash) او ساعات استعمل صابونة بالموليف السائل اللي بالكيوي وطبعا انا لما افرررررك جسمي بالليفة افرررركه 3 مرات واكون مبللة الليفة عدل واحط 3 قطرات من الصابون لانه الصابون السائل بروحه يرغي على الليفة المبللة ومن ثم اشطفه بالماي ومن ثم استخدم صابونة القطع اما استخدم صوابين القطع من خان الصابون تقريبا جربت كل شي عنده وعيبني وساعات استعمل نيفيا بالعسل وزيت الجوجوبا وساعات صابون اللوز اللي من هملايا او الخيار وساعات صابون الغار او الطاووس او البابايا وطبعا افررررررررك جسمي عدل بالصابونة مرتين ومن ثم اشطفه بالماي وانشف جسمي وازيته بزيت جونسون الاطفال اللي لونه برتقالي اللي بالزهور المنعشة ومن ثم احط عليه لوشن اما زبدة الكاكاو من فازلين او الصبار بالخيار من فازلين او زبدة الشيا من نيفيا.
طبعا انا اغسل جسمي بالصابون 4 مرات والاسبوع 7 ايام وطبعا يتبقى 3 ايام هالثلاث ايام اكون مقسمته على السكراب .
يوم استخدم سكراب زبدة الكاكاو واخذه من صيدلية الصحة والجمال اللي بالوحدة مول واسمه بالانجليزية ( cocoa butter sugar scrub ) طبعا اول شي ابلل جسمي بالماي عدل ومن ثم احط عليه السكراب واخليه ثلث ساعة على جسمي وبعدين اشطفه بالماي واقعد افرك بالليفة وبالعصايا حق الجسم ومن ثم افرك جسمي بصابون القطع مرة ومن ثم احط زيت جونسون البرتقالي واللوشن.
يوم ثاني استخدم كريم العروسة وخطواته نفس سكراب زبدة الكاكاو يعني اخليه ثلث ساعة على جسمي المبلل وبعدين بالليفة والعصايا وافرك بالصابون القطع وبعدين الزيت واللوشن.
ثوم ثالث اخليه حمام مغربي واجلس نص ساعة.
وبس هاي هي طريقتي بالاستحمام ومافيها اي اعتماد على مزيلات العرق ولله الحمد وطبعا هذه طريقتي انا ليالي الامارات وموب ناقلتها من احد والحمدلله صار لي سنتين ماشية عليها انا وخواتي و2 من صديقاتي.
بس ملاحظة لازم يكون جسمكم نظيف مافيه شعر نهائي خاصة تحت الباط لانه هو يسبب الريحة واهم شي لازم الملابس الداخلية تتبدل بالصيف على الاقل 3 مرات وبالشتاء مرتين .
وبس واتمنى تعيبكم طريقتي وان ما عيبتكم عادي بس اتمنى تدعون لي.
سلالالالالالالالالالالالالالالالالالالالالام
فديتج كلنا نتفرك بس الجسم بعد السبوح وفالحر طبيعي يطلع عرق
ونحن فالدوام بنرجع نتسبح ونتفرك!
فديتج لاتزعلين^^
بس الشخص اذا عرق مايشم ريحته
يمكن تقولين مافيني ريحه!!لكن شي
او يمكن انتي من الاشخاص الي ماتعرق
لاني انا وحده اتسبح عررررررررررررررررق
سبحان الله تنزل كمية عرق
لكن الحمدالله ماتطلع ريحتي اذا حطيت بودره اومزيل
الافضل مزيل عرق عشان اذا نزل العرق تطلع معاه ريحة المزيل او البودره
مادري شو راي البنات
بس هذا رايي
ومشكوره يزاج الله خير
بس اتوقع انتي من النوع اللي مايعرق واايد>> يحظج
لاني انا طبيعة جسمي ماتمشي معاه هالسوالف لازم مزيل عرق او شبه
بس جسمي حساس اذا تميت افرك فيه هالكثر
بيتأثر
بجربها على هالمنطقه وان شاء الله احصل نتيجه حلوه