التصنيف: الحمل والولادة

السلام عليكم ورحمة الله وبركاته.. صلي على النبي حبيبتي يااللي تقرين موضوعي اللهم صل وسلم على سيدنا محمد وعلى آله وصحبه أجمعين ومن تبعهم بإحسان إلى يوم الدين..
عزيزتي الأخت اللي مسوية عمليات قيصرية بس حابة أسأل هل الأفضل في العملية البنج الكلي أم النصفي وشو الآثار اللي ترتب على كل منهما ؟ أنا جربت الكلي بس حابة أعرف عن البنج النصفي أكثر فااللي مسوية عملية ببنج نصفي ياليت بس تشرحلنا بالتفاصيل وعسى ربي يسهل حمل كل حامل ويرزق من تتمنى أن تحمل يارب.

أتمنى تفيدونا بشكل مفصل وواضح يااللي مجربات وإن شاء الله موضوعي يفيد الكثيرات يارب

ان شالله الاخوات يفيدنج ويفيدنا…

افضل انك تخبري الدكتورة بشو تنصحك .,

والله يقومك بالسلامة

السلام عليكم ورحمة الله وبركاته
صبحكم الله بالخير

خواتي الغاليات.. كم وحدة فيكن تعرف الـ بي ام اس؟
شو معناه؟
شو هي أعراضه؟
هل هو مرض؟
هل تعانين منه؟ أو تعرفين وحدة تعاني منه؟
تعالوا خلونا نتبادل معلوماتنا حول هذا الموضوع..

سبب كتابتي لهالموضوع ان في الكثير من الحريم مايعرفون شو هي متلازمة ما قبل الدورة.. ومدى شدتها.. فهي أحيانا تكون من الشدة بحيث الوحدة تحس انها مريضة جدا وماتقدر تستمر.. في حريم يكرهن رياييلهن.. في حريم مايتحملن شي من الأشياء اليومية البسيطة مثل صدعة العيال.. وعدم التحمل هذا يكون بشكل كبير بحيث انهن يحسن ان في شي غلط فيهن…!!
وعلى مر العصور يا اخواتي كانت في حريم ضحايا لهاي المتلازمة.. أدت لإنهن اعدمن نفسهن.. او انهن تطلقن من ازواجهن في أحسن الحالات.. لانهن – وهذا سبب أساسي- ماكانن يعرفن شو مشكلتهن.. وليش يتصرفن بهالطريقة!!
وهذا هو السبب اللي خلاني اكتب.. ابغي أعرف كيف البنات في مجتمعنا فهالايام.. ومدى معرفتهن لهذا الموضوع..

السبب الثاني لكتابتي هو ان في بعض النساء اللي يعرفن الأعراض ويربطنها بوقت الدورة الشهرية، يخلطن بين المتلازمة.. وبين مجرد مود غير مستقر.. أو حالة مزاجية..
وانا اعرف ان الكثير مننا.. حتى من الرياييل يعرفون هاي الحالة المزاجية… لكن اللي مايعرفونه ان المتلازمة تكون أقوى من مجرد مزاج بوايد… وهالشي يؤدي الى عدم تفهم الناس.. ممكن يقول لك.. كل الحريم مزاجهن يتعكر فهالفترة.. لكن مايعرفون ان الكثير من الحريم حالتهم تكون أصعب من مجرد حالة مزاجية!

PMS اختصار Premenstrual Syndrome أو بالعربي متلازمة ما قبل الدورة الشهرية

معناه مثل ما هو مبين من اسمه هو متلازمة… يعني مجموعة أعراض مرضية تظهر مع بعضها على الشخص..
وهاي الأعراض تحدث قبل الدورة الشهرية.. وأحيانا خلالها.. وأحيانا تستمر إلى نهايتها..
وهي أعراض شائعة عند الكثيرات مننا.. لكن مش كلنا تظهر لنا كل الأعراض.. ومب عند الكل بنفس الشدة..

متى ما زادت هالأعراض عن الحد اللي يسمح لنا بممارسة حياتنا اليومية بشكل طبيعي سميناها متلازمة.. أو بي ام اس..

..الأعراض كثيرة.. والكثير مننا يعاني منها أو من بعضها..
خلونا نساعد بعض ونعرف من فينا اللي نقدر نقول فيها هاي المتلازمة.. وتحتاج عناية خاصة فوقت الدورة..
وشو الأشياء اللي ممكن تساعد في تهدئة وضعها واستقرار مزاجها.. أو حتى تهدئة آلامها الجسدية إذا كانت تعاني من آلام..

عن نفسي… أنا هالأسبوع اسبوع البي ام اس مالي

أنا اتعب وايد.. ويكون موضوع أكثر من مجرد مزاج…

وصارت لي حالات غريبة في البداية… لاني ماكنت اعرف شو فيني كانت تزيد الحالات.. لدرجة اني تميت أصيييح.. أشوف نفسي بين فترة وفترة اكون جي
لين ما كلمت خالتي – اللي هي طبيبة نفسية- وأول شي قالته لي.. لا تخافين هاي أعراض ما قبل الدورة!!
أنا ماصدقت!! مستحيل هاللي احسه يخصه بالدورة!! لكنها فهمتني وقدرت اني اسيطر ع وضعي.. وأرتاح وااايد..
وعقبها سويت وايد سيرج عالنت وعرفت وايد عن هذي المتلازمة..
والحين صايرة الحالة عندي عبارة عن أعراض.. بخبركم عنها فيما بعد

الحين اتريا من كل وحدة اتي وتخبرني هي شو تحس…

على فكرة… ممكن تكونين تمرين بحالات نفسية عصيبة وانتي للحين ماربطتي هالشي بالدورة الشهرية…
احسبي.. وطالعي متى بالضبط اتكونين تعبانة.. ومعرفتج لهالشي بتسهل عليج حالتج وايد..

