شخباركن ويا العطور …..
بخبركن انا من النوع الي ماحب اركز على نوع واحد من العطور و لا محل واحد ، كل ماحصل محل اطب فيه … المهم باختصار عشان افكن من الحشرتي ,, ان ملاحظه ان اكثر المواضيع في القسم تتكلم عن المكياج و العطور ناسينها مع انها صديقتنا اليوميه صح ولا انا غلطانه …..
المهم انا احب عطور سيد جنيد و الشايع و بحطلكن تجاربي
عاد ماوصيكن ابغي تجاربكم عشان نستفيد كلنا ،، او على الاقل رفعو موضوعي و كملي خيرج بدعوه حلوه ……
نبدى بالجد اول بمحل الشايع الي جربته من عندهم
عطر اسمه براري حلوه و هاديه
و اصايل هذا العطر كشخه
حروف ماشريته بس هذه الايام ناويه عليه بس كلمه روعه شويه عليه
معين وايد حلو
مخلط نسمه وايد وايد حلو
معطر فراش سكون و رشا دايم اشتريهم باستمرار
معقم لليد لازم في الشنطه
هذا كل شي بنسبه لشايع
نيي لسيد جنيد عاد هذا المحل ماصبر عنه لو انه عطوره قويه وايد و صدع براس بس عنده اشياء حلوه
اول شي مخلط سرور هذا حده روعه روعه وانصح كل وحده اجربه
مخلط سهيه ريحته على تفاح بعد ماتسبحين تحطين منه تحسين نفسج فرشششششش
في دهن اسمه نواعم اسم على مسمى حده ناعم ريحته فل بس روعه و ثابته
عطر فنن وايد حلو ريحته ثابته ((( هيه نسيت اخبركن انه ريحته نفس elle بشكل كبير ))) وفيه لمعه انا متخبله عليه
و عطر بنفسج وايد حلو
وعطر تنايف بصراحه في المحل عيبني بس في البيت ماعرف احسه نفس ريحته ادول مال الصغاريه
و دهن للجسم اسمه عيون وايد حلو ..
هذا الي متذكرتنه للحين
بس بنات حبيت اقولكن من خبرتي في عطر سيد جنيد لا تحكمين على عطورهم وانتي في المحل لانه عطورهم بحرينيه و قويه فانتي حطي في كلنكس بعدين شمي الرحه بعد ماتبرد جد ريحه حلوه
يلا حبوبات خبراتكن …… اعرف صدعتكن بس شو اسوي فديتني اخبركن ….
رفعولي موضوعي ……
دمتم بود
مشكوورة الغالية عالموضوع
ابا أعرف وين محل الشايع في بوظبي 
شوفي غاليتي بالنسبة للشايع ما كد جربت شي من عندهم.. اما جنيد خذت لربيعتي يوم عرسها.. مجموعة متنوعة وراقية حتى صناديقهم حلوة ..المهم جربت تنايف فيه لمعة حسيته عادي اما تنايف اللي هوللجسم فظيييييييييييييييييييييييييع روعة وفيه لمعة.. وبعد خذت عندهم دهن العود محطوط بطريقة روعة خذت شكلين تمسحين منه بايدج .. وخذت حروف والباقي ما اذكره..
وطبعا عطور باريس غاليري وكاريزما..
عطر فنن وايد حلو ريحته ثابته ((( هيه نسيت اخبركن انه ريحته نفس elle بشكل كبير ))) وفيه لمعه انا متخبله عليه
ونـــــــــــا وياج فهالكلام…خاصـــة فنن روعــــة,, ونواعم وبدر,,ونا امجربة من عندهم كذا عطر ومخلطات,,وبعد خذت من عندهم كريم للجســــــم,,رووووعة معطر من غير فيه لمعة رهيييبة,,
بس ماجد جربت الشايــع,,,لكن الغاليـــــــة جربي أجمل بعد عندهم عطورات غاوية,,
انا استخدم وصايف ودهن العود شمس,,,رووووعة الصراحة,,
مشكوره فديتج على الرد
مشكوورة الغالية عالموضوع
ابا أعرف وين محل الشايع في بوظبي
مشكوره فديتج ….. ياليت لو اعرف وين محل الشايع في ابوظبي لاني مب منها انشاء الله البنات مابيقصرون و بيقولولج