صبحكم الله بالخير جميعاً
عزيزااتي يمكن الي يعرف مريم الشحي ويتاابع مواضيعها بيعرف اني ولله الحمد والمنه بفضل من الله اتخرجت من جريب ^^
وطلعت برااااءة الذمة الاسبوع الي طااف عيوم الخميس مادري الاربعا مش ذااكره
المهم سرت بوظبي يوم الاحد عسب كان عندي مقابلة ,,وانا ادري اني مقبوولة من قبل ما ادش بس….ما اتوقعت بيتم القبوول ابهالسرعه
الحمدلله رب العالمين على كل حال
بس 
ما حسبت حسااااب أبد اني بوقف تجااارتي من عقب 8سنوات عسبت الوظيفة
ادري واايدات الي عدنا تاجرات وموظفااات بس
انا تجاارتي اهنا فراس الخيمة
وللأسف انا امخبريني قبل مااقدم المقاابلة اني لازم اسوي اكس على راااك لأن عندهم اكتفاااء
فهم خيرووني بين الشارجة وام قيوين ..وانا اخترت الشااارجة عساس عدنا بيت هناااك وبيكون وااايد جريب من دوامي وها معناااته اني مابروح وبرد كل يوم
بس اذا داومت فأم قيوين معناته بروح وبرد وبتعب من الدرب
البااارحة يلست افكر واااااايد بهالموضوع
قلت هي من الصووبين مب راكبة معااي
يعني لو بفضى حق تجااارتي معناته بس فالويكند
وحتى لو كنت فأم قيوين ترااني برد تعباااانة من الدواام وما بفضى لهالشي
بمعنى ثااااني ما بيأثر علي بعد الامارة ولا قربها
وايد اظااايقت عكثر ما كنت مستاااانسة اني اتخرجت وخلاص بتوظف الاسبوع الياي
خواتي الراااتب ثابت سواء كنت فبوظبي ولا الشارجة او دبي لأن الراتب اتحاادي
ولو سكنت فبوظبي ترى بيكون نفس سكني فالشااارجة وما بشووف اهلي غير فالويكند
وقتلكم فأم قيوين ماحب ارووح وارد وادق خطوووط معنه عندي اهل هناااك
بس انا كل هذا مب هامني
تجارتي غامضتني خصوصاً اني تعبااانة عليها الفترة الأخيرة وااايد
وكنت امحطية فباالي وااايد اشياا اسويها من عقب تخرجي و سويت جزء منها وكنت امفكرة انزلهم على فترااات كنووع من التشوويق للزبوونات
بس الوظيفة احسها بتحرمني لذة هالاحساااس
ياسه اعد الايااااام وخوووفي ينقضي هالاسبوووع بسرعه
مابا افكر ابهالشي موووول مووول مووول موووول
بس غصباً عني
احب أيلس عالمنتدى واقرا المواضيع واتشرى من البنات وغيره
بتقولون اكيد بيكون عندج نت وبتجابلين تجااارتج اهنااااك بقوولكم صح
بس اهلي شالين ايدهم من موضوع التجااارة وامي ماحب ادووخها فسالفة المندوبين والطلبات واللويه
قلبي امعورني وااااااااااااااااااااااااااااااااااايد
الله يعلم بالحاااال بس
اتمنالج التوفيق و الف مبروك …
الله يعينج اختي
والله حسيت فيج…. اصلا التجارة لها طعم خااااااص لانج انتي اخترتيها عكس الشغل …استخيري وتوكلي على الله
الله يوفقج يالغلا ومبروووك على الشغل الجديد
ان شاء الله او ما تستقرين في الوظيفة ارجعي كملي تجارتج
الغالية انا بعد من راك الحبيبة
لكن بعدني تاجرة و حاليا موقفة تجارتي لعدة أسباب شخصية
ولكن من جهة ثانية أنا اداوم كل يوم والله الحمد مرتاحة في دوامي
لكن دوامي في دبي وكل يوم أسيـر و أي الحمدلله =)
أختي ربي يوفقـج وييسر أمورج ان شالله