اترياكم

المشاركة الأصلية كتبت بواسطة @مبدعه@

مشكووووووره موضوع مفيد

مبدعة.. حياج الله اختي.. سعيدة بتواجدج

المشاركة الأصلية كتبت بواسطة ام-مريم

انا نفسج اكون عصبيه وايد وريلي يعرفني لان عصبيتي اتكون بزياده واكون مضايقه وايد واحس اني بموت

ام مريم

الله يكون فعونج حبيبتي…
انا اتيني حالات غريبة .. ومرة زينة ومرة شينة!!

الحمدلله ان ريلج فاهمنج.. هذا اهم شي… ان شاءالله اتزوج شخص متفهم جذي

وريلي دايما يوم اعصب يقولي يمكن هاي مالتكم بتيج …. يضحكني والله

ملاحظه : عندي بنوتين من قبل بس تصدقون نسيت اذا ولدت في اول التاسع ولا اخر التاسع خخخخخخ

ومنكم نستفيد انا اليوم دخلت التاسع وحاسه اني بربي الله يسهل علي وع الجميييييييييييييع يارب

بغيتكم اتباركووولي … و اخيرا ربيت … طبعا تاريخ : 1362010

و يبت احلى ولـــد ألله يحفظه …

و سميته موسى <<< عسااه اسم خييير علييه يا رب ..

اول ما افضى راح اكتب لكم قصة ولادتي .. آآآخ منها خخخخ

والحمد لله ع السلامة

ومبرووووووووك ماياج

ربي يحفظه لكم

عقبالي

ويتربا في عزكم

لو ما نزلت عليج سوي فحص كلير بلو في البيت
ولو لا قدر الله ما بين

اتريي شوي
وكرري الفحص عقب كم يوم
او روحي العياده افحصي دم

وربي يرزقج بالذريه الصالحه ان شاء الله

ربي يرزقج ويرزقنا بالزريه الصالحه عاجلا غير اجلا

اللهم اميين يارب العالمين

حبايبي ممكن تساعدوني انا عندي هرمون الذكورة مرتفع شوي …
في مجال احمل مع العلاج ..
هل في حد منكن كان عندها الهرمون مرتفع وتعالجت وحملت ..

ربي لا تذرني فردا وانت خير الوارثين …

للررفع ..

عندي مشكله واتمنى القى الحل .. انا حامل وفي الشهر الثاني وبديت اعاني من حب الشباب كل يوم تقريبا تطلعلي حبه وماعرف شو اسوي فاللي عندها حل او تعرف علاج طبيعي ينفع مع الحمل اتمنى انها ما تبخل علي .

شي طبيعي لانج حامل .. والهرمونات تتغير ..

استخدمي غسول سيتيل من الصيدليه .. وايد حلو للويه ولأي مكان ملتهب او فيه حب ..

وايد بيهديه وبيخففه ..

وما ايي غير وقت الحمل

الله يعينااا

والحمدلله رب العالمين حقق امنيتج

الله يثبت حلمج يارب

الغاليه ممكن تخبريني كيف تسوين المراميه ؟

حبيبتي انتي تشترين المراميه الكتل مب الناعمه صح ؟

ممكن غناتي تكتبين لي كيف تسوينها بالتفصيل ؟

ودعيلي فديتج الله يرزقني الذريه الصالحه وياج

والحمدلله رب العالمين حقق امنيتج

الله يثبت حلمج يارب

خواتي ..أبغي الافادة منكن يزاكن الله خير ..

انا دخلت التاسع من كم يوم ..وعندي سكر حمل ..في آخر زيارة لي للطبيبة قالت لي ان حجم البيبي 3وشويه وقات احتمال انه يزيزد بسبب السكر ..

ومرة يقولون لي الماي زايد ومرة عادي ..وهالشي يخوفني بصراحة ..

انا قد ما اقدر قاعدة امشي ع الدايت عشان ما يزيد وزن البيبي ..والحمد لله ان وزني ثابت تقريبا مازاد إلا شي بسيط من دخلت السابع ..

بس خايفه يزيد وزن البيبي …؟ فيدوني ..كم لازم يكون حجم البيبي تقريبا وهل في خطورة ؟

وبالنسبة للاناناس والرطب او التمر سمعت انه مفيد ..فهل تنصحوني اني اخذه خاصة ان عندي سكر ..؟

يعني ماعليج لا تخافين وايد بيسوون لج خياطة وربي بيسهل عليج

بس انتي امشي على الدايت وفي نفس الوقت غذي عمرج بالمفيد

وابتعدي عن النشويات والكربوهيدرات