لا تحاتي قلبي متعود يشيل الجروح اللي تجي له مقبله ! 2024.

[ هذي منك..؟! ]
هذي منك ؟!
أقسى من طعنة عدوي..!!
حيييل [ تعبانه ] يدينك..
إيه اعرفك ..
يقدح الخنجر واشمك.. هيل وجروح وأماني ..!
بس أنا وياك والله..
مو مع الطعنات / ضدك ..!
حتى شفني..
وش كثر أشره عليك..
وآنا مطعون بيديك..!
كان من أول تقول..
وآنا ( أطعن ) نفسي / عنك..

[ لا تخاف..! ]
تخاف القلب لا أظلم غلاه يموت بأنوارك ؟
أبد لا تخاف متعود .. على ( طعنات أحبابي )..
تجيني ؟
ويعني وبعدين ؟!
شسوي يعني لأعذارك !
تصوبني وترضي كل غرورك من ورى صوابي …!!
مو مية نار تحرقني ..
بقت بس هي على نارك ؟!
أبشرك
ما بقى [ أي شي ] .. تحرقه ..
كفو .. أصحابي !!

[ ب الحيل غريبه..! ]
غريبه
شلون ي**رك [ الغياب ] ويغلبك ( نسيان ) !!
ودفتر جيتك يا خي
طوى من عمري
صفحاته

[ اه منك يالحزن..! ]
الحزن منا وفينا..
ومن يدينا الحزن
ياخذنا نتسول في عيون الأخرين
كل صدر طارقينه..مالقينا..
غير هم حاضنينه
الف صدر فيه دين
والف صدر فيه نار..
أول الدينار دين/ واخر الدينار نار..

[ خوش حاكم ]
كنتي مليك ظالم وقلبي [ شعب ] ..!
والشعب قرر ينتخب حاكم جديد ..!
أهديت لك قلب شرايينه
( .. ذهب .. )
وانتي تحبيني ب قلب من حديد ..!!

[ ولا صار..!! ]
غديت مثل [ العود ] مشراه غالي ..
وغلاه لجله يحرقونه على النار ..!
تشوف ( دخانه ) يجي له ظلالي
ويروح كنه ماتكون ..
ولا صار .!!

[ ع ادي..! ]
قول عادي ..
بالي الليله طويل ..!
شوف لك عذر قديم
….. وأقبله !
لا تحاتي قلبي متعود يشيل
الجروح اللي تجي له مقبله !
وعادي جدا إني الليله [ عليل ]
الحزن يحسبني واحد من هله !

[ ما زرعتك ]
للعواذل لجل يجنيك الغياب
…… ما ذخرتك للنوايب لجل تطعني بيدي
كنت أظنك لجلي مينا في زمان الإغتراب
….. وأثرك اللي ما تبينا ضايع فيك جهدي .!

[ يا زمن..! ]
على الله.. يا زمن وشعاد باقيلي معك خافي؟
وانا كلي [ بقايا هم ] وجرح (تو) ما ابريته !!
تصور .. فرحتي فرحه .. [ عقيم ] بشر ب لافي
لا عدت ليله والغربال ما جاني وتحفيته !!
وتخيل.. هم هالدنيا خفوقي ( حضنه الدافي )
لا فارق هالحشا لحظه ..
تباطاني وتباطيته !!

[ يا كذبها..! ]
يا كذبها قولت : ترى الناس للناس
والسالفه ما عاد تحتاج تفكير !
اما تصير بموقف يرفع .. الراس
ولا عساها ما تحقق ولا تصير ..
قد لي ثلاث ايام حاير ومنحاس
الحال ما به ( خير ) واقول انا بخير !
من زود همي ما جذب عيني انعاس
كن السهر ( حاتم ) وجفني [ مسايير ] !!

[ طاح الحطب ]
لا وصلت أقصاي
ثم إني زعلت ..
حلفوني [ فيك ] ..
و يطيح الحطب !!

[ ورده غ لا ]
خذني … تعبت من الوله … و البرد هداني ..
لمني أبدفا من صقيع الليل باحضانك
جيتك عطش منهك ذبل من نضرة أغصاني ..
جيتك إثم ( وردة غلا ) تستغفر أغصانك
[ أح بك ]
أحب..
ولا يجي ف بالك
أحد غيرك
يضيف ال كاف !
وعلى فكره
أنا لا زلت
أدورلك ( شطر )
ثاني !

[ ما انساك ]
عل وعسى أبقى على البال وياك
لا دارت الدنيا .. وإذا [ الموت ] جاني
صدقني لولا الموت ؟
والله منساك!
غير الله منك ؟
إطمئن ما خذاني!
من وين أطالع صرت ( أشوفك ) وألقاك
يا أغلى بشر عندي ولا فيه ثاني
إخذ الحكي مني حقيقه الذي جاك
بعيش لك ..
كان الله عمر عطاني…