اشحالكن عساكن طيبات،،،
خواتي يمكن هذي اول مرة اكتب في هالقسم،،،
بس موضوع ارق اختي من كثر ما تبحث فيه،، فقلت بخاطري هل كل الامهات مثلها
والا ان مشكلتها بس خاصة فيها,,,
السالفة وما فيها أن اختي تدور لبنتها حضانة زينة
( وطبعا هي مركزة على سالفة تعلمها الانجليزي،، انا ما أيدها في هالشي,,, لكن تتعلم اللغة العربية وعقب الانجليزي)
المهم،،، قالوا لها لازم تحجز من هالحين حق السنة الياية،،، والمصيبة الحضانات صارت اسعارها ناااااااااااار ….25 الف – 35 الف…
# هل معقول كل الحضانات تتراوح اسعارها ما بين 25 الف – 35 الف .. او بحدود هالسعر؟؟
# وهل يعقل ان احد يحط يهال صغار ياكلون ويشربون بهالسعر….. عيل شو خلوا حق الروضة،، الابتدائية ،، والمراحل الاكبر؟
# وهل انتي لو مكانها بتحطين عيالج بهالحضانات؟
# وشوه سبب اختيار الاهل هالحضانات الغالية، هل معقول الفشخرة الزايدة للاهل هي اللي طمعت اصحاب الحضانات برفع الاسعار
(يقولون الحضانة الرخيصة معناة ما فيها اهتمام للطفل او اللي فيها مهوب شي،، وكل ما كانت غالية معناته زينة،،،)
ابغي مناقشتكم بجدية؟ قلت يمكن القى عندكن اجابات تريحني
ودمتن بسلام…
انا عن نفسي ادفع لبنتي من الكيجي تقريا 16الف واشوفه مقبول وماعندي استعداد ادفع اكثر
بالرغم ان لازم تكون الاسعار اقل ولاتزيد عن 10الاف ابدااا
لكن للاسف الاسعار بالطالع
صراحة انصدمت من السعررر؟؟؟؟
حشااا وين الرقااابة .؟؟؟؟
شوو فوضى الموضوع ؟؟
وفوق هاا كله الحضانات لين الحيييين السواد الاعظم موووول مب عاايبني ..
ومع احترااامي لختج ..اهم مافي الحضااانة هو الامان و النظافة و الجو اللي يليق بالطفل وعدم المساس بعقيدته
مب اللغة الانجليزية ولا حتى العربية …من اسمها حضانة
انا اشوف انا نحن بحاجة الى حضنات تحت اشراف الدولة (الاتحاد النسائي + الصحة )
جان حد منكن يشتغل في الاتحاد النسائي يوصل اقتراحاتنا
وشكرا ،،
،،، عفوا^^
هذي المقووله خاطئه..بوجهة نظري …لاني شفت بعيني حضانات ارخص عن جذيه واهتمام ولا اروع
نحنا عندنا 10000 واقوول واايد حق شوو ><
وااااايد غالي والسبب لان بعض الناس هدانا الله وايااهم يحبوو الفشخره والمظاهر
وبعدين سالفة الحضانات مب داخله مزاجي موليه تبين الصج اختي من كثر مانسمع عن بلاوي الحضانات والي يستوي فيها من اهمااااااال
لكــــــــــــــــن الي عندة بيزتين محتاار فيهم يسوي اكثر عن جيه ويدفع أكثر حبوبة
والسموحه