دورة اللغة الانجليزية حياكم بنوتات حريمات 2024.

السلام عليكم بنوتات حريمات تاجرات وماكييرات (( ان شالله مانسيت حد))

تم بحمدالله وبعونه الانتهاء من الاعداد لدورة اللغة الانجليزية واليوم بيكون اول يوم لنا وان شالله مايكون اخر يوم اول شي حبيت اقولكم شو اهداف الدورة

– نتعلم قواعد اللغة الانجليزية وبنبدا في التركيب و الازمنة (الماضي الحاضر المستقبل الخ) وبعدين بندخل فالباقي

– نتعلم كيف نكتب فقرات صغيرة ومع مرور الايام بنكتب فقرات اكبر شويه الين مانكتب جريدة خخخ

– نتعلم نقرا بسرعه ومع فهم المادة اللي ياسين نقراها ومن خلال القراءة نتعلم كمن كلمة حلوة مثلي ههه (مداح نفسه يباله —-) وهالكلمات بتفيدنا يوم بنرمس وانحش ونقرض( حشى فيران ههه )

– نتعلم كيف نرمس وهاي مشكلة كلنا انعاني منها واسباب هالمشكلة هي عدم الثقه بالنفس وخايفة انج تغلطين او يضحكون عليج (اللي يسمع عاد الحين هم ماشي امسكتين ههه) صح حبايبي

هااي اهداف الدورة المتواضعه

انزين سؤال ثاني == > كيف بتكون الدورة يعني كيف بنتعلم == سؤال مهم

كل يومين شي درس عشان يكون في وقت كافي ان احنا نتعلم الدرس اللي خذناه ومانظلم حد يعني حد اتعلم وحد لا ف يكون عندنا يوم للدراسة ويوم للمراجعه اوغي !!!

وانا بحط فالمرفقات الدرس الاول واللي يحتوي على كمن مستند امسيف عالوورد

شو فالمستند يالهبله خخ؟؟ سؤال جميل مثلي (( بدت )))
اول مستند حق القواعد والكتابة == القاعدة والشرح والتمارين وبعدين بنطبق القاعدة اللي خذناها فالكتابة (( واااو ))

ثاني مستند حق المحادثة والكلمات والقراءة == التفاصيل بتكون داخل المستند وياريت اطبقونها لانها مهمه والله ( قسم خاص حق المقابلة الوظيفية) وشو نقول والاسئلة (طبعا كل مره بحطلكم شي ))

ثالث مستند == شي مشكلة ((ناقصين احنا )) لالا لاتخافون مب مشكلة شرات اللي فقسم الضرايب اقصد المشاكل الاجتماعية هههه == هي مشكلة وحده وانا كل مره بحط مشكلة
المهم بحطلكم مشكلة وانتوا اعطوني حلول لهالمشكلة وطبعا تقدرون تستعينون بخواتكم او أي حد او القاموس عشان اطلعون كلمات حلوه وحلول

رابع مستند اللي هو حق تقييم المستوى يعني كيف اجوفين نفسج عقب هالدرس اتعلمتي شي ولا لا استفدتي شي ولا لا وطبعا ها اذا حابين اطرشولي اياه عشان اجوف نقاط الضعف يكون افضل

خامس فايل == قصص يمكنكم قراءة القصة او الاستماع لها == وااو يعني بنتعلم مهارة الاستماع بعد الله ( كل درس شي قصة وحده وتسجيل صوتي )

واللي عندها سؤال تسأل حتى لو سؤال سخيف ولاتنسون احنا يايين نتعلم وبنبدأ من الصفر ولاتنسون يابنات ان هنيه في فروق فردية يعني ناس تتعلم بسرعه وناس يبالها شوية وقت ف بليز حبايبي خلنا انكون ع قلب وااحد ونساعد بعض اوغي واذا في شي ومستحية اتقولينه جدام الملأ طرشيلي عالخاص

واهم شي ماتملون وتطلعون من الدورة وانا بتم 24 ساعه اونلاين استقبل اجاباتكم واسالتكم وانا حطيت التفاصيل فالمستندات المرفقة فلاتخافون عزيزاتي

والحين بسم الله نبدأ

درس القراءة والاستماع نزليه من هالموقع

https://www.4shared.com/file/34614540…d__listen.html

ثانيا : دروس القواعد والكتابة والمحادثة والكلمات فالمرفقات

انا معاج ببتدي ههههههههه العيايز عقب الكبر خلاص وياج معلمتي

حبيبتي سؤال انا من خريجات القداما بالجامعه يعني ايام الانجليزي ماشي كمحادثه الحمدالله اوكي اعطي نفسي جيد بس الكتابه نسينها موووووووول احس مخي فارغ قلت يمكن السن الحين مخي مفنقش فكيف اسوي الحمدالله انا جريئه لو اخبص ما استحي فكيف؟وشكرا بنتي

السلام عليكم

انا وياكم بعد

احس اني نسيت الانجليزي

السلام عليكم
حبوبه أناااااااااا وياج بعد

وانا ان شاء الله معاكم بعد

لي عوده