انا عندي مشاكل في الشعر.. شعري يتساقط و خفيف و جاف وكل مره حد يقص عليه يقولي قصيه بيطول .. استخدمت وايد اشياء ..الحين شويه خف التساقط بس مشكلة الجفاف و مشكلة ثانية وايد ضايجة منها شعري ما يطول . 
امس سرت اشتريت وايد زيوت , ابى ابدى اهتم اكثر بس ما اعرف كيف بغيت البنات يفيدني الي يستخدمن زيت الناريل و زيت باراشوت .
ابى اسوي مثل جدول يومين في الأسبوع زيت الناريل و ابى ادخل يوم زيت براشوت ؟؟
ما اعرف فيدوني بنات وإذا في خلطة اقدر احطها ويا الزيت الناريل او الباراشوت
بتضحكون لو اقولكم شو الزيوت الي اشتريتها
زيت بو نخلة الي هوه زيت على اغر 555
زيت ناريل الجديم
زيت براشوت
زيت الخروع *
زيت الجرجير*
زيت اللوز*
* لانه هالثلاث زيوت قالولي اخلطهن ويا بعض مره في اسبوع وايد زين بمقدار ملعقة وحده من كل زيت..
ساعدوني بنات وإذا في شي غلط انا اسوي نبهوني او خلطة اقدر اسويها.
أدري اني صاااافه كل الزيوت بس الكل مدحلي اياهم .
أتريا ردودكم
up up up up up
ارجوكم
والخروع ممتاز مع النارييل عن تجربة
انا بخبرك تجربتي وان شاء الله تنفعك…
انا من حوالي سنه قصيت شعري وندمت واااااااااااايد..
ومن شهر تقريبا بديت استخدم حل ناريل ..cbcوبصراحه استفدت وايد وبعدني استخدمه وطول شعري صراحه …
بس استخدميه وقت النوم ولفي شعرك…والله يعينك ع ريحته
وطوولي شعـــــــري في فترة قصيرة ماشاء الله
بس مشكلته يزلغ الشعر وريحته فظيعة
زيت اللوز يربته مدة ونعملي شعري بس
زيت الخروع يربته بعد وشوي غلظ شعري
هاي تجربتي
بس عيبتني خلطتج =) (( ماشاء الله جمعتي بين كل شيء ))
طول + تنعيم
زيت الناريل cbc+زيت الخروع+ زيت الحيه
طووووول
وعن تجربه