التصنيف: الحمل والولادة

هذا الحمل الثاني لي والحمدالله بجري بنتي عمرها 10 شهور وانا كنت حامل في
الشهر السادس سرت عند الدكتوره يوم الخميس 116 وطمنتني ع البيبي وقالت انها
بنتوته حلوة وكل شي تمام وسبحان الله في نفس اليوم المساء بس تخرطفت شويه عند
باب حجرتيه وما حسيت باي ويع بس شويه الم في الظهر يعني مال عشر دقايق عقب
خف كان كل شي طبيعي وسبحان الله ثاني يوم الجمعه عقب صلاة المغرب حسيت بالم
الولاده على سرت المستشفى وكشفت عليه الدكتوره وقالت فاتح عندي الرحم 4 سانتي
ولازم نسويلج عمليه اجهاض الله يعلم شو كانت حالتي تميت اصيح واسمع دقات قلب بنتي
والم يزيد ويزيد دخلوني غرفه الولادة وجان ازفر وطلع كيس الماي عقب خف الالم والبيبي
ما طلع جان تقول الدكتوره في حالتين..الاولى نتريا لين يطلع البيبي بروحه او نسوي لج عمليه
انا وافقت ع العمليه عسب تعيش بنتي بس الدكتوره قالت ان رئه البيبي مب مكتمله في احتمال
كبير انه يعيش وان عاش يمكن يعيش معوق!!!
المهم كانت حالتي النفيسه جدا جدا تعباااااانه وكنت دوم الوم نفسي ان تهاونت وما سرت المستشفى
بعد الطيحه المهم تميت اسبوع في المستشفى في غرفه الولاده وكل يوم ينقص الماي عن بنتي
وكل يوم يجيكون على دقات قلبها والدكتوره تقول سبحان الله كيف تعيش بدون ماي ودقات قلبها
قويه وبخير سبحانك يارب المهم في يوم الخميس 186 ع الساعه 6 المساء بدأت الآم الولاده
وعقب صلاة المغرب زاد الويع اخس عن قبل حسيت عمري اني بموت ع الساعه 10 ونص المساء
ما قدرت وجان ازقر الدكتوره وفحصتني وقالت البيبي بيطلع وبتحسين بيوع اخس لانه بيطلع بدون
ماي ولا دم وهالالم اللي تحسينه هيه عظام البيبي تحتك مع لحمج..المهم بعد معاناه كبيره وذكره الله
سبحان ربيت ع الساعه 10و55 دقيقه وطلعت بنتي ع طول نشيت وشفتها كانت تعباااانه وشفت
قلبها ينبض صرخت ع السستر والدكتوره ان يحطولها اوكسجين واي شي عسب تعيش
وما قصروا معاي ولا مع بنتي وتميت ادعي ربي ان كان يعلم ان الحياة خير لابنتي فاحييها يارب
وان كنت تعلم ان الموت خير لها امتها يارب كنت متفائله خير انها بتعيش..

كنت يالسه اتريا خبر من الدكتوره او اي حد بنتي بس بعد 3 ساعات من الانتظار دخلت عليه اختي
وعمتي ام ريلي وهي تصيح بصوت عااالي واختي تمسح بأيدها على راسي وهي تصيح وتقول
بنتج حلووووه بس الله اختارها وتوفت بعد 3 ساعات الله يعوض عليج وان شاء الله تكون
شفيعه لج يوم القيامه وعمتي ما قدرت تتكلم من كثر صياحها وانا مب مستوعبه كنت
اجذب اختي واقول انا شفتها حيه وقلبها يدق وتميت اصيح وجان اطلب من السستر ان تيب بنتي
سبحان الله الخالق كانت كامله وطويله حتى رموش عينها واظافرها وشعر راسها فديتها شليتها
بحضني واستسمحت منها على اني كنت وااايد مقصره في حقها ولومت عمري اني جان زين سرت
المستشفى في هايج اللحظه بس قدر الله ما شاء فعل والحمدالله على كل حال
غسلوها وكفنوها وصلوا عليها صلاة الجمعه وما اجذب عليكم مشتاقه اسمع دقات قلبها في بطني
وحركاتها وكنت دوم اسولف معاها الحمدالله على كل حال..

شي قالته الدكتوره وانا ما فهمته قالت ان عندي ارتخاء في عضلات عنق الرحم وان اذا حملت
مرة ثانيه لازم في بدايه حملي اسير واسوي خياطه في عنق الرحم وعقب تسع شهور افتح الخياطة
للولاده؟؟؟ ما ادري اول مره اسمع مع اني على ولادة بنتي الاولى كان كل شي طبيعي.

اسمحولي ان طولت عليكم بس حبيت تشاركوني قصتي..

وداعه الله

فديتج يا بنتي عمري ما بنسى لحظه ولادتج
186 تاريخ محفور في ذاكرتي..

ويستاهلون الكتاكيت ^_^