عيدكم مبارك مقدما يابنات وانشالله يعود علينا رمضان كل عام بالصحه والعافيه واللمه الحلوه
شو تتريون عيديتي اللي بعطيكم اياها ؟؟؟؟
مابوزع عليكم بيزات …بعطيكم ماسك استخدموه من اليوم
ماسك بسيط وسهل ومتوفره مكوناته في كل بيت يساعد على ارواء البشره ويخليها حلوه ونديه ويساعد في تفتيحها اذا داومتي عليه كل يوم …قلت تفتيحها ماقلت تبييضها
بكتب لكم اياه بطريقتين عشان كل البنات يستفيدون منه
الطريقه الأولى للبشره الدهنيه
ملعقه صغيره طحينه
ملعقه كبيره عسل
ملعقه صغيره عصير ليمون فريش
تخلط المكونات عدل وتتركها دقيقتين تتجانس ويا بعض وعقب تدهن بها الوجه والرقبه
(لاحظو الطحينه أقل من العسل لان البشره الدهنيه مب محتاجه زيوت زياده واللا هالشي بيسبب لها حبوب وبثور والعسل يساعد البشره الدهنيه على التخلص من البثور واثارها)
الطريقه الثانيه للبشره العاديه والجافه والمختلطه
ملعقه كبيره طحينه
ملعقه صغيره عسل
2/1 ملعقه ماء ورد
تخلط المكونات ونفس الشي نتركها دقيقتين وعقب ندهن بها الوجه والرقبه
(لاحظو كمية الطحينه أكثر من العسل لان البشره تحتاج للترطيب بالزيوت من وقت لأخر)
أتمنى الماسك يعجبكم وتجربونه ليلتين ورا بعض قبل العيد ولاتنسون التقشيرمهم جدا لتوحيد لون البشره
ومبارك عليج العيد مقدما
ميس جوكوليت تسلمين حبوبه ع العيديه والماسكات
ومبارك عليج العيد مقدم . .
انا احط العسل ع ويهي من فتره لفتره كماسك .. النتايج رووعه .. وبجربه هالمره ويا الطحينه والليمون
ومباركن عييييييييييدج مقدمااُ وعساج من العايدين والسالمين ^^
يزااااااااج الله الف الف خير عالخلطه
امممم اقصد العيديه ^^
وكل عاااااام وانتي بصحه وسلامه يارب
^^