اشحالكم يا طالباتي ؟؟؟؟؟؟؟ خخخخخخ اوني عاد مدرسه لوووووووووول
اولا حبيت اقول لكل وحده دخلت موضوعي انه الدوره للمبتدءات في المكياج فما اباه اي حد يقول هالشي كل حد يعرف يحط وسهل وما يباله دوره
وثانيا الي دخلت موضوعي واستفادت منه ياليت تدعي الله يغفر لابوي ويحفظ امي ويحقق الي في بالي 
مكياج بسيط وهادي هو في الطبيعه احلى واللمعه مب واضحه بس لانه التصوير بفلاش فطالع باللمعه
ويالله نبدأ اول شي الادوارت
بعرض لكم الصور بس نسيت اصور كريم المرطب
1- تحطين كريم مرطب ع كامل الويهه والرقبه
2- توزعين الكونسيلير ع كامل الويهه وكثري منه منطقة العين
3- حطي سوبرا كلور بالاسفنجه بالطبطبه لا تسحبين الاسفنجه من فوق لتحت او من يسار ليمين حاولي توزعينه بالطبطبه
4- خذي فرشاه ووزعي بودره ع كامل الويهه انا استخدم فرشاة فاوندسشن من بودي شوب احبه وايد
اخترت لونين تقريبا نفس شي لانه درس الياي ان شاءالله راح نتعلم توزيع شدو لونين
الاول من كلاسيك عليه لمعه خفيفه والاضاءه من ميك اب فور ايفير
نبدأ بالخطوات
شكل العين عقب ما حطيت الكونسيلير وسوبرا كلور والبودره
وعقب حطيت شدو من كلاسيك ع كامل العين وشوي مررته تحت العين بخط رفيع وع عظمة الي تحت الحاجب حطيت اضاءه من ميك اب فور ايفير بلون شوي افتح عن الايشدو ع الجفن المتحرك
عقب اجحلت من داخل العين وشوي مشيت الجحال ع طرف الرموش الي فوق وحطيت الماسكارا الي فيها طرفين الابيض والاسود للكثافه
و ارسمي الحواجب بقلم بني غامج وعقب حطي بلاشر لون بني فاتح ياي ع البرونز
وقلوس بني فاتح او حتى وردي فاتح يطلع حلو وهادي وايد
وبس ها شو رايكم بدرس اليوم ؟؟؟؟؟؟؟
سهل صح ويالله اباه اشوف ابداعاتكم
والسموحه
تسلمين ع الطرح ^^
الله يرحم الوالد ويدخله فسيح جناته وربي يحفظ لج الوالده ويحقق كل امنياتج