وأحبك كثر ما ضحكتلي الدنيا بلقياك
وعشقك هويته موت لامنه يناديني
وخوفي تلاشى لامر بخاطري طريـاك
أحبك ثم أحبك يا منور لي سنيني
وروحك هوى روحي يا مشقيني بملقاك
تو ما تحرى جيتك ليتك تجيني
لا تعــذب محبـك بصـدك وجـفـواك
أبى احتريك يا الغلا وتحتريني
راح الـعمـــر وانـا هنــا اتحـراك
كانك تبيني ياحلو زيد مافيني
مـن شوق ودي أتمـرمـر بطـريــاك
تعلمني الوفا وبعدها تخليني
شفني طريح فراش يا جعلني أفداك
يا بعد حيي قلي ويش فيني
منهـو غيـري يـا بعد كلـي يسواك
بين العرب تايه ولحدن يبيني
اشكـــي لهم قالـوا عرفنــا خباياك
ذلتني الدنيا وكلـن يهينـي
ونـت سـواياك ما ترقـــع خطـايـاك
لاجيت افرح فرحتي وسط عيني
ولا جيت أبكي البكى مـل مســراك
وشلي بحبك عسى الله يهديني
وشلي بكلام النــاس هــذا مــــع ذاك
لانت مريحني ولانت مشقيني
ولحدآ من البشر يسوى دوسه خطاك
اتمنى ان تنال على اعجابكم
وشلي بكلام النــاس هــذا مــــع ذاك
لانت مريحني ولانت مشقيني
ولحدآ من البشر يسوى دوسه خطاك
صح لسانج عزيزتي ام ميثه على هاي الكلمات الرائعه
((لانت مريحني ولانت مشقيني))
هاي بروحها مشكله تحتاج لحل
سلمتي الغاليه
المشاركة الأصلية كتبت بواسطة شوق _ زايد 
يسلمج يارب
تسلمين الغلا على المرورالطيب ^^
المشاركة الأصلية كتبت بواسطة سراب الشارجه وشلي بكلام النــاس هــذا مــــع ذاك
لانت مريحني ولانت مشقيني
ولحدآ من البشر يسوى دوسه خطاك
صح لسانج عزيزتي ام ميثه على هاي الكلمات الرائعه
((لانت مريحني ولانت مشقيني))
هاي بروحها مشكله تحتاج لحل
سلمتي الغاليه
صج بدنج الغلا …مرورج الاروع
ههههه…وأن شاء الله بتنحل ^^
يسلمج يارب
اسعدني مرورج ^^