السلام عليكم
خواتي انا عروس وعرسي بعد فتره بسيطه وابغي اسوي الكيراتيين وسرت صالون بيكنج وقتلها ابغي اسوي الكيراتيين قالتلي نصيحه لا تسويين الكيراتيين الكيراتيين مضر بالشعر ويتساقط الشعر بعد فتره ويطلع شعر ابيض من الكيراتيين وقالتلي انا عندي وايد في الاستور تبيين بسويلج بس انا الكاستمر الي عندي دايماً ما انصحهم بالكيراتيين وما حب اسويلهم قالتلي اذا تبيين جربي اليوكو الصيني وسبحان الوقت الي سرته كانو شي ثلاث بنات يسوون اليوكو وشعرهم صدق صدق كشششششششششششششه بس لو تشوفون كيف صار عقب اليوكو صدق حرير الصراحه انا ما اوثق بسرعه بالناس سرت سألت وحده منهم وقالتلي انا مجربتنه من سنه وردييت اسويه والصرااحه رووووووووووعه شعري ناعم وهيه صح قالتلي الكيراتيين بعد شهريين ولا ثلاث يرجع الشعر كيرلي لكن اليوكو تقريباً 6 شهور يتم الشعر سيدآ
وقالتلي اليوكو بالأعشآب الموهيييييييم ابغي اخذ تجاربكن الي جربته تنصحني فيه يعني اتوكل واسويه ولا .!!
بليييز بنات الي تعرف شي تخبرني لاني ابغي اسويه الاسبوع الياااااااااااااي
ويزاكم الله خير
أنا سرت عندهم وقالت لي مايسوون كيراتين بس يسوون يوكو
ولاتصدقينها الكيراتين مايطيح الشعر بالعكس يعالجه المهم يكون الكيراتين من نوع جيد لأنه أنواع وفي أنواع رخيصة تضر الشعر.. وبعد يعتمد منو يسويلج إياه يعني لاتسيرين أي صالون
لأن الشعر التعبان يكون فقد الكيراتين الطبيعي إلي فيه وهذا إي يسوونه في الصالونات يرجع له حيويته ونعومته
أما اليوكو فهو نوع من أنواع التمليس .. وهو إلي يطيح الشعر
لا تصدقينها أنا لما زرتهم حسيت إنهم مووول مب شي وفي الدعاية شي والواقع شي ثاني
كل شي عندهم غش
الكيراتين ما يخوز من الشعر بعد شهرين بس كل مايطول شعرج.. الشعر اليديد يكون مثل الأول فتسيرين تسوين الشعر اليديد بس.. مثل الصبغة
وأنا اتكلم عن خبرة..اتمنى تكونين استفدتي