السلام عليكم ورحمة الله وبركاته
شحالكم خواتيه عساكم طيبين ان شاء الله
حبيت اتساعدون بارقام ممكيجات يوصلن البيت عنديه عرس جريب
واللي متعوده اتمكيج عندها مشغوله في هذا اليوم للاسف 
فالوسمحتوا
اللي اتعرف وحده وضامنه مكياجها او عندها صور الها ياريت اطرشهن صوبيه
والسموحه
جربي فاطمة المرزوقي وانا منزله لها صور في موضوع خاص لها…
.. بس نصيحه سوي برووفا قبل ما تعتمدين على الماكيرة ثره اهمـ شي المكياج في العروس..
والله يهنيج في حياتج …
مرحبا الغالية
أنا أعرف وحدة من بوظبي تي عندج في البيت
مكياجهااا وايد حلوه أسمها سامية وعندها وحدة اتسوي
تسريحات للشعر ..
ماشاء الله البنات ما قصرن…والممكيجات المواطنات ما عليهن كلام….
جربي أمل المزروعي..
جربي أمل المزروعي..
تسلمون خواتيه .. ماعليكم امر ممكن ارقامهم .. والسموحه
اتمنى البنات يساعدونج
عندج وحدة إسمها فاطمة و إيمي وريحانه هذيلا كلهم يسوون شعر وايد حلو …………..بالنسبة حق الميكب فها يعتمد عليج إذا ميكب لبناني عندج مادونا و ندى و نسرين وهذيلا كلهم يوون البيت أما بالنسبة للميكب الهندي أو المب لبناني عندج ريحانه و عاشة البحرينية و سامية وفاطمة المرزوقي و كل هالأسامي يوون البيت ………………………….وإذا تبين رقم أي وحده فيهم أنا حاضرة