New Collection من بودي شوب كريمات وزيت المساج بنكهة الجوري !! 2024.

ها نحن عدنا اليكم من جديد و بموضوع يديد .. وبطله يديده قبل كل شي باركولي على نكي اليديد..
حبيت انه يكون لي اسم شهرة في منتدانا الغالي..عسب البنات لما يسون سيرج لمواضيعي مايضيعون..
و أستقر عليه ^_^!!

و الحين خلونا نرجع لموضوعنا الرئيسي,,

رحت Body Shop و لفت نظري الكولكشن اليديد اللي منزلينه..
بصراحة شو أقولكم عنه.. ريحته قمممممه في الخبااال..عاد أنا من عشاق الورد الجوري..
منو منكم مايحب ريحته..منزلين هالكولكشن خاص بريحة الجوري..عاد أنا ماصدقت و رحت شريته..
بغيت آخذ المجموعة كلها بس لأني من فترة منت ماخذه مجموعه بس مامداني أقضي عليها..
قلت خل اختصر و اكتفي بجم شي أساسي..

و صورته لكم عسب اتشوفون شكله..

طبعا راح أشرح لكم كل واحد ووظيفته..

(1)

زبدة الجسم ،، عبارة عن خلاصه من الورد المغربي .. بس انا بقول خلاصه من الورد الجوري و هو مرطب للجسم يناسب البشرة العادية و الجافه..و أنا افضل استخدمة في الفترة الصباحية..^_^..

(2)

حليب للجسم يستخدم مثل الرش..مكون من خلاصة الورد الجوري و يحتوي على زيوت الورد و زبدة شيا و زيوت أخرى و السمسم و زيت الزيتون ,, و ممكن تستخدمينه في الصبح و المسا,,
ريحته أقوى شوي عن الزبدة و يناسب جميع البشرات..

(3)

وصلنا حق الأشيا الفنتكيــة ^_^ ،، هذا الله يسلمكم زيت ممكن تستخدمينه في البانيو عسب لما تطلعين يلصق بجسمج و اتم ريحته عالقه.. و ممكن يستخدم كحركات لبو الشباب ^_^ ، لأن هالزيت أصلا يستخدم للمساج في الاوقات الرومانسية بينج و بين زوجج،،بس صج دلع و ماتتذمرين من استخدامه حتى لو علق بإيدج لأنه شرات الـ BaBy Oil بس بريحة الجوري ^_^!!

طبعا يا بنات هذي مجموعة صغيرة من الكولكشن و منتجاته أكثر عن جي ، حتى مسوين لج سله و فيها المجموعة كلها مغلفه بشكل حلو تقريبا بـ 800 و شي ينفع هدية لإنسانه عزيزة عليج ، لأن صج خبااااااااااال و انا متأكده انها راح تشكرج وايد عليه ^_^..

ممممممممم في شي حبيت أضيفه للسته ،، يمكن يفيد البنات اللي ماعندهم خلفيه عن هالشي..
أنــا استخدمة من زمان بس حبيت أفيدكن بتجربتي..

هالمنتج عبارة عن سائل الفقاعات..
يعني لما تملين البانيو و انتي تملينه اتحطين كميه من هالسائل و يكون لج فقاعات حق اللحظات الرومانسية و الاسترخاء في الحمام عزكم الله..

و هذي صورته ^_^..

(4)

و هذا اسمه من جريب ..

و عقب ماتملين البانيو لاتنسين اضيفين الشموع و الاضاءة الرومانسة..
و عيشي الجو سواء بروحج أو لج مع بو الشباب ^_^..

اتمنى الموضوع يعيبكم..