التصنيف: الأرامل والمطلقات والمتأخرات عن الزواج

السلام عليكم ورحمة الله وبركاته
اولا اتمنى من المشرفة ماتحذف الموضوع ادري انه مب مكانه هني بس عسب الناس اللي في هالقسم محتاجة اكثر..ولو يثبت اوكي ومشكورين ويزاكم الله خير..
اعرف انكم شاركتو ف حملات وايد.. بس ان شاء الله هالحملة وياي غيرر لقراءة سورة البقرة بصلاة قيام الليل…واشياء ثانية ..

حياكم ع هالرابط

https://forum.uaewomen.net/showthread.php?t=1110563

xxx

دعواتكم الصاالحة لي

بشترك معاج أختي

بشترك معاج أختي

أنا بشارك ..

اوكي فديتكم بسجل اساميكم بس بنبدي يوم يكبر التجمع اكثررر..استعدو ولاتهملون الموضوع اباكم تقرون عنه ف قوقل^^

اوك حبيبتي ..

سبحان الله وبحمده

صباحووووووووووووو ..

شحالكم حبايب قلبي ؟؟

دخيلكم يالمشرفات لا تغيرون القسم :12

(46):

أنا وحدة من المطلقات

أكيد تعرفون حد من اهلكم ربعكم مرو بتجربة الانتقام ما بعد الطلاق ..

اتكلم عن عمري مرات خاطري انتقم ، بس تربيتي ما تسمحلي للانتقام >>> حشه شريه ههههههه ..

اللي يطلق الحرمة يفكر ينتقم اذا كان يحبها ؟

ممكن هالانتقام ياذيها ؟

و كيف يحاول ينتقم بالرغم ان هو اللي باع و هو يتحسب ان هي ميته عليه ؟

فلوسمحتو فيدوني ، و لو دعوة حلوة ..

موقفه

ما اعتقد الرياييل تفكيرهم شراتنا
الريال اقصى شي يسويه ان يتزوج وييب عيال ويعيش حياته ويرمي طليقته وذكرياتها وراه
لكن احن الحريم عاطفيات جدااااااااااا ونستخدم القلب قبل العقل
فنتعلق بالماضي وايد وودنا الامور تنصلح رغم ان احن مرات اللي طلبنا الطلاق
وتفكيرنا بالانتقام يكون ناتج عن جرحنا عن تخلي الطرف الثاني عنا (وشرات ما قلت ييمكن احن اللي طلبنا الطلاق بس يمكن كان ودنا الطرف الثاني يكون اكثر تمسك فينا)
او حملنا كلمة مطلقة وعن معرفتنا ان الياي بيكون صعب
سواء نظرات المجتمع او ان في صعوبة بالزواج من شخص ثاني

انسي وعيشي حياتج واعتبريها بداية حياة يديدة لج لاتخلينه ياخذ منج اكثر من الي اخذه

ليش الانتقام بالعكس بخلي علاقتي وياه حلوه
ما بنسي انه هذا كان ريلي
يمكن ما قدرنا نتفاهم
بقوله الله يوفقك

يسلمو ..

بس أنا عايشة حياتي و موضوع عيبني حبيت اتناقش وياكم فيه ..

منو قالج ان في فئة ما تبا تنتقم الا تنتقم و نص ..

اختي انتي مارة بتجربة الطلاق ؟؟

اشك انج فاهمه علي ؟؟

خواتي السلام عليكم اشحالكن
خواتي بما ان الحين اجازة اليهال ووايد منا ماجزين انتن كمطلقات وين تقضن اجازتكن هل السفر ولا البيت ولا نوادي ولا مع الاهل خل نجمع الافكار نمكن نستفيد

حالكم حال اي حد عادي سفر طلعات وغيره عادي يعني خاصة عندج عيالج الله يخليهم

حبيت انزل هل موضوع منه اكسب اجر المهم………………………..

