أسنان أختي العروس >< 2024.

السلام عليكم ^^
شحآلكم / شخبآركم ,,

عندي هاي المشكلة بس يمكن انتو تشوفونهآ عآدي
بس هيه مشكل اختي العروس ..

أختي إن شاء الله عرسهآ بعد آلعيد و كأنت مركبة تقويم و بطلته قبل شهر
و حطت التقويم المؤقت و تلبسه يوميا بس مرة و وحده عندهآ فرآغ كبير بين سنين
مما مسبب لهآ مشكلة و خآصة انه العرس جريب و رحنا عند الدكتور و قآل انا بس متخصص
فـ آلتقويم روحي عند دكتورة تشوف أسنآنج و هو هندي هذآ بعد مآ دفعنآ آلفلوس كلهم

-آللحين شو آلحل ماشي وقت تركب تقويم
-و ما تبا تركب تقويم و هيه فآلعرس تقول شكلهآ مب حلو عروس عىلكوشه و تقويم

شو اقترآحآتكم !! هل تنفع التلبيسة ؟ أو في شي ثاني يغطي عـ هآلفرآغ ؟
و كم تقريباً سعر التلبيسة

و بعد هآلسؤال دوم يرآودني اللحين معقولة هآلممثلات و الإعلاميات و ألمذيعآت أسنآنهم طبيعية ؟
ولا مسوين فيهم شي لآنه ما شاء الله حلوات و مرتبات و حتى ظحكتهم حلوه ههههه

ويتنق عطوني حل بلييز ^^

الفراغ حك سن واحد او اكثر اذا اكثر من سن في شي اسمه جسر ايركبونه من سن لسن ويسكرون الفراغ

تقدر تركب فينير وتسد الفراغ، والتركيب ما يأخذ الا دقايق.

أنا ماعندي خبرة. بس الحين ماشاء الله الطب تطور اكيد الدكاتره عندهم حل

نفس ما قالت الأخت ،، تقدر تركب العدسات اللاصقة ( اللومينير ) روعة وبيرفكت ,,,
وترى الفنانات كلهم يسوونها عشان جي تشوفين أسنانهم بيضا وصفة وحدة ,,
على فكرة التركيب ما ياخذ وقت ،، ساعة ونص وكل شي يطلع واو ..

لو حجم الفراغ صغير …
خلها تركب حشوة بيضا

لو حجم الفراغ كبير
خلها تسوي نفس الحل (حشوة بيضا) لكن كّحّل مؤقت لي بعد العرس (مب حشوة مؤقته)
وبعد العرس اتراجع د. مختص بالحالات التجميليه

والله يكتب لها التوفيق
ويتمم لها على خير ويسعدها

mayat : تسلمين حبيبتي مآ قصرتي ^^
حبه مبتليني : توني بس أعرف عنه إن شاء الله بقولهآ ..
الطرفالذبوحي : تسلمين آلغلا ـ:
ام حميد وسيف : مشكورة فديتج هههههه و أنآ اقول شو سآلفة أسنان الفنانات خخخخ
أنزين مآ خبرتيني كم سعره تقريبا !! و هل له أثار سلبية + هل يسبب روائح و وين أحسن مكآن فـ دبي !!
Mall.08 : أنا بخبرهآ عن فكرة آلحشو و بشوف رايهآ بس تعرفين تقول ابآ ظحكتي مثل ممثلات هوليود خخ

*فديتكم مآقصرتو بس مآ خبرتوني أسعآر آلفينير تقريبا ؟
*هل يحتآج تشل اللثة إذآ سوت الفينير ؟
*و شو أثاره السلبية ؟

يبت هآلصورة أوضح لكم مكآن الفراغ فيهآ
بس الفرآغ اللي فآلصورة صغير و أختي شوي أكبر يعني يوم تبتسم أو تظحك
شكلهآ يكون غلط تقريبا الفرآغ جي قياسه (ــــ)

نفس آلمكآن آلمحدد و آلمشكلة من آلجهتين اليمين و اليسآر ..
بس آللي فآليمين أكبر عن اللي فـ اليسار ..

و هيه بغيت أسآلكم عندهآ حذآل الضرس المحدد اللي فآلصورة مب سيدة
يعني جي ساير الصوب الثاني كيف يتعدل !!
في حد عدل ظرسه خلاه سيده خخ ؟