مساء الخير جميعــــــــــــــا …
هذا اول موضوع لي يخص الطبـــــــــــــخ بما انـــــــه عندي نــــــــــــاس يكسرون مياديفي وما يعجبهم وايد طبخــــــــــي ..بس عندي اخوي فديته يحب يجرب طباخي واليوم نزلت هل الطريقه لانه يحبها وعطاني عليها 10 على 10 ….اول ما طبختها له ولزوجته …ثاني يوم راحو مطعم وكلو نفس الاكله ..بس قالت لي حرمته انه ماااااااااااالتي احسن بواااايد مع اني جربتها بس مرتين وصدق لذيذه …
ما بطول عليكم وهذي المقادير …
صدور دجاج << انا ما كان متوفر عندي فأستخدمة دجاج عادي وقطعته شرائح …وبالكميه الي تبينها ..
2 طماطم مقطعه قطع كبيره << لا تحاتون لانه بنحطها بالخلاط بعدين …
بصله متوسطه مفرومه او مقطعه بس قطع صغيره …
3 فصوص ثوم …مدقوق …
زنجبيل مدقوق << حسب رغبتكم …
كاجو …او اي مكسرات انا استخدمة عين الجمل كان متوفر عندي …
زبده المراعي او اي زبده << انا استخدمة بس علبتين صغار وطلع اوكيه بعكس صالونه المطعم الي قالت عنه حرمة اخوي في زبده واايد ودسم ….
ملح وفلفل على حسب الرغبه …
البهارات كالتالي …<< اهم نقطه …
ملعقة صغيره فلفل احمر بودره …
ملعقة صغيره جرفه مطحونه …
ملعقة صغيره هيل ..
ربع ملعقة ينسون …في منه مطحون بس انا استخدمة العادي …
رشه من النعناع المجفف …
وكوب او نصف كوب كريمة طبخ ..
ملعقتين كاتشب …
صبغة طعام مالت العيش مخلوطه بماي ..
وانا حاطه صورة صوص ماجي استخدمته في تتبيل الدياي بس ممكن تستغنون عنه ..
في ناس تشتري من الجمعيه بهارات خاصه بس انا رحت وما عرفت شو البهار الي ينفع للصالونه …بس دبرت نفسي بالي موجود المهم كل البهارات كانت موجودة …
نبدا بالدياي …
نتبله …فلفل …ملح …فلفل احمر …وجرفه …وصوص الماجي طبعا تقدرون تحطون صويا بداله شوي بس ..
نقليه بشوي زيت …
بعد ما نقلي الدياي عدل …نحطه في وعاء ونحط ويااي الصوص الي نزل من الدياي وقت القلي …ونخلي شوي زيت في المقلاه …
ونبدا نحط البصل …الثوم …الزنجبيل …البهارات ….ينسون …نعناع يابس …هيل ….والكاجو ..وتقدرون تحطون فلفل احمر بودره شوي …
وبعدين نحط ماااي …او ننتظر لين نحط الطماط ونحط ماي <<< ماشي مقدار معين للماي انتي حسب طريقتج في قياس الماي انا احط ربع كوب وازيد ع كيفي عشان اخليه الطمام ينطبخ عدل مع البهارات ..
واهنيه يوم حطيت الماي …
لاحظو الطماط كيف صار لييين …لازم تخلونه فتره لين ينطبخ عدل عشان يوم نحطه فالخلاط ينهرس ويتجانس مع باقي المكونات …
نحط زبده في مقلاه …مع شوي صوص الدياي .
ونحط الخليط ..ونقلب …
لاحظو لونه برتقالي ع بني ..بس بعدين بيتغير اللون …
ونحط الدياي الي قليناه …
ونقلب …بعدين نحط صبغة الاكل مع شوي ماي …<< انا استخدمة زعفران مطحون الصبغه ومن حظي خلصت من عندنا …بس اول تطبيقي كانت بالصبغه وطلع لون الصالون احمراني ع بني ..مب كركمي شرات ثاني مره ..
حبيت هل الصوره في افكتس وااايد عااطي الصوره جنه تصوير كانون مب بلاك بيري …
ونخلط وبعدين نحط الكريمه …
وبعدين الكاتشب …
لاني احب الكاتشب فحطيته بدون قياس هو تقريبا ملعقتين بس الي ما يحب الكاتشب لا يحط ..لكن هنيه الوصفه السحريه الي يسونها فالمطاعم يحطون شوي كاتشب …
وبعدين نخليه تماسك المزيج …يعني لحد ما تصير الصالونه متكاثفه ومب لينه ولا غليطه واايد …
ونحطه في صح التقديم …
انا حطيته في طبقه او حراره لين وقت الاكل …
وتنكل مع خبز النان الهندي بالزبده …
بس البديل …
خبز التندوري او الايراني الي ينباع في المخابز …<< جربته اوكي وخفيف …
او مع عيش الزعفران بعد حلو بس ثقيل …
اختي الصغيره من يا رمضان وهي تسوي كيك جاهز وصوص شوكلاه وتعرفوون انتو البنااات وحبهن حق السويت ….بس امس يت عندي اونه عطيني الطريقه وبتجربها اليوووووووووم ان شااء الله تضبط ويااها ..وتضبط ويااكم ….
خواتي ترا الوصفه من اليوتيووووب شفت شيف هندي يسويها …يعني مكوناات صح وطعم اصلي …جربو وخبروني وصدقوني الي يحب ياكلها في المطاعم بيحس بفرق والطعم …
.
.
فالختام
ما ابغي غير دعواتكم لي بأنه ربي يحقق لي امنياتي ويبدل همي وحزني فرح وسعادة يارب …
في حفظ الرحمــــــــن …
ماشاء الله عليج أختي 
تسلم الايادي والله شكله فنان ^^
ساهموا في حملة "أعينوهم"
لإغاثة منكوبي المجاعة في الصومال
على قناة "نور دبي"
يومي الثلاثاء والأربعاء 16 – 17 أغسطس
من الساعة 4:00 عصرا – 6:00 مساء
و من الساعة 10:30 مساء – 1:00 فجرا
6212 اغاثة الصومال 20 درهم
6215 اغاثة الصومال 100 درهم
في الصحيحين من حديث ابن عباس رضي الله عنهما:
كان رسول الله صلى الله عليه وسلم أجود الناس
وكان أجود ما يكون في رمضان حين يلقاه جبريل فيدارسه القرآن،
فلرسول الله صلى الله عليه وسلم حين يلقاه جبريل أجود بالخير من الريح المرسلة.
شكله نفس مال المطاعم
يعطيج العافية
إﺂﻟ̲لهہُم :
إﺂگتب ﻟ̲ي تغغغييراً /
. . . ﻟ̲ـ ‘ إﺂلإفضل ( : ˇ
ڤي نفسيَ ۆ ﺣ̭͠إﺂﻟ̲يْ ۆ إﺂھﻟ̲يْ وأإأححبآبي `
ڤيْ ﺷ̲هہُرگ ھذآ يَ گريمَ