كلنا بنات وكل بنت محتاجه ريال يكون سند لها وتبا عيال وهاي سنة الحياه فحبيت انزل بعض الادعيه الي تعجل الزواج وصدقووني ادعيه مجربه والحمد لله يابو فايده

اللهم أنى أسألك بأنى أشهد أنك أنت الذى لا اله الا أنت الاحد الصمد الذى لم يلد ولم يولد ولم يكن له كفوا أحد, أقض حاجتى ,أنس وحدتى ,فرج كربتى, أجعل لى رفيقا صالحا كى نسبحك كثيرا ونذكرك كثيرا فأنت بنا بصيرا,يا مجيب المضطر اذا دعاك احلل عقدتى امن روعتى,يا الهى من لى ألجأ اليه ان لم ألجا الى الركن الشهيد الذى اذا دعى اجاب هب لى من لدنك زوجا صالحا وتجعل بيننا المودة والرحمة والسكن فانت على كل شىء قدير ,يا من اذا قلت للشىء كن فيكون ربنا اتنا فى الدنيا حسنة وفى الاخرة حسنة وقنا عذاب النار.

اللهم اني اريد ان اتزوج فقدر لي من الرجال من هم اعف و احفظهم لي في نفسي و مالي و اوسعهم رزقا و اعظمهم بركة و قدر لي و لدا طيبا تجعل له خلقا صالحا في حياتي و مماتي)
( اللهم زوجني رجلا صالحا تقر به عيني و تقر بي عينه يا ذا الجلال و الاكرام
اللهم انى اسألك بخوفى من ان اقع بالحرام وبحفظى لجوارحى واسألك يارب بصالح اعمالى ان ترزقنى زوجا صالحا يعيننى فى امور دينى ودنياي فانك على كل شى قدير اللهم اغفر ذنبى واحصنى وطهر قلبى

اللهم انى اعوذ بك من بوارى وتاخر زواجى وبطئه وقعودي واسالك ان ترزقنى خيراً مما استحق من الزوج ومماآمل وان تقنعه وأهله بى وتقنعنى واهلى به

اللهم يا جامع الناس ليوم لا ريب فيه اجمع بيني وبين زوجي اللي يكون غني بدينه وأخلاقه وماله ويهنيني ويسعدني ويفرح قلبي

اللهم اني أسألك بأسمك الأعظم الذي إذا سالك به احد اجبتة واذا أستغاثك به احد اغثتة وأذا أستنصرك به احد أستنصرته ان زوجني يا رب يا رب يارب يا أرحم الراحمين يا أرحم الراحمين يا أرحم الراحمين با ذا الجلال والإكرام يا ذا الجلا والإكرام يا ذا الجلال والإكرام اللهم اني اسالك بدعاء ذي النون يوم دعاك في ظلمات ثلاث ظلمة الليل وظلمة البحر وظلمة بطن الحوت فستجبت له وأنجيتة لا إله إلا أنت أني كنت من الظالمين , لا إله إلا أنت أني كنت من الظالمين , لا إله إلا أنت أني كنت من الظالمين .

اللهم اني اريد ان اتزوج فقدر لي من الرجال من هم اعف و احفظهم لي في نفسي و مالي و اوسعهم رزقا و اعظمهم بركة و قدر لي و لدا طيبا تجعل له خلقا صالحا في حياتي و مماتي اللهم زوجني رجلا صالحا تقر به عيني و تقر بي عينه يا ذا الجلال و الاكرام

اللهم ارزقني بزوج صالح ..تقي ..هني ..عاشقا لله ورسوله .. ناجح في حياته ..وأكون قرة عينه وقلبه ويكون قرة عيني وقلبي

وانشاء الله تستفيدون منه

يزاج الله خير ع الطرح حبوووبه ف ميزان حسناااتج
الله يسهل ع الجميع

تسلمين على الطرح

الله يسهل عالجميع ^^وترى كل شي نصيب

يوم الله بيريد ترى كن فيكووون^^

وما يضر لو الوحدة دعت

عالعموم ربي يوفق ويسهل عالجميع فهاليوم المبارك

ومشكوورة حبيبتي عالطرح

هي صدقج والله كل شي نصيب بالدنيا ومحد يستعجل على رزقه لان فيه حكمة من ربنا والله يرزقني يااااااااااارب ويرزق كل بنات المنتدى الغير متزوجات .

