السلام عليكم و رحمة الله و بركاته
:
شحالكن خواتي ؟
ان شاء الله بخير و عافية ^_^ ..
:
يتني هالفكرة .. من كثر ماشوف الهموم والمشاكل و النفسيات المتحطمة في هالـقسم ..
في هالموضوع بسسسس نبا قصصص من واقع حياتج . انتتي مب غيرج
مب ربيعتج مب اختج .. لا بسسس انتي
ما تتخيلون شقى يوم كل وحدة بتذكر تجربتها و عضوة ثانيه بتقرا بترتفع معنوياتها و بتحسن ظنها بالله .. و بيزيد يقينها
طبعا و النعم بالله اولا و اخيرا ..
الموضوع بس نبا فيه تجارب و قصص و أحلام و أماني اتحققت
ابفضل الله و زيادتج في : الدعاء في جوف الليل
الإستغفار ، و الصدقة
:
شو رايكن أبدا أنــا ..
بسسسس قووووووولن ما شاء الله
مرت عليّة فترة .. كنت أتمنى فيها شيء ..
ما تتخيلون في كل سجوود ادددددددددعي من خااطري
أبااااااااااا هالشيء .. و محد يقدر يعطيني اياه غييير الله ..
و كنت ادعي .. و أدعي ..
بسس بعد هالفترة .، نسيت الموضوع نسيييييييته و جني عفته ..
و استوى عكس ما كنت اأبا ..
اتذكرت يوم كنت ادعي .. كنت ابا .. بس احين احس عادي .
بس حز في خاطري ان الله ما استجاب دعائي ..
و انتهى الموضوع ..
لين فتره قريبة
و الله ان شعر ينبي وقف يوم سمعت ان الشيء الي كنت ابااه و متخبلة عليه
اختتتتتتتتتتتتتتتتتتتتتتتتتتتتتتتتتتترب !!.. يعني لو كنت ملكته ..
أعرف عمري .. ما بتحمل أكون في هالموقف .. و أكتشفت واايد أمور أبدا ما حبيتها
و ما اتناسبني كشخصية ..
سبحان الله على طووووووووووول أتذكرت يوم كنت أدعي .. شقى الله كريم ..
يعرف إن الشيء ما يناسبني .. نسّاني اياه .. و عطاه حد ثاني
قادر على إنه يتكيف مع وضعه .. و يقدر يواجهة المشكلة الي استوت .. أنا ما كنت بتحمل
في ارمضان كنت أدعي و أشكر الله .. و أحمده ..
ما أستبعد لو إن الله عطاني اني بكون متحطمة و كارهة الدنيا
و يمكن حتى اعصي ربي .. عشان اتكيف مع الوضع .. الحمدلله الحمدلله الحمدلله الله حفظني
عشان جي استوا عندي يقيين .. ان دعيت و استوا العكـس
اتأكد ان الله يبالي الي أحسن منّه ..
:
عندي تجارب ثانيه مع حبيبي ربّي .. و خاصة في قيام الليل ..
بس أبا أسمع منكن ..
اتمنى يعيبكن الموضوع
و ان تجربتي اتبين لكن رحمة رب العالمين
و صدقووني خواتي ..
مهما طلبتي من الله .. الله كريم و بيعطييج
الله يستحي يرد عبده لو رفع إيييده .. اتخلين ؟؟!!
يعني منو اناا عشان الله يستحي إنه يرد دعاائي!!!
ألح و ألح عليه في قيام الليل .. آآخر الليل .. بعد الساعة 3 ..
صييحي و قولي ياارب مالي حد غيرك ..
إنت الوحيد الي تقدر . استغفريه و أثني عليه .. و أطلبي بصدق
و يقييييييييييييييييييييييييييييييين و لا تضنين ولو 0000000000000000000.1%
ان ممكن ما يتحقق..
و شوفي الراحة العجيييبة الي بتحصلينهـا في نفس الوقت ..
و تحقيق الإمنيات الي تبينها ..
ترا الله كريييييييييييييييييييييييييييييييييييييييييييييييي ييييييييييييييييييم
نحن نعصيه كل يوووم .. نغتاب . نجذب . انقصر في صلاتنا . ننسى القرآن . ما نحافظ ع الإذكار . همنا السوق .. مع ذلك حفظ لنا أحبابنا .. و عطانا الصحة و عطانا الماي النظيف
و الفراش الدافي . و الأكل و التعليم و كل شيء
منقووووووول..
إدعوولي بأن الله يعجل إلي في بالي و إييسر لي اموري
استغفر الله العظيم الذي لا اله الا هو
انا راح اتكلم عن نفسي
وعن تجربة بأشياء وااايدة سبحان الله صارت لي
طبعا ولله الحمدلله قد ماقدر احاول استغفر واسبح والاذكار بعد كل صلاة
والصيام والصدقة النية والعمل الصالح قد ما اقدر احاول اني ما اقطعهم
حتى لو يتني فتره قطعت ارد اقوي نفسي مرة ثانية
من المواقف اللي استوت لي ان اكثر من مرة ربي حماني وسلمني من حادث على خط السريع وانا رادة من دوامي
وغير هذا من فضل ربي كانت تمر علي ايام اكون في ضائقة مادية وماحب اطلب من اهلي كوني موظفة لكن سبحانك يارب ترزق من تشاء بغير حساب يتني فلوس من غير ما اطلبها ويت بصورة هدية من ناس بمناسبة خاصة لي ما كنت متوقعه ان هالناس بيهدوني فلوس توقعت هدايا مثل عطور او اكسسوريز يعني سوالف البنات
اما اهم شي واصعب شي مر علي بحياتي يوم مرت علي مشكلة تمنيت وقتها الموت قلت خلاص ان هالمشكلة ماراح تنحل
وتعبت ونفسيتي تدمرت وتفكير ذبحني
لكن توجهت لربي خصوصا بذيك الفترة كثفت الدعاء والاستغفار وقيام الليل وبكل حزة كنت ادعي ومن اسمع صوت الاذان ادعي والاقامة ادعي ووقت نزول المطر ادعي وبسجودي وانا راقدة مع ان وقتها انحرمت حتى من النوم بس اكون مغمضة عيوني وسبحتي بايدي واسبح واستغفر وادعي مر علي اسبوع كانه سنه بس سبحان الله من فضل ونعمه علي وصلني خبر ان المشكلة انحلت
والله والله يا خواتي ان من سمعت الخبر من فرحتي صحيت من مرضي ولا كاني كنت مريضة فزيت من مكاني وتوضيت وصليت لي ركعتين شكر وحمدت ربي
ووايد مواقف مرت علي بحياتي سواء دراسة او دوام او بين الاهل او موضوع زواج او مشكلة لو بتكلم من هني لباجر ما بنخلص
بس حبيت اعطيكم نبذه
نصيحة لكم خواتي وعن تجربة كل ما تقربنا من رب العالمين بصلاتنا وعبادتنا وقيامنا وصيامنا واعمالنا والصدقة والدعاء والاستغفار والتسبيح كل ما حصلنا اللي نبيه
واذا ما صار عرفوا ان لسبب وان رب العالمين منع عنج هالشي لسبب ولخيرة ما محد يعرفها غيره سبحانه
واحلى واحلى يوم يدعي لج حد بظهر الغيب او تساعدين حد او تنصحين وتهدين حد ويدعي لج
يالله شكثر الاحساس يكون حلو
السموحة على الاطالة 