بنت الهندية!! 2 2024.

مشكورات خواتي على نصايحكم
هذا موضوعي الأول
https://forum.uaewomen.net/showthread.php?t=1116902&
اتذكرت يدتي الله يرحمها فاتصلت بعموه أخت أبوي خبرتها بالسالفة وعصبت علي ليش ساكته طول هذي الفترة قالتلي بتكلم أبوي عن ريلي وبيتفاهم وياه وطمنتني انه أبوي الحمد الله ريال متفهم وأما سالفة أهل ريلي هي بتيي وياي و بتكلمهم و بتوقف كل حد وبتعلمني كيف أخذ حقي بطيب الله يخليها وإذا سالفة الزيارات هي بتاخذني وياها قبل لا تسكر قعدت تبكي وبكتني معاها تقولي كان ودي واحد من عيالي ياخذج بس ولا واحد منهم يستاهلج كنتم نعم الخوات تنحطون عالجرح

ليش الهندية مب إنسانه أمي هنديه عادي كوووووووووووووووووووووووووووول

امج هندية ولا غيرة
المهم تكونين سعيده بحياتج
والحمد لله لاقيتي حل لمشكلتج

الله يسهل امورج الانسان باخلاقه

الحمدلله ،، زين سويتي اتصرفتي

والله لو أمي هندية ويسمعوني فيها لأقولهم الهنديه هذه ماتسون أثر ريلها
شو يعني هندي؟؟؟
لا فرق بين عربي وأعجمي إلا بالتقوى
ولا في جنه حقهم وجنه حق الهنود؟؟؟
وإذا هم مايشلونج معاهم عن الفشيله عزي نفسج عنهم ..ولا تبينين أنج مكسوره ومهزومه .. وبعدين كيف تسكتين لما يقولون لج بنت الهندية ؟؟
سمحيلي أختي أنتي خليتيهم يتمادون
تنرفزت الصراحه ماعرف شو أكتب

االهنديه الي مب عايبتنهم ربت بنتها احسن تربيه
جان قلتي هالكلام
الهنديه الي مب عايبتنكم يابت لها بنت خلتكم تتشرفون انكم تخطبوني ولكم الشرف اني وافقت

حسبي الله ونعم الوكيل فيهم

انا انقهرت وفار دمي
لاتسكتين ع هالكلام وامسكي ريلج وقوليله اذا اهلك بتمصخرون و بيقولون لي بنت الهنديه ترا انا ماتنزل اتكلم عن الاصل والفصل لانك ادرى بعمرك

ياختي انقهرت اسفه ماعرف شقولج