دعواتكم باليوم المبااااااارك

سلالالالالالالالالالالالالالالالام

مساء الخير حبيباتي

ها نك ربيعتي و أنا أشكرها لانها عطتني اياه

أنا مطلقة من فترة طويلة تقريبا سنة

عندي مشكلة مع أمي و ابوي و هو ان أمي تعق رمسات عوده علي و أنا صابرة و متحملة و غير ها ابوي كم مره كان بيضربني يوم نظهر مكان لأني اقول أبا هالشي و غير المسبات و القسوة بالرغم من كل هالشي احبهم و ساكته حتى المصروف مب راضي يصرف علي ولا راضي أني اشتغل

نفس ما تعرفون المجال مفتوح للمطلقة ولا درب الحرام ما في اسهل منه وصلت لمرحلة أني أضيف الشباب عالبيبي مسن و ارمس معاهم عادي ادري ان هالشي غلط بس من زود الضغط و لا ماشي طلعة و لا روحة ، المشكلة الكل يشوف وساكت وصلت لمرحلة أني بهد البيت و يعتمد ععمري و بشتغل مضيفة طيران و اللي فيها فيها

و مب هامتني رمسه الناس

أباكم تدلوني لدرب الصح مب عارفة وين المكان المناسب

الله يعينج حبيبتي بس دام ما شي مصرف لازم تشتغلين او اي تعتمدين ععمرج اما الشباب امسحيهم ما منهم فايده وخلي شكواج لربججج وادعي لربج يسخر لج هلج

كل مره أخاف من المطلقة هاي الكلمه وانا بعد مطلقه الله يعينا يا ختي

استهدي بالله اختي ماتحل الامور بهالطريقة

كل هالاشياء الي تسويها بتعود عليك بضرر اكبر يعني تعالجي ضرر بضرر الله يهديك

ليه ما تزوري مختصه بالامور الاسرية تفيدك في مثل هالمشكلة

اسأل الله أن يفرج همك

صابرة سنة كاملة لين ما قرب موعد الانفجار

مرحبا حبيبتي الغاليةداومي و رزق بالحلال حتى لو ما وافقوا. واعتمدي على عمر
انا ماحرضج على اهلج لكن عامليهم بالمعروف
أما الحرام بتكوين حاجز الظلم بالفسوق و ضيعين عمرج و سمعتج و شرفج زايد الآخرة
دايماتذكري عداب الآخرة الله يوفقج

أنا أبا مصروف و ربي يزيده عنده خير و الله يهنيه بس أبا اشتغل كيف أتصرف معاه

السلام عليكم

هي كلنا ندعي آنا نزوج كل بنت من يوم صغرها وهي ترسم لهذا اليوم ونتريااه ونتمناااااه

وكل يوم ندعي

المشكله مب في الدعاء

بس هل آنتي تدعين وااثقه من ربج
هل آنتي ميقنه
ومحسنه الضن بالله
كل وحده تدخل تخبرني هل هي واثقه إذا هي واثقه هل آحيانن اياها شك تعرفون بليس وسوسته

كل وحده تدخل وتخبرني كيف تقوي ثقتها بربها

يزاج الله خير عالموضوع
هي نعم كلنا ندعي لكن البعض يقينه مب قوي
فالتساؤل يؤكد هالشي
اني اشك في ربي !! واني اقول انا دعيت وصليت وقريت واختمها ب ليش .؟؟
بكون منافقه لو قلت ما فكرت جذي
مرات تيني هالافكار بس اتعوذ من ابليس لان انا ما ابغي اعطيه مدخل يخرب عليه وترد الافكار اللي مثل هذي في بالي ويضعفني .. انا اقرا سورة البقره يوميا بنيه ان ربي يريح قلبي ويرزقني السكون واني اتلذذ بالقرايه واخلي رزقي على الله هذا لي انا اطبقه الحين وانا مرتاحه من هالشي جدا
ربي كريم ربي كريم ربي كريم

