الصراحة انا وايد اخاف على شعري نفس الاخت اللي سوت الكيراتين اللي كتبت تجربتها
وشعري كان ناعم ناعم حرير وفجأة ماعرف ليش صار كيرلي بس حلو الكيرلي مش أجعد
وبس افكر احط هاي لايت حتى لو خصل خفيفة ينفش وينشف بطريقة فضيعة يعني لما اغسله ما اقدر اترك شعري مفتوح لازم الف شعري بالفوطة او الم شعري او انشفه بسرعة بالسشوار
علشان مايصير كشه
والصراحة مااحب التمليس لان اول شي معروف عن التمليس ان يهري ويخرب الشعر ويحرقه والدليل ان لو شعرج مصبوغ وحطيتي تمليس شعرج كله بيتفتفت وبيحترق وصار هذا الشيء جدام عيني
وحبيت انبه البنات كلهم على معلومة عرفتها من بحثي على الانترنت وخبيرات الشعر ان الكيراتين لما تسوق في الدول العربية تسوق على إنه يملس الشعر ، لكن المعلومة هذه غلط والناس خذت فكرة ان الكيراتين نفس التمليس والواحده منا تروح تسوي الكيراتين وشعرها خشن او وايد اجعد وبعدين ما يصير سيده او ستريت نقعد نسبسب على الصالون وعلى اللي سوت لنا الكيراتين ونقول حرامية ووو وقصت علينا …… تدرون ليش مايصير املس لأن الكيراتين عبارة عن علاج ومغذي للشعر وليس تمليس ، صحيح ان الشعر يصير حلو ولمعة وطري بس مش املس
المهم
سويت من سنه في صالون في ابوظبي كيراتين اول مانزل في السوق وقالوا الشعر بيصير سيده وووو والله سويت لا صار سيده ولا شيء بس لمعة وخلاص
وبعدين قريت عن تجربة الاخت اللي سوت كيراتين ، ودروت على احسن نوع ودورت ودورت إكتشفت إن احسن نوع البرازيلي الاصلي اسمه جلوبال بالشوكولا ، قلت بسوي وبتوكل على الله وسويته من اسبوعين
وقالت لي اللي تسوي هذا الكيراتين جديد اهم شي إنه خالي من مادة الفورماليدين اللي هى المادة المسرطنة وراتني الغرشة ، اهم شي ، والمادة هذه يستخدمونها اصلا في تحنيط الاموات
سويت الكيراتين: الريحة حلوة تحسين جوز الهند على شوكولا .. ريحة حلوة فتأكدت ان هذا غير واحسن
وا خذت ساعتين بالضبط + نص ساعة غسيل شعر قبل الشغل.. ودفعت بس 1500
وقالت لي 5 ايام لا تغسلين شعرج
وشكلي صار نفس الفلبينيات حتى خواتي وريلي كانوا يضحكون على شكلي
ولازم لازم تستعملين الشامبو مالهم مع البلسم لان فيه مادة الكيراتين لأن الشامبو العادي لو استعملتيه بيخلي الكيراتين يروح من الشعر ولا كأنج شويتي شي
ولما غسلت شعري.. شيء فضيع فضيع ، ليش؟؟؟؟
اول شي انا غرتي وشعري من فوق وورا كيرلي وناشف ناشف وايد مستحيل ينترك بدون سشوار يصير شكلي نفس الخروف / لكن بس غسلته والله العظيم والله العظيم والله العظيم غرتي من جدام سيده سيده وما يحتاج سشوار بس هوا السشوار الدافي علشان ما اخلي شعري مبلول يجنننن ومن وراء انا ما كنت اريده يصير سيده فغسلت شعري قبل ال 5 أيام عطاني صعجة خفيفة شي لا يذكر بس يجنننننن وايد حبيت شعري ومرتاحة وفرحانة
بس الله يجازيها خير اللي سوت لي ، قالت لي الشعر مابيصير حرير بس بيتحسن وبينعم لأن هذا الكيراتين الجديد يملس الشعر 80% لكن الكيراتين العادي اللي في السوق يملس بس 30%
وأنا عن تجربة كلامها كله طلع صح لان جربت ، وقالت لايقصون عليكم في الصالونات لو كان الشعر اجعد ويقولون لكم ان الكيراتين بينعمه بتكون جذابة لأن الكيراتين مغذي وتقدرين تسوينه مباشرة بعد الصبغة ، وحتى لو الشعر اجعد وحبيتي تسوين تمليس سوي مش مشكلة لكن بعد التمليس بكم يوم سوي كيراتين علشان الشعر ما يتعب من التمليس
وانا اايد كلام الاخت اللي سوت وشجعتني مثل ماقالت: مقتبس من كلامها : والله ما عمري حلمت ان شعري يصير بهالروعة
نعومة + لمعان + ريحة حلوة + بلا تموجات او تجاعيد (قصدي الكيرلي اختفى وشعري صار سايح شرات الفلبينيات لكنه مو مثل التمليييييييييييس ابد.. في فرق كبييييييييييييييييييير)
يعني لو شعرج فيه كيرلي خفيف بيصير حرير ، لكن لو وايد كيرلي او اجعد بيخفف من طعجته
بس انصح فيه وايد حلوووووووووووووووووووووووووووو
حتى الاعلان اللي حاطينه من ماركة جلوبال ما يقصون على الناس ولا ستخفون بعقولنا ليش؟؟ لأن الشعر اللي هم حاطينه مموج قبل وبعد الكيراتين صار حلو ناعم ، ولو كان واييييييييييييييييد كيرلي بيصير اخف طعجة
واهم شي في الكيراتين ان لما تريدين تسشورين شعرج تسشورينه في 5 دقايق مش نص ساعة
واريد اسمع ارائكم وشكرا
سامحوني على القصة الطويل هذه
انزين اي صالون سويتيه
وثاني شي وين هالصالون؟؟