إبر لنمو الشعر ومنع التساقط – حد سامع عنه؟؟؟!!!!! 2024.

انا الصراحه رحت ابارحه عند دكتوره عشان شعري وايد خفيف
نصحتني استخدم الRogaine اكيد كلكم تعرفونه….
بس في شي غريب قالتلي اسويه بعد عندها الي هو ابر فيتامين حق الشعر

الصراحه انا اترددت فالبدايه بعدين قلت بجرب….هي عباره عن ابر فيها فيتامين ويحقنونهن في فروة الراس واتكررين هالعمليه عندهم كل بعد 3 اسابيع

بس بغيت اعرف حد سامع او مستخدم هالإبر وشو فايدتهن وهل لهن اي مضاعفات او مضرات

اتمنا انكم اتفيدوني

وشكرا"

ااختي انا اعرف وحده استخدمتها وااايد استفادت كان شعره يتساقط وكان فيها شبه صلع اتحسن شعرها وايد الابر تمنع التساقط وتقوي الشعر يعني ينفع حق اللي يتساقط شعرها وهو مب وايد يطول الشعر تقريبا سوت 6 جلسات الوحده ب300 وانا اريد اسويها الحين لاكن ماحصلت الا مركز واحد يسويها فالعين موعدي الاسبوع الياي الكشف ب250 والجلسه 500 فاتمنا من الخوات اللي فالعين اذا يعرفون حد يسويها بسعر ارخص يفيدونا000

في ابر فيتامينات لفروة الشعر
ومادام فيتامينات فأكيد تقلل التساقط وتغذي الفروة

انا نفس مشكلتج

شعري وايد خفيف

وهالبخاخ مافادني

بس مادري اذا هالابر تفيد والا لا ؟

شوفي حبيبتي انتي اسالي واستخيري اذا كان خير لج الله بيسرلج

أختي أنا بكون صريحه وياح بامانه أنا أستخدمتها بس ما طولت شعري ولا كثفته يعني صدق تعور أنا كنت آخذ الإبر كل أسبوعين مره كل جلسه أدفع 350 درهم عليها ما حسيت إلا شعري استوى خشن أنا هاي تجربتي إذا تبين جربي إن شاء الله تفيد وياج يمكن فروتج بتتقبله أحسن لأن فروه عن فروه تختلف

بنات وييييييييييينكم اللي جربت الابر لا تبخل علينا
(خصوصا بنات العين)