اليوم انصدمت صدمة العمر! فيتنس فيرست اخيرا فكرو يفتحو فالعين !!! صارلي اكثر عن سنة ابعث ايميلات عسى يفتحون عندنا واخيرا فتحو من شهر!!!
يعني الزبدة.. اخيرا صار في نادي رياضي محترم حق الحريم !
بس ماعرف عن اشتراكاتهم بعدني ماسالت .. ومادري ازا بعيدين ولا لا!
مكانهم في واحات الهيلي مول .. حتى هالمول ماسرتله !
اللي اشتركت تخبرنا عن التجربة !!
في انتظار نادي العين للسيدات !
المشاركة الأصلية كتبت بواسطة حبيبة كلود 
احيدني رحتلهم قبل لايفتحون بكم يوم كان الاشتراك لمدة ثلاث شهور ب1800 والنادي كبير من داخل ومتروس الالات بس كانوا بعدهم ماجايبين مدربات الزومبا وشي ثاني نسيته بعد…و فيه كوفي صغير ومسوين واير لس يعني الي تمل تروح تقعد عالكمبيوترات ومسوين حمام مغربي والي اذكره قاعتين وحدة للرقص ووحده للرياضة وحاطين لوحة كبيرة عشان الجداول .
بس ماشتركت لاني ارجع من الدوام 4 وعندي بيبي فراح يضيع وقتي عالدوام والنادي والنهار احين قصير وبيتم البيبي بروحه فقلت احسلي ادرب عمري فالبيت لان ماشالله مترسات الالات بس النادي ميزته انك تحصل حد يشجعك والالتزام .
