ان شاء الله عقب شهرين عرس ولد خالتي
و من الحين احاتي الفستان
خاطري ف فستان من دون حمالات و الظهر كله يكون برع و يكون سمبل واايد
لان بثجل الاكسسوارات و برفع شعري و بعتمد فكرة التاج
ابا اطلع باربي
و حاطه ف بالي اللون التركواز او العشبي << بقطعة الحرير السادة
بس محتاره بقصة الفستان و بالشغل البسيط الي اباه ع الصدر
محتاره وايد و لفيت كل محلات العين وماحصلت شيء يدهل مزاجي >_<
ماعرف ش اسوي
اتمنى انكن تنصحوني و تفيدوني
خاصه ان االاعراس شيء نادر عندنا يعني كل 3 سنين مره
ابا اطلع غير ^^
اتمنى منكن تساعدوني
اعرف مصممة شغلها رووووعة
بس عادةً الموديلات اللي أباها بذوقي أنا روحي أسير اشتري القطعة وأصمم وأفصل ,,
واذا انتي تقولين انج بتثجلين الاكسسوار ، واذا بتحطين ع رقبتج اكسسوار ثجيل ماله داعي شغل ع الصدر
ترومين تسويين الشغل من تحت بـ قصات الدانتيل مثلاً على درجة اللون وعليه فصوص ..
وان شااء الله أفدتج ^^