اخباركم بنوتات وعلومكم…
المهم حبيت اسال شو احسن ادرس علمي والا ادبي لاني رايحه ثاني ثنوي..
انا في الحفظ مش وااايد اووكي,,
وفي المواد العلميه مخي يخترب من كثر المسائل …
فمااعرف شو ادرس بنات ساعدني الي في ثالث ثنوي او الي خلصت …
انا نسبتي 88 واريد اييب نسبه عاليه السنه اليايه…
فساعدوووني بلييييييييييييييييييز ومشكورات مقدما …
وانا اول وحده ارد عليج..
ونصيحه مني ادخلي ادبي..
انا نسبتي كانت 90 في اول ثانوي..
بس دخلت ادبي… لانه ثالث ثانوي البنات الي فعلمي كلهم يحولون ادبي…
والادبي واايد سهل والواحد ما يتعب وياه…
هذا نصيحتي اختي..
اختي اهو على حسب
والله بالنسبه لي انا توني متخرجه من الثنويه
×××
انا ابد اكره شي اسمه حفظ .. دخلت علمي
وايد كانت المواد مريحه بس بعد شي حفظ يعني الحفظ وراج وراج
بس على آخر سنه غيروا ابلوات العلمي ووااايد توهقت ونزل مستواي
×××
و ثاني علمي اصعب من ثاني ادبي
و في ثالث علمي اسهل من ثالث ادبي
المهم الامتحانات سم والله سم
×××
وانتي شوفي شو ميولج وين تبين تتخصصين
وصدقيني العلمي حلووووووو
بس لو اتركزين في الحصه واتكون علاقتج مع الابلوات تمام
وفي البيت دوووم راجعي دروسج
لكل ماده ربع ساعه او نص ساعه
وحضري الدروس
حتى لو الابلوات قالوا لج لا اتحضرين انتي حضري
ع قولتهم استبقي الاحداث
وركزي على الانجليزي
لان السيبا هالايام واايد مهم
×××
بالتوفيق لج حبيبتي
وعسى ربي ييسر لج كل كبيره وصغيره
ونشوفج من الخريجات الناجحات
×××
وهيه عن المشاريع سوييهن بداية الكورس عساس تتفرغين للامتحانات
والبنات ماعليج منهم ومن رمستهم
واذا رمسوا عن الماده صعبه ولا تسوين سالفه
قولي في نفسج انج قدها ،، ومافي شي صعب بهالدنيا
وفي النهايه هذا علم ،، بتكسبين اجر وثواب من عند رب العالمين
خلج واثقه في عمرج وفي ربج قبل كل شي
اخلصي النيه
×××
ربـــي يوفـــقج
وسوري طولت عليج
×××
أختج غلآ زآيد
××
أنـآ كنـت محتـآرة بين العـلمـي و الـأدبـي .. مـع أنه مـيولـي علميه .. وآخـر شـي صـليت إستخـآرة و استشرت مـعلمة غـآليه و عزيزة ع قـلبي و قـلت لهـآ نـسبتـي و قـآلت لـي أدخـلـي علمـي
و ان شـآ الله ،، الله يوفقنـآ .. 
..