مممممممممم قبل كنت هيه احيان اشكك واوسوس واقول ربي ما بيستجيب لي لانه اسوي امور غلط لكن الحينه بالعكس تقربت من ربي اكثر واحاول اسوي لي اروم عليه من صوم وصلاة ضحى بس مرات نغلط ما اقول اني ما اغلط كلنا نغلط لكن اراجع نفسي واستغفر وقبل كل شي ك
محسنه الظن بربي واقول مثل ماعطا غيري بيعطيني ومثل ما وفق غيري بيوفقني بس كلها مساله وقت وفي النهاية ترا هيه فايده حقنا انه نتقرب من ربنا ونعرف الصح من الغلط اعملنا ونيتا هي اللي تحدد موقفنا من ربنا والله يوفق الجميع

التعوذ من الشيطان لانه هوه سبب الوساوس
الله يحقق لكل وحده امنيتها ويقوي ايماني وايمانكم

بالتوفيق اختي بارك الله لكي

ربي يوفقج أختي

يزاكن الله خير على التفاعل

آنا بصراحه من فتره يوسوسلي الشيطان وهالشي معذبني
بس اتعوذ وقول اذا خير بيتيسر كل شي
بس مقنعه نفسه بجنات النعيم الله ما يضيع حق حد وفي الجنه اجمل من ما نتمناا

السلام عليكم بنات لوسمحتو أتعرفون المحامي يوسف النعيمي والمحامي نصر علي نصر من رأس الخيمة حق الطلاق بليزز ساعدوني حق وحدة يزاكم الله خيررر

للرفع فديتج

يوسف النعيمي وايد يمدحونه
ومكتبه مجابل العمل والعمال
بعد بنايه الخاطري اللي فيها صب واي

مشكورين حبيباتي أتريا البقية

رررررفع

للـــــــــرفع

وينكم

لا اله الا انت سبحانك اني كنت من الظالمين

والله ما يخصه ..
ياختي حتى لو كلامج واسلوبج واخلاقج ذهب والكل يشهد عليج بس سبحان انا اتكلم عن وضعي محد من هذيل الي مدحوني رشحوني لشخص ومره صارت واكتشفت انه الريال معرس وعنده عيال ومن بعدها انا فاقده امل انه في الحريم .، املي بالله والحمدلله

وعن الدين ..
منوه اللحين ادور حق اخوها او ولد عمها او خالها او اي شخص يقرب لها عن وحده عندها الدين اول شي يفكرون فيه شكلها .، جسمها ،،، طولها خلونا نكون واقعييين كلهم يسالون عن هل الامور ومحد يسال اذا البنت زينه وتصلي وبعد العرس يطلع كل شي تنصدمين بالاخلاق ..
واعرف بنات عرسن بدون اخلاق ماكملو شهرين وانفصلو ومشاكل في المحاكم وبنات متحملات مسؤليه عايلتها واهلها واخواتها واخوانها بس مالها نصيب

صحيح

الحين اكثر همهم المظاهر ، ما يفكرون فأخلاق البنت

والله اغلبنا جميلات و نعرف نكشخ و نلبس لكن كشختنا تكون بوسط بنات الاهل و الصديقات

مب نطلعها لكل من هب و دب فالاسواق و المولات وووالخ

و الزواج عموماَ نصيب ، و اذا الله كتب لها نصيبها محد بيمنعه

وعليكم السلام
ميانة بوظبي كلامج جميل الوحدة تحسن معاملتها مع الكل مب بس عشان تتزوج.. هذا دينها
رب العالمين قال إنك على خلق عظيم يقصد به الرسول عليه الصلاة والسلام
وايد من اهلي يبون يعرسون صح الجمال مهم بس الوسط او تكون مقبولة
مستحيل ادور امهات كشش والكراع برع العباة تراوي السترتش مالها حق الخلق
يبون وحدة هادية مب راعية مشاكل تكون زوجة صالحة
وبالنسبة للمكياج والتعديل يكون لزوجها وبين الحريم مب حق الرياييل
وبالنسبة اذا الريال متزوج مايعيبه
ليش كثير من المغربيات والسوريات يتزوجن المتزوج لانهن يبن الستر ويستقرن وتكون عندهن اسرة ويهتمن في الزوج " وأنا ماتكلم عن المتعمدات انهن يتزوجن حق الجنسية "
الصراحة اللي معترضة على الزواج من ريال صالح ومتزوج تكون معترضة على حكم رب السماوات والارض
عادي الوحدة تتزوج متزوج ويكون إلها سكنها الخاص وحياتها تعيشها طبيعي مب لازم تسكنين مع العديلة او تروحين لها او تستقبلينها او حتى تشوفينها من الأساس
والله يرزق كل بنت وحرمة صالحة بالزوج الصالح

عزيزتي رفض البنات للمتزوج مب معناته انه هي معترضه ع حكم الله لا فديتج من الي نشوفه ونسمعه في حقوق تضيع ..

