بنات .. كيف الحال ؟
خواتي محتاجتكم فأنا لدي معاناة مع لآيلتس أخذت اول إمتحان في تقنية البنات في الفجيرة و كان المجموع 4.5 بسسب الإستماع و امتحنت الإمتحان الثاني و كان المجموع أيضا 4.5 بسبب الإستماع و الآن انا جدا جدا خائفة لاني أصبت بصدمة شديدة و انهارت أعصابي بسبب الإمتحان الثاني و خاصة حسيت بضعف و فشل أمام أمي و أبوي … و امتحنت من يومين الامتحان الثالث والله إني خائفة جدا من عدم نجاحي في الإمتحان الثالث لأني حسيت عمري خبصت …
على فكرة أنا ما خذييت لا دورات و لا شي لأني يوم كنت بسجل في التقنية دورة أيلتس في وايد من ربيعاتي قالو لي ما بستفيد منها و بظيع وقتي على الفاضي و اني أعتمد على نفسي
فاللي جربت الدورة في تقنية الفجيرة .. هل استفادت منها بشي و لا ما تقدم و لا تأخر ؟؟
و أنا جدا ضعيفة في الاستماع .. شفت مواقع و ادربت منها بس ما حسيت بفرق .. فخبروني لو عندكم طريقة لتقوية الاستماع بليززز ؟
ادعولي دعوة بظهر الغيب الله ينجحني و يفرج عني كل شي .. و الله إني محبطة و خايفة من الفشل و إني أخذل أمي و أبوي للمرة الثالثة
شوفي انا كانت نقطه ضعفي الواضحه شراتج لدرجه اني اول مره يبت في اللسننق 2 تخيلي !
فانصحج شوفي رسوم افلام مسلسلات بس بالانقلش بدون ترجمه يومياً اسمعي وعقب يوم بتتحسنين ابدي في التدريب كيف تسمعين وتحلين في نفس الوقت ..
وب/ هالطريقه صار عندي اللسننق اسهل جزء في الامتحان ويبت فيه 5.5 هالمره شوفي انتِ الفرق بس ..
وعلى فكره انا شراتج بعد في اخر امتحان قلت الميه بالميه راسبه لاني خبصت بشرف بس ولله الحمد نجحت فلا تحاتين وان شاء الله تنجحين ..
على فكره لو تبين روابط للرسوم بالانقلش خبريني وفالج طيب ..
بالتوفيق =)
للرفع
المشاركة الأصلية كتبت بواسطة أحساس عيميه ~ 
أختي أنا أعرف هذا المعهد .. اتصلت فيهم من قبل .. بس المشكلة مافي حد يوديني للمعهد لأني أنا بالفجيرة و الله كنت أتمنى بس شو أسوي
مشكوووووورة أختي أحساس على ردج .. و الله ما قصرتي
جزاج الله كل خير
المشاركة الأصلية كتبت بواسطة S I M P L E شوفي انا كانت نقطه ضعفي الواضحه شراتج لدرجه اني اول مره يبت في اللسننق 2 تخيلي !
فانصحج شوفي رسوم افلام مسلسلات بس بالانقلش بدون ترجمه يومياً اسمعي وعقب يوم بتتحسنين ابدي في التدريب كيف تسمعين وتحلين في نفس الوقت ..
وب/ هالطريقه صار عندي اللسننق اسهل جزء في الامتحان ويبت فيه 5.5 هالمره شوفي انتِ الفرق بس ..
وعلى فكره انا شراتج بعد في اخر امتحان قلت الميه بالميه راسبه لاني خبصت بشرف بس ولله الحمد نجحت فلا تحاتين وان شاء الله تنجحين ..
على فكره لو تبين روابط للرسوم بالانقلش خبريني وفالج طيب ..
بالتوفيق =)
مشكووورة أختي S I M P L E على ردج .. بارك الله فيج
ما دام إنج استفدي على هذي الطريقة فبجربها .. لو سمحتي هيه أتمنى إنج لو تعطيني الروابط
بس كم المدة أتم أشوف شهر و لا يعتمد على فهمي ؟ .. و أنا ما أفهم من أول مرة لو ما مترجم فعادي هالشي و مع التكرار بفهم ؟
و جزاج الله خير
تخييلي أنا طلعت من الإمتحان فاقده الأمل إني أنجح ..
و قعدت مكتأبه يومين .. عقب استوعبت إني باقي أمل إني أنجح ..
و استويت أقرا سورة البقره يوميا " عشان أنجح فالأيلس "
وللأمانه ما كنت ثقتي كبيره .. بس يوم عن يوم حسيت إن الأمل باقي ..
طبعا طول الفتره اللي اتريا فيها النتيجه ما مر علي يوم بدون ما أدعي إني أنجح فالأيلتس ..
أنا كنت ابا أنجح عشان أثبت لنفسي إني أنا " قااادره أييبها " و طبعا ثاني شي عشان الجامعهـ ..
و سبحان الله أول ما طلعت النتيجة انصدمممممممممممممممت
تدرون شو يعني انصدممممممممممت
لدرجة إني صححححححححححت …>> خبللله
يبت فووق الدرجه اللي أتمناها .>> الحمدلله يااااارب =)
خلاصه " إذاعه المدرسه اللي ما تخلللص " هع هع
ماشي بعيد على ربج ..
ربي يوفقج الغاليه