مساء الخير حبيباتي ..

مجرد تفكير يراودني وقلت مابقدر اغط في نوم عميق لين اطلع هل التفكير وافضفض به ..
خاصة هل الفترة مااقدر اقول لحد كل الي اعرفهم احس بهم مشغولين مب مستعدين يسمعوني ..

المهم الله يسلمكم كلنا متفقين انه الزواج في النهاية رزق ونصيب الي مب فاهمتنه وشاغل تفكيري .. ليش في ناس لها معارف واصدقاء وتعرفينهم عدل ويعرفون اهلج واخر شي تنصدمين بأنهم جاري البحث عن زوجه لواحد من اخوانهم وباليوم الثاني تسمعين خبر بالملجه .. وانتي جدامهم .. ويمدحون فيج وكل شي .. وانتي عارفه انه هذا اختيار خواته واهله .. ويكون شخص زين .. مب شرط تنعجبين فيه لكن ع الاقل سامعه عنه انه دارس ويشتغل ورتبه وخلوق .. وانتي مب ناقصنج شي !!!
شو المشكله ويين في البنت ولا في اختيار اهل الخاطب ولا في اهل البنت .. في ناس تظلم البنت بس بسبب سمعة الاب او بسبب خوف من مشاكل يمكن حتى ماتستوي .. ليش احس انه هل الشي يخلي البنت تعيش في دوامه تتريا شخص زين سامعه عنه محترم وتحسه يناسبها اخر شي ما يمر شهر او شهرين يخطب !!!
نحن يوم ندور لاخواني دايما نبدا بالقريب ثم البعيد حتى لو متأكدين من رفضهم لانه محد يعلم يمكن يستوي لهم نصيب … بس يوم تي علينا ماشي حط حاط خشاه ع عيونهم .. ترى انا واختي ومتاكده في وايد بنات مثلي …
هل الامور والمواقف غصب تخلي البنت تفكر في ملييون سبب .. اهلي … شغلي .. سواقتي … القصر الطول الدراسه التخصص … مشاكل قديمه تسربت للناس … طلاق القرايب .. طلاق الاب والام … زوج الام او زوجة الاب …

هل فعلا في اسباب تصرف الخطاب اسباب واقعيه بغض النظر عن النصيب لانه هذا الشي عند الله يعلم به لانه الله يعلم وين الخير لنا

يووووووووووووووووووووووووووووه اكيد هالشي موجود
و اكيد الناس يطالعون اول شي لانفسهم و شكلهم قدام الناس و يدورون العثرة
بشغلات لا علاقة لها لااا بالدين ولا بالواقع
بس جي عادات و تقاليد او مرض نفسي يخليهم ما يشوفون الحقيقة الا بعد حين
الله يرزقج بالزوج الصالح الي يسعدج ثم يسعدج ثم يسعدج

سبحان الله كل شي قسمة ونصيب
وساعات اتي من الريال نفسه
شي رياييل يتشرطون يبون حريمهم بمواصفات معينة ويعورون راس الأهل لين ما يلقونله وحده تناسبه!!
ربي يوفقج ويرزقج من الخير كله

الله يرزقج الزوج الصالح يارب

تاخر سن الزواج للاماراتيات بس تفكير الشباب اختلف يعني يدورون من برع او بنات بمواصفات محددة
ويمكن هالشخص مايناسبج فخليى معنواتج مرتفعة وثقتج بنفسج كبيرة طبعا والله يرزقج الزوج الصالح العطوف

الله المستعان
وكلامج